Бүген мәктәптә ата-аналар җыелышы булды. Мәктәп директоры Шаймарданова Рәзилә Габделнуровна 2015-2016 уку елына йомгак  ясап әти-әниләрне укучыларның һәм укытучыларның ирешелгән нәтиҗәләре белән таныштырды, мәктәпнең уңышлары турында сөйләде.   Укучыларның җәйге ял чорында куркынычсызлыгын, иминлеген кайгырту әти-әниләр җаваплылыгында икәнлеге ассызыкланды. Ахырдан Вильданова Г.Ш. җитәкчелегендәге театр коллективы әти- әниләргә спектакль тәкъдим итте.

Укучылар Бердәм дәүләт имтиханнарына әзерләнәләр.

     Бүген "Самостоятельные дети" проекты кысаларында һәм сәламәт яшәү рәвешен пропагандалау максатыннан "Россия без табака" акциясе булып үтте. Укучылар авылның үзәк урамына чыгып тәмәке тартуның зарары турында сөйләделәр, тәмәке тартмаучылар тарафыннан  агачка зәңгәрсу ленталар бәйләнде. Мондый акцияләр укучылар һәм җәмәгатьчелек арасындагы хезмәттәшлекне тагын да ныгыта.

Бүген Шушмабаш мәктәбендә соңгы кыңгырау гадәттәгечә искиткеч матур һәм оешкан төстә үтте. Кулларына чәчәк бәйләмнәре тоткан, үзләре дә чәчкәләргә тиң чыгарылыш сыйныф укучыларын "Нур" телестудиясе җитәкчесе Зарипова Зөлфирә Маннаповна, мәктәп директоры Шаймарданова Рәзилә Габделнуровна, күмәк хуҗалык, җирле үзидарә вәкилләре, әти–әниләр котлады. Һәр 11 сыйныф укучысы исеменнән ишетелгән укытучылары, яраткан мәктәпләренә рәхмәт сүзләре, тынычлык һәм бәхет теләп күкләргә ашкан шарлар, матур чыгышлар һәм саубуллашу вальсы – бар да үзенчәлекле булды. Быел мәктәпне 13 укучы тәмамлый.  Алда аларны зур сынаулар көтә. Уңышлар сезгә, егетләр һәм кызлар!

Укучылар ОГЭга әзерләнәләр. 

Шушмабаш урта мәктәбенең 5 класс укучылары начар гадәтләрне кисәтү буенча  "Мин бәхетле киләчәк өчен!" дип исемләнгән  муниципаль театр  конкурсында катнашты.

Укучылар матур җәнлек киемнәреннән тәртипсез аюны туры юлга бастыруда күп көч куеп, теләкләренә ирешәләр. "Иң актив команда" номинацииясендә җиңүче булдылар.

Учащиеся нашей школы участвовали в Республиканском робототехническом Фестивале -2016, который в этом году состоялся 20 мая в Инновационном Tехнопарке «Идея». Нашу команду представляли учащиеся 5 класса, 6 класса и 7 класса. По итогам соревнований наши ребята заняли 3 место. 
Мы поздравляем нашу команду и желаем дальнейших успехов в соревнованиях!

 

17-20 май көннәрендә Арча районының данын яклап безнең мәктәптән 2 малай һәм 2 кыздан торган команда республикабызның Яр Чаллы шәһәрендә үткәрелгән "Имин тәгәрмәч-2016" конкурсында катнашып кайттылар. Республикабыздан җыйналган 56 команда бу дүрт көндә төрле төрдәге конкурсларда көч сынаштылар. Шакиров Рәзил медицина буенча 9 урынны алды. Аңа мактау грамотасы һәм истәлекле бүләк тапшырылды. Афәрин! Конкурста катнашучы укучыларыбызны Каюмова Азалия, Сагдуллин Алмаз, Спиридонова Анна,Шакиров Рәзилгә һәм аларны бу конкурска әзерләүче Вильданов Рәҗәп Гильмановичка рәхмәт белдерәбез.

19 май көнне Арча районында мәктәп укучылары арасында "Асфальтта рәсем ясау" конкурсы үткәрелде. Безнең мәктәптән Маджидова Сәфинә, Гараева Назлыгөл, Габитова Ләйлә рәсем сәнгатендә үзләренең көчләрен сынап карадылар. Кызлар бик матур итеп төрле номинациядә рәсем ясадылар. Маджидова Сәфинә Г . Тукайның 130 еллыгына багышлап "Бала белән күбәләк" рәсемен ясап, үз яшьтәшләре арасында 3 урынны алды. Котлыйбыз!