Бөек Ватан сугышы еллары еракта калса да, сугыш чоры балаларының истәлекләре, укучыларга әйтер сүзләре күп. Мөнирә апага да 1941 нче елда 10 яшь була. Тормышның ачысын-төчесен үз җилкәсендә татый ул.

    Бүген 1-6 класс укуылары белән очрашуга сугыш чоры баласы Мөнирә Габидуллина килде. Бүген 87 яшендә булса да, сыер тота, хезмәтне ярата. Укучыларны да хезмәтне, тормышны яратырга өйндәде ул. Сугыш афәтләре беркемгә дә килмәвен теләде.

   Мәктәптә "Хәрби-патриотик айлык" кысаларында күп төрле эшләр планлаштырылды. М.Җәлилнең туган көненә багышлап, укучыларга шагыйрьнең моңарчы аз яңгыраган шигырьләрен уку, шул шигырьләргә иҗади проект эшләргә тәкъдим ителде. Укучылар бик тырышып. шушы эш белән мәшгуль.

    Бүген мәктәптә "М.Җәлил турында сөйлибез"темасына укучылар бәйгесе узды. Бәйгедә 8 класс укучысы Рәсүл Галиев җиңеп чыкты.

   1990-2000 нче елларда Ташкичү урта мәктәбендә Магсумов Нәкыйп физкультура дәресләре укытты. Шушы чорда бик күп укучылар волейбол уены белән "җенләнде". Чөнки Нәкыйп үзе чын волейбол остасы иде, укучыларга да волейбол уенына мәхәббәт уята алды.

    2017 нче елда Нәкыйп, үз теләге белән, туган мәктәбе укучыларын волейбол серләренә тошендерергә уйлады. Чөнки мәктәп төп мәктәп статусында калгач, бу уенга карата сүлпәнләнү башланды. Атнага 2 тапкыр ул, Әтнәдән Ташкичүгә килә, Укучыларны туплап, ярышларга йөртә.  Рәхмәт сиңа, Нәкыйп!

   Ташкичү төп гомуми белем мәктәбе коллективы Ташкичү авылы китапханәсе, Культура йорты хезмәткәрләре белән әледән-әле төрле чаралар оештыралар. Чираттагы чара табигатебезгә багышланды. "2017 нче ел - экология елы" кысаларында, "Табигать - тиңсез хәзинә" дип аталган уен-сәяхәт оештырылды. Укучылар башта табигать турында лекция тыңладылар, викторина сорауларына җавап бирделәр.  Кичәнең икенче өлешендә Культура йорты фойесында кызыклы уеннар, биюләр оештырылды.

    8 февраль көнне мәктәптә класс сәгатьләре яшь антифашистларга багышланды. Укучылар бу көннең килеп чыгуы, Даниэль , Фадыл Джамал батырлыгы,яшь герой-пионерлар белән таныштылар. Бүгенге көндә бара торган дөнья вакыйгалары белән таныштылар. Җирдә һәр балага тынычлык кирәк булуына төшенделәр.

  "Туган тел айлыгы" кысаларында, "Тел - халыкның көзгесе" дип аталган класс сәгатьләре узды.

   Бүген 1-6 класс укучылары өчен "Эх, зимушка-зима" дип аталган акция узды. Укучылар алдан кардан окоплар, ныгытмалар, ял итү урыннары, блиндажлар ясадылар. Тәнәфестә шушы урында төрле уеннар, ярышлар оештырылды. Бу ярышлар атна буенча дәвам итәчәк. Бүген укучылар ике командага бүленеп, байрак алу уенында катнаштылар. Ярышларны педагог-организатор Г.Д.Касимова оештырды.

    Һәркем үз туган телендә сөйләшергә тиеш. Татар теленүстерү, дөрес сөйләшү  максатында, мәктәптә "Туган тел айлыгы" игълан ителде. Иртәнге линейкада укучыларны эш планы белән таныштырдык, айлык биремнәр бүлеп бирелде.

    Мәктәптә "Хәрби-патриотик айлык" кысаларында "Иң оста егет" конкурсы уза.  Кызлар, хатын-кыз укытучылар, техник хезмәткәрләр  арасында "Иң оста егет" темасына яшерен анкета үткәрелде. Узган атнада егетләр теннис буенча көрәшсәләр, бу атнада спортның төрле төрләрендә үзләрен сыныйлар. Бүген урыннан ераклыкка сикерү буенча ярышлар узды.Ярышларны мәктәпнең профилактика отряды вәкилләре оештыра. Нәтиҗәләр 22 нче февраль көнне тантаналы линейкада билгеле булачак.