Республиканың иң яхшы директорларының берсе безнең мәктәптә эшли!

    Безнең директорыбыз Шаймарданова Рәзилә Габделнуровна Бөтенроссия "Иң яхшы директор " бәйгесенең региональ этабында уңышлы катнашып, республиканың иң яхшы 10 директоры исемлегенә керде.    Хөрмәтле Рәзилә Габделнуровна! Сезне зур җиңүегез белән чын күңелдән тәбрик итәбез!. Сезгә гаилә иминлеге,  бетмәс көч һәм энергия, хезмәтегезнең нәтиҗәләренә куанып, тагын да югарырак үрләр яулавыгызны телибез!

        15 май-Гаилә көне уңаеннан һәм балаларның гаилә кыйммәтләрен саклауларына , белүләренә ирешү максатыннан классларда тәрбия сәгатьләре үткәрелде. Укучылар гаиләләре  турында чыгышлар ясадылар, әти-әниләргә хөрмәт хисләрен матур сүзләр, шигырь юллары аша җиткерделәр.

             Бүген безнең мәктәпнең балалар оешмасында , 4 нче сыйныфтагы   9 укучыны Татарстан варислар берлегенә кабул итү тантанасы булды. Яшь варислар иптәшләре, укытучылар, әти-әниләре каршында тантаналы вәгъдәләр бирделәр. Яшел, ак, кызыл  төсләрне алган галстукларны яшь варисларыбызга , уку алдынгылары бәйләделәр. Аларны чын күңелебездән котлыйбыз.

Бүген Шушмабаш урта мәктәбе укучылар һәм укытучылар коллективы "Үлемсез полк" маршына чыкты. Бөек Ватан сугышында илебез азатлыгы өчен башын салган бабайларыбызны без әнә шулай мәңгеләштердек.

  Бүген Шушмабаш мәдәният йорты каршындагы мемориал янында Бөек Җиңүнең 71 еллыгы уңаеннан тантаналы митинг үткәрелде. Митнингта сугыш чоры балалары, тыл ветераннары, авыл халкы, килгән кунаклар катнашты.Язгы кояшның мул итеп елмаюы, сугыш елларындагы матур җырлар, тәмле коймак исе иртәдән үк бәйрәм кәефе тудырды. Укучыларның ветераннарны эчкерсез котлап яңгыраган шигырь юллары, җырлар, легендар "Катюша" биюе  берәүне дә битараф калдырмады.  Сугышта һәлак булучы якташларыбыз һәйкәленә веноклар салынды. Дөньялар тыныч, күгебез аяз, гаиләләребез бөтен булсын!

     Бүген Шушмабаш урта мәктәбендә истәлекле вакыйга-  авылдашларыбыз Социалистик Хезмәт  Герое  Шәрифулла Сәгъдуллин һәм Александр Матросов батырлыгын кабатлаган батыр солдат Кәрим Исхаковка багышланган мемориаль такта ачылу тантанасы булды. Тантанада Арча башкарма комитеты җитәкчесенең социаль эшләр буенча урынбасары  Гарифзянов Рамиль Илгизович, якташларыбызның якыннары һәм туганнары, авылдашлар,ветераннар катнашты.Геройларның якыннары район җитәкчелегенә тирән ихтирамын, олы рәхмәтен җиткерде.      Шушы бөек кешеләр  безнең җирлектән булулары белән, аларның исемнәре тарих битләрендә зур хәрефләр белән язылып куелганлыклары белән без чиксез горурланабыз. 

Шекә башлангыч мәктәбе укучылары төрле конкурсларда катнашып торалар  ." Эш агачы һәрвакытта бик юмарт китрер җимеш." дигән Бөек шагыребез. Тырышсаң, һәрвакытта эшеңнең нәтиҗәсе уңай була.

5 нче май көнне Лесхоз урта мәктәбе базасында “Совет һәм Россия халкы тормышында Бөек Ватан сугышы” темасына Җиңүнең 71 еллыгына багышланган район күләмендә фәнни-практик конференция үтте.Бу чарада мәктәбебезнең татар теле һәм әдәбияты укытучысы Сабитова Т.Ә. катнашты.Ул"Үлемне җиңгән ветеран"темасына чыгыш ясады.Чыгыш ясаучыларга сертификат тапшырылды.