5-7 класс укучылары өчен чираттагы класс сәгате "Синен хокукларың һәм бурычларың" дип аталды. Тарих, җәмгыять белеме укытучысы Р.Р.Хакимзянова укучыларга гражданлык хокуклары һәм бурычлары турында аңлатты.

Педагог-китапханәче Ф.Ф.Хабибуллина башлангыч класс укучылары арасында «Иң зирәк”  бәйгесе үткәрде. Әлеге бәйге китап укуга кызыксыну уяту,  класстагы иң зирәк, иң тырыш, белемле укучыны билгеләү максатыннан уздырылды. Укучыларга үзләренең укыган китаплары буенча   туган якка, гаиләгә, мәктәпкә, кошларга, хайваннарга, табигать күренешләренә багышланган сораулар тәкъдим ителде. Укучылар бирелгән сорауларга бик теләп, тырышып   җавап бирделәр. 4 нче сыйныф укучысы Фәттеров Фәнгиз  “Иң зирәк” укучы исеменә лаек булды. Ә калган укучыларга “Ин зирәк” укучыдан калышмаска, күбрәк китап укырга, тырышырга кирәклеге әйтелде.

   Мәктәптә атнаның икенче көне - иртәнге линейка көне. Дежур класс атналык эшкә нәтиҗә ясый, мәктәптә булган кимчелекләрне бетерү юллары күрсәтә, тәртипсезлек очракларын кисәтә.

    Бүгенге линейкада 2017 нче елга бурычлар каралды. Укуга караш, җәмәгать эшләренә актив катнашу мәсҗәләләре кралды. Спортта, төрле конкурсларда җиңү ялаган укучылар макталды.

   Арча муниципаль районында укучыларның"НУР" дип аталган телестудиясе эшли. Бу телестудиягә йөрүчеләр матур итеп сйләшергә, телевизион тапшырулар төшерү серләренә өйрәнә. "НУР" телестудиясе республикабыз, Россия Федерациясендә күп төрле ярышларда катнашып, зур җиңүләр яулаган коллекив. Шушы коллектив 2016 нчы елның 17 январенда татар телендә сөйләшүче укучылар өчен кастинг уздыра. Кастинг Арча укучылар сараенда 15.00 сәгатьтә башлана. Кастингта 7-8 класс укучылары катнаша ала. Кастингтан узган укучыларга бушлай күнегүләр оештырылачак. Рәхим итегез, үзегезне сынап карагыз! 

   Кышкы каникуллар сиздермичә узып та китте. Балалар өчен районда, мәктәптә, авыл Мәдәният йортында, китапханәдә күп төрле чаралар узды. Мәктәп укучылары район күләмендә узган спорт ярышларында да катнаштылар. Бадминтон буенча узган ярышта 8 класс укучысы Шәйхетдинов Булат 2 нче урын яулады. Котлыйбыз, Булат!

    Ташкичү Мәдәният йорты, авыл китапханәсе, мәктәп коллективы кышкы каникул чорында  укучылар өчен әледән –әле кызыклы чаралар үткәрә. Чираттагы чара “Әбиемнең сандык серләре” дип аталды. Кичәгә авылның олысы-яше чакырылды.  Чарада сандык, аның эченә яшерелгән серләр ачылды. Сер дигәнебез – чиккән сөлгеләр, бизәнү әйберләре, читек, калфак, түбәтәй... Дөрес, бу әйберләр белән без көн дә очрашабыз. Ләкин алар кайдан килеп чыккан, ни өчен чигелгән? Сәбәбе гади икән – күз тигәннән саклый икән безне чигелгән әйберләр!

    Укучылар кичәдә Сабантуй күрке – сөлге, кызларның сөйгәненә ядкәре – чиккән кулъяулык, балаитәкле күлмәк белән таныштылар. Читек ничек барлыкка килә – шул серне төшенделәр.

     Өлкән буын вәкилләре укучыларга моңлы, борынгы җырлар бүләк итте, укучылар сикереп-сикереп биеделәр, шигырьләр сөйләделәр. Кичә бик эшлекле рухта узды.

   5 январь - "Барыбыз да - чаңгыга!" көне итеп игълан ителде.   Мәдәният йорты яны иртәдән мәш килде!  Чонки анда чаңгы ярышларына старт бирелә. Ә финиш - мәктәп ишек алды. Мәктәп ишек алдында ярышта катнашчыларны тәмле коймак, бүләкләр көтеп тора иде. Бәйрәмгә укучыларның әти-әниләре, әби-бабалары да килгән иде. Ярыш тәмамлануга , ярышта катнашучыларны тәмле пылау, коймак белән чәй көтә иде. Бәйрәм күңелле узды.

    Яңа елның беренче көннәре карлы килде. Салынган чаңгы эзләре калын кар астында калды. Бүген төшкә кадәр башлангыч, төштән соң 5-9 класс укучылары чаңгы юлларын тәртипкә китерде.

  Ташкичү авылы Культура йорты һәм авыл китапханәсе хезмәткәрләре, мәктәп белән берлектә, укучылар өчен әледән-әле кызыклы һәм мавыктыргыч чаралар оештыралар. Чираттагысы 3 январь көнне узды. Укучыларны якты залда Кыш бабай, Кар кызы каршы алды. Алвр укучыларга кызыклы уеннар, башваткычлар әзерләгәннәр иде. Бию катыш бәйрәм укучыларга да, алар белән килгән әти-әниләренә, әбиләренә дә бик ошады. Кичә укучылар өчен дискотека белән дәвам итте. Укучылар өчен Культура йорты алдында да төрле уеннар оештырылды.

    Яңа 2017 нче ел да килеп җитте. 2016 нчы ел безнең мәктәп өчен капиталь ремонт елы булып истә калачак! Мәктәбебез яңарды, яктырды, тагын да җылыракка әйләнде! 2016 нчы ел якташыбыз Мәхмүт Галәүгә 130 ел тулу белән безнең истә калачак. Аның оныгы Олег Надирович, оныкчыгы Анастасия Олеговна белән очрашу безнең күңелләрдә мәңге сакланыр. Укучыларыбыз, укытучылар район, республика күләмендә узган бәйгеләрдә катнаштылар, җиңүләр яуладылар, үзләренең көчләрен сынадылар. Яңа 2017 нче ел барчабызга бетмәс бәхетләр, күңел күтәренкелеге, семьяларда тигезлек, сәламәтлек алып килсен! Яңа ел белән!