Мәктәптә робототехника түгәрәгенә бик яратып йөргән укучылар күп. 7 класс укучысы Набиев Д. каникулның 1 көнен дә бушка уздырмый,  көн  саен мәктәпкә килеп укытучысы Нуриҗанов Э.Т. белән берлектә төрледән төрле робот элементлары ясый, аларны сынап карый. Тырышлыгың бушка китмәс, Данис, синең бу өлкәдә яңа үрләр яулавыңны телибез!

Кичә,24 март көнне "Арча" спорткомплексында районара теннис ярышы булып узды.Безнең мәктәп укучылары уңышлы чыгыш ясап 2001-2002 елгылар арасында 2 урын яуладылар.

1 урында - Теләче,  2 урын - Шушмабаш, 3 урын-Арча командалары булды.

   Бүген Яңа Кишет мәктәбе базасында  башлангыч профсоюз  оешмаларының волейбол буенча ярышы булды. Ярышта Шушмабаш урта мәктәбе коллективы да актив катнашты. Кызлар командасы уңышлы чыгыш ясап икенче урынны яулады. Афәрин кызлар!

Сөнгатуллин Р.Т. җитәкчелегендә  23 март көнне укучыларыбыз  Хәбибрахманова Айгөл, Хәбибрахманов Айтуган, Кәримов Таһир  Казан шәһәре Тукай музеена барып   ТНВ каналы өчен өйрәнгән шигырьләрен яздырып кайттылар. ТНВ хезмәткәрләре тарафыннан укучыларыбыз чыгышы югары бәяләнде.

Бүген  Г.Тукай исемендәге Арча педагогия көллиятендә "Яңгыравык шигырь тамчылары" дип аталган Республикакүләм шигырь укучылар бәйгесе узды. 3 класс укучысы Хәбибрахманов Айтуган (җитәкчесе: Сөнгатуллина Ф.М.)  "За оригинальное выступление" номинациясе җиңүчесе булса, 4 класс укучысы Елисеева Камилә (җитәкчесе: Тазетдинова Г.Р.) III дәрәҗә дипломга лаек булды. Укучыларыбызны зур җиңүләре белән котлыйбыз!

  Мәктәптә каникул вакытында да укучылар тавышы тынып тормый, кемдер конференциягә әзерләнә, кемнеңдер шигырь конкурсына барасы бар, спортзалда волейбол ярышына әзерлек бара. 9 класс укучылары бүген биология фәненнән ОГЭ эшләп карыйлар. Аларга уңышлар телик!

   19 март көнне Шушмабаш урта мәктәбе базасында Г.Тукайның 130 еллыгына багышланган  ООО СХП "Северный" җитәкчесе кубогына көрәш ярышы булды. Ярыш Шушмабаш урта мәктәбе укучыларының Г.Тукайга багышланган чыгышы белән башланып китте .Бәйрәм барышында театральләштерелгән чыгышлар, Тукай персонажлары Су анасы һәм Шүрәле келәмгә чыгып көрәшүе очрашуга яңа төсмерләр кертте. Ярышта Шушмабаш урта мәктәбе командасы 1 урынны яулады.(тренер Хайруллин З.Т.)

Кил син, язым,тизрәк кил,
Бик сагынып көтәбез.
Җырлар җырлап сөеп, зурлап,
Сине тәбрик итәбез!

Шекә башлангыч укучылары авыл халкын Нәүрүз бәйрәме белән котлап йөрделәр. Ахырдан поварыбыз Ризида апа пешергән карга боткасын бик тәмләп ашадылар. Нәүрүз бәйрәмнәре котлы булсын!

19 март көнне укучыларыбыз Елисеева Камилә һәм Хәбибрахманов Айтуган  Арчада "Созвездие - Йолдызлык - 2016" фестиваленең зона этабында  катнаштылар.

Табигатьтә яз исе, яз сулышы. Тәрәзә төбендә гөлләр чәчәк атып, язның килүен көтә.Шекә башлангыч мәктәбе укучылары гөлләр күчереп утырту, аларны тәрбияләү белән мәшгүль.