30 апрель көнне Арчаның №5 е гимназиясендә юлның яшь инспекторларының районкүләм бәйгесе"Имин тәгәрмәч-2016" булып үтте. Ул быел ГИБДД ның 80 еллык юбилеена багышланды. Барлыгы 37 мәктәп катнашты. Безнең мәктәпнең дә  4 укучысы Шакиров Рәзил, Каюмова Азалия, Сагдуллин Алмаз, Спиридонова Анна бу бәйгедә бик актив катнашып 1 урынны яуладылар. Аларны һәм аларның җитәкчеләре: Вильданов Р.Г.,ны Каюмова Г.Н.ны  уңышлары белән чын күңелдән котлыйбыз. Алда  тагын да зур уңышлар теләп калабыз.

Бүген укучылар Арча районының 5 нче гимназиясендә үткәрелгән баскетбол ярышында үзләренең көчләрен сынап кайттылар. Мактау грамотасы белән бүләкләнделәр.

28 апрель көнне Арча стадионында укытучылар арасында җиңел атлетика буенча ярышлар үтте. Укытучыларыбыз сынатмады. Эшкә дәрт алып, күтәренке кәеф белән яңа җиңүләргә рухланып кайттылар.

28 апрельдә Арчаның 5 нче гимназиясендә "Без Тукай варислары" дигән баш астында шигырь укучылар бәйгесе узды. Мәктәбебез укучылары уңышлы чыгыш ясады. 3 класс укучысы  Кәримов Таһир һәм 7 класс укучысы Әхмәдуллина Лилия 2 урынга лаек булды. 4 класс укучысы Фәттахова Айгөл "Тамашачы мәхәббәте" , 9 класс укучысы  Газизова Адилә "Сәхнәдә үзен оста тотучы" номинациясенә ия булды. Афәрин, булдырдыгыз!

Бүген 9-11 нче сыйныф укучылары белән очрашуга мәктәп инспекторы Нигъмәтуллин М.К. килде. Ул укучылар белән эшлекле әңгәмә корды.  Җәмәгать урыннарында, урамда үз-үзеңне дөрес тоту кагыйдәләре белән таныштырды. Укучыларны кызыксындырган сорауларга җавап бирде.

26 апрель- бөек шагыйребез Г. Тукайның туган көне. Бу көннәрдә бөтен татар дөньясы Тукай рухы белән яши. Шушы бәйрәм уңаеннан мәктәптә "Йөрәкләрдә Син, Тукай" дип исемләнгән әдәби-музыкаль кичә үткәрдек. Укучылар шагыйрьнең шигырьләрен сөйләделәр, аның сүзләренә язылган җырлар башкардылар, өкиятләрен сәхнәләштереп күрсәттеләр. Кичәбез "Туган тел" җыры белән тәмамланды.

Бүген мәктәбебездә башлангыч класс укучылары арасында "Тукай конкурсы" үтте. Конкурс кысаларында укучылар шагыйрьнең балалар өчен иҗат иткән шигырьләрен укыдылар. Жюри тарафыннан нәтиҗә ясалды, укучыларга дипломнар тапшырылды.

                                                          Хисләремне һаман яшерәмен,

                                                             Татар кызы, артык сабырмын.

                                                           Йөрәгемнән чыккан хисләремә

                                                           Шигърияттә урын табармын.

        Арча ягы – бик бәхетле төбәк. Бу төбәктән татар халкының

       мәшһүр әдипләре, шагыйрьләре, галимнәре һәм хезмәт сөйгән

       талантлы башка бик күп вәкилләр чыккан.

             2016 – Тукай елы икәнен истә тотып безнең башлангыч

       профсоюз оешмасы әдәбиятка битараф булмаган коллегаларын

       барлап чыкты һәм аларның иҗатын бер җыентыкка туплады

       Сезне дә танышырга чакырабыз!

Г.Тукайның балаларга багышланган әсәрләре,җыентыклары, китаплары безнең көннәрдә аеруча күпсанлы тираж белән һәм еш басылып тора.Хәтта кечкенә генә күләмле әсәрләре дә аерым китап итеп әзерләнә.Әйе,чынлап та,без бишектә чакта ук Тукайның көйләрен ,җырларын ишетеп үсәбез ,телебез Тукай шигырьләре белән ачыла. Без дә Шекә укучылары, Тукай иҗатын өйрәнәбез.Аның иҗаты буенча КВН үткәрдек. "Яз галәмәтләре" белән "Карлыгач "командалары ярышты. "Яз галәмәтәләре" командасы беренче урынны алды. Котлыйбыз!

Тукай иҗатын өйрәнү максатыннан башлангыч класс укучылары белән "Тукай безнең йөрәкләрдә!"  дип исемләнгән тәрбия сәгате узды. Чара кысаларында Тукайның бала чагы, иҗаты турында мәгълүмат бирелде. Чара "Туган тел" җыры белән тәмамланды.