1920 елның 27 маенда Бөтенроссия Үзәк башкарма Комитеты (ВЦИК) "Татарстан Автономияле Совет Социалистик Республикасы турында" Декрет кабул итә. ТАССР оешуга 100 ел тулуга багышлап, мәктәп китапханәсендә китаплар күргәзмәсе оештырды. Күргәзмәдә тәкъдим ителгән басмалар безгә туган төбәгебезнең тарихы, Ватан хакына сугышкан һәм каһарманлык күрсәткән кешеләр, Татарстан Республикасының бүгенгесе турында сөйлиләр. Укучылар зур кызыксыну тоеп күргәзмә белән танышалар.

Бөтен дөнья 8 март – халыкара хатын-кызлар көнен билгеләп үтәргә әзерләнә. Яз ул – якты кояш, җылы нурлар, чәчәк бәйләмнәре, күңел җылысы. Хатын-кызлар көнен яз башында билгеләп үтү юкка түгелдер!

Без дә хөрмәтле әниләребезне, әбиләребезне мәктәпкә чакырдык. Аларга җылы хисләребезне шигырьләр, җырлар,биюләр аша җиткердек. Үз кулларыбыз белән әзерләнгән бүләкләрне өләштек.

Бәйрәм белән, кадерле хатын-кызларыбыз!

Мәктәптә укучыларга  профессиональ юнәлешсайлау буенча төрле чаралар үткәрелә. Аткеталарга җавап бирү, төрле беседалар, кызыклы профессия кешеләре белн очрашулар, студентлар белән очрашулар.... Чираттагы очрашу “Арча профессиональ агропрмышленность колледжы” укытучылары белән булды. Специальность предметы укытучысы А.Д.Аскарова  9 класс укучыларына профессия сайлау әһәмиятен  сөйләде, үзләре эшли торган колледж белән таныштырды, колледжка укырга чакырды.

    Мәктәптә истәлекле даталарны, бәйрәмнәрне төрле чаралар белән әзерләүгә зур игътибар бирелә. Менә берничә көннән язның иң матур бәйрәме – 8 март бәйрәме якынлаша. Бу бәйрәмгә укучылар да, әти-әниләр дә катнаша. Укучылар концерт номерлары, әти-әниләр күргәзмәләргә кул эшләре әзерлиләр. Егетләр арасында “Иң, иң кыз ....” дип аталган конкурс оештырыла.  Бу чаралар барысы да матурлыкны, пөхтәлекне, бер-береңә ихтирам тәрбияләү хисләре уяту максатларында оештырыла. Бәйрәмнең күрке, билгеле, укучылар һәм әти –әниләр, әбиләр катнаында тантана булачак. Бәйрәм белән сезне, кадерле укучы кызлар, хөрмәтле укытучы хатын-кызлар, әниләр!

Мәктәп укучыларының активлыгын күтәрү максатыннан, аларны төрледән төрле конкурс, бәйгеләргә тарту дәвам итә. Аеруча активлык күрсәткән укучылар төрле грамота, Дипломнарга ия була. Бу укучыларга бүләкләрне тананалы рәвештә тапшыру гамәлгә кергән. Бу укучыларда ярышларда катнашу, җиңүгә омтылу юнәлешендә стимул булып тора. Мәктәптә укучылар мондый ярышларда кече яшьтән катнашырга тартыла. Бүген дә район күләмендә узган конкурсларда җиңүчеләрне һәм призерларны котлау оештырылды.

    Яз ае татар халкының бөек шагыйре  Г.Тукайны дөньяга китергән  һәм бу дөньядан алып киткән дә вакыт. Язның беренче көннәреннән үк Г.Тукайга багышланган чаралар оештырыла башлады.  Башлангыч класс укучылары өчен атнага бер тапкыр Тукай укулары оештырылачак.  Бу укуларда шагыйрьнең тормышы, әсәрләре өйрәнеләчәк, укучылар арасында иҗади эшләр конкурслары оештырылачак. Өлкән класс укучылары Тукай Кырлай мәктәбендә узачак Г.Тукай исемендәге  фәнни-практик конференциягә әзерләнәчәк.  Бу эшләргә укучыларны  татар теле һәм әдәбияты укытучылары һәм Г.Тукай иҗатын сөюче укытучылар  әзерләячәк.

   “Тормыш иминлеге нигезләре”  дәресләре үткәрү кысаларында, мәктәптә төрле куркыныч ситуацияләр, бу ситуацияләрдә имгәнү очраклары булганда беренче ярдәм күрсәтү буенча дәрес узды. Дәресне ОБЖ укытучысы А.З.Багавиев оештырды. Башта лекция укылды, аннан соң практикада өйрәнелгәннәр кабатланды.

Бүген район мәктәпләрендә “Гражданнар оборонасы” дәресләре булып узды. Безнең мәктәптә бу дәрестә Яңа Кенәр янгын участогы начальнигы Х.Х.Ахметов катнашты. Ул укучыларга янгын куркынычсызлыгы, террористик акт вакытларында үз-үзеңне тоту кагыйдәләре белән таныштырды. Дәреснең ахырында мәктәптәп эвакуация оештырылды.

В рамках проведения Всероссийского образовательного мероприятия «Урок цифры» был проведен урок с использованием видеоролика «Искусственный интеллект и машинное обучение». Урок был направлен на развитие ключевых компетенций цифровой экономики школьников, а также на их профориентацию для осуществления деятельности в сфере информационной технологии. Урок организовал и провел учитель информатики и ИКТ Ф.Г.Фаттеров.

Кыш көннәрендә безнең якта кышлаучы кошларга аеруча кыенга туры килә. Аларга азык җитми башлый. Ә кошлар, азык җиткәндә, салкын кышларны да бик җиңел үткәрәләр.

5 класс укучылары кыш буена кошларны өстәмә тукландырып торалар. Алар җимлекләр ясадылар, көн саен кошларга ипи валчыклары, бөртек, май кисәкләре куялар. Кошлар җимлекләргә бик теләп киләләр.