25. 04.2016. Бүген 9 класс укучылары ЕРТ эшләре эшләп кайттылар.

Г.Тукайның 130 еллыгына багышлап мәктәбебездә бик күп чаралар үткәрелеп килә. Бөек шагыйрьебезнең әсәрләренә багышлап кул эшләре конкурсы игълан ителде. Укучыларыбыз берсеннән-берсе матур эшләрне бүген күргәзмәгә тәкъдим иттеләр.

 Г.Тукайның 130 еллыгын каршы алган бу көннәрдә башлангыч класс укучылары аның әсәрләренә багышланган кул эшләре әзерләде. Бөек шагыйребез иҗатын кече яшьтән үк яратып өйрәнәбез.

       23 март көнне Кукмара күп профильле лицеенда Р.И.Утямышев исемендәге республика фәнни-гамәли конференциясе булды. 10 класс укучылары Самигуллина А.һәм Гарифуллина Г. конференциядә уңышлы чыгыш ясап 3 урын алдылар. Кызларны һәм аларның фәнни җитәкчеләре  Самигуллина Ч.М. һәм Хадиева Р.Р. ны котлыйбыз. Иҗат уңышлары телибез!

21 апрель көнне мәктәбебездә төп мәктәпләр арасында волейбол буенча зона ярышлары булып узды.Бу ярышта 1 урынны Шурабаш мәктәбе ,2 урынны Иске ашыт мәктәбе,3 урынны Хәсәншәех мәктәбе егетләре алды.Кызлар арасында 1 урынны Носы мәктәбе,2 урынны Яңа Кишет мәктәбе алды.Аларга финал ярышларында уңышлар телибез.

Габдулла Тукай -өлкәннәрнең һәм балаларның яраткан шагыйре.Аның шигырьләрен бабаларыбыз ятлаган, әти-әниләребез укып үскән.Хәзер без өйрәнәбез. Алар җанны җылыта,күңелне яктырта Туган телгә мәхәббәт  уята.Без Тукайны һәм аның үлемсез шигырьләрен яратабыз.

21 апрель көнне  Шушмабаш, Ашытбаш, Апаз урта мәктәбенең10 сыйныф  укучылары психологлар белән очраштылар. Психологлар тарафыннан үткәрелгән тренинглар,уеннар укучылар өчен файдалы булды. 

 "Язгы мәрхәмәтлелек атнасы" дәвам итә. Атналык кысаларында мәктәптә төрле чаралар үтә. 20 апрель көнне, 10 нчы сыйныфта, кеше гомерен саклап калучылар-донорлар- турында класс сәгате узды. Укучылар бу әңгәмәдә кан һәм плазма бирүнең тәртибе һәм мөһимлеге турында сөйләштеләр. 

16-23 апрельгә кадәр республикада "Язгы мәрхәмәтле эшләр" акциясе игълан ителде. Безнең мәктәп укучылары бу акцияләрдә бик актив катнашып киләләр. Бүген 21 апрель "Изге эшләр көне". Укчыларыбыз мәктәп яны бакчасында, шефлык итүче  ялгыз, караучысыз калган әби-бабайларга ярдәм иттеләр.

Габдулла Тукайның тууына 130 ел тулу уңаеннан, 20 апрельдә,мәктәбебездә бердәм дәресләр үткәрелде. Укучылар класс сәгатьләрендә күренекле шәхесебезнең тормыш юлы, иҗатына караган белемнәрен ныгыттылар, үзләрен кызыксындырган сорауларга җаваплвр таптылар. Шулай ук , көн дәвамында оештырылган викторина һәм уеннарда да актив катнаштылар.