Кошлар турында мәгълүмат бирүче видео - тәнәфесләр эшләнде.Укучыларга - Россиянең иң матур сайраучы кошлары турында, искитмәле очышлары турында видеотасма куелды.Тәнәфесләрдә күңелле кошлар оркестрын һәркем кызыксынып тыңлады.

Табигать фәннәре кысаларында  география укытучысы Хадиева РР. - "Туган авылым урамын кабат - кабат урадым "- дип исемләнгән видео - беседа үткәрде. 8-10 класс укучылары, өчен укытучы авыл турында матур шигырь юллары белән башлап, Шушмабаш авылы урамнарын тану биреме бирде һәм һәркемнең үзенә кадерле үз авылы, үз урамы, үз йорты булуы үзе зур байлык булуын  җиткерде. Укучыларга укытучының шәхси әзерләнгән Тукай урамы һәм анда яшәүче шәхесләр белән интервьюсы тәкъдим ителде

Табигать фәннәре атналыгы кысаларында  биология укытучысы Хадиева Р.Р.  - 9 -11 класслар өчен "Табигать фәннәре патшалыгында " дип исемләнгән класстан тыш чара  үткәрде. Чарада 6 станция эшләде. 10 класс укучылары партадаш дусты белән һәр станциядә 5 минут эчендә  белемнәрен сынадылар.Ә станция җитәкчеләре 9 класслар инструкөия буенча биремнең үтәлешен күзәттеләр, ә 11 класс укучылары экспертлар булып күзәтеп йөрделәр, кирәк булса ярдәм күрсәттеләр. Һәр тукталыш биологиянең  аерым бер тармагын ачты. Чарада мәсьәлә дә чишелде, тәҗрибә дә ясалды, уйлыйсы да, таныйсы да булды. Уен аша белемнәрне чарладык.

   1 апрель - Бөтендөнья Кошлар көне уңаеннан һәм табигать фәннәре атналыгы кысаларында мәктәптә Кошлар көне үткәрелде. Бәйрәмдә 5-7 класс укучылары катнашты. Укучылар төркемнәргә бүленеп   аерым темаларга проектлар ясадылар. Кош сайраулары тыңлап, матур видеофрагментлар карый-карый проект эшләрен булдырып, аларны яклап та күрсәттеләр.Фантазияләрегез саекмасын, иҗади уңышлар сезгә, укучылар!

Табигать фәннәре кысаларында  Химия укытучысы Фатхрахманова Лилия Шагимулловна 9 класста "Кальций һәм аның кушылмалары" темасына ачык дәрес үткәрде. Дәрес укучыларга белем бирүнең төрле алымнарын кулланып алып барылды. Нык эшлекле дәрестән һәркем зур белем багажы алды. Укучылар үз хезмәтләренә бәя бирделәр,фән белән тирәнтен кызыксынуларын күрсәттеләр.

      Табигать фәннәре кысаларында  экологик  даталарга күзәтү ясау, өстәмә мәгълүматлар туплау, күргәзмәләр өчен материаллар әзерләү дәвам итә.Әйдәгез, барыбыз да табигать дуслары булыйк! Әйләнә -тирәбездәге табигатьнең матурлыгы һәм муллыгы югалмасын, челтерәп аккан чишмәләре кипмәсен, җир өсте чәчәккә күмелсен, анда күбәләкләр очсын, кошлар сайрасын дисәк, үзебезгә күп көч куярга, шуңа омтылып яшәргә кирәк .Гүзәл туган ягыбызны тагын да ямьләндерик!

Бүген, табигать фәннәре атналыгы кысаларында,биология  укытучысы  Самигуллина Ч.М., 9-11 класс укучылары арасында эшлекле очрашу үткәрде. Чарада 11 класста  биология фәненнән БДИ бирүче укучылар бүген  иптәшләре каршында "имтихан тотты". БДИның  авыр сорауларына тулы һәм матур җавап биреп укытучыларын сөендерделәр алар. Имтиханнарыгызда   зур уңышлар юлдаш булсын,  җиңел сораулар эләксен, чыгарылыш класс укучылары!!!

 Табигать фәннәре кысаларында бүген Шушмабаш мәктәбендә иртәнге зарядка башкачарак үтте. 1 нче класстан алып, 11 нче класска кадәр укучылар спортзалда бердәм спорт күнегүләре ясадылар.6 нчы класс укучыларының иртәнге зарядка күнегүләре, 10 классларның флеш-мобы барлык катнашучыларга күтәренке кәеф, позитив энергия бүләк итте.

21 март көнне Ашытбаш мәдәният йортында "Без бергә" республика конкурсының зона этабы үтте.Ашытбаш, Шушмабаш, Носы,Апаз, Хәсәншәех мәктәп укучылары чыгыш ясадылар.

Табигать фәннәре кысаларында биология укытуысы Хадиева Р.Р. -  "Чисталык - сәламәтлек нигезе" исемле, 5- 8 класслар өчен, тәрбия сәгате үткәрде. Гигиена таләпләренең үтәлеше, мәктәптә укучыга таләпләр, көндәлек үз-үзеңә тәрбия һәм без һәрвакыт кешеләр арасында булу мәсьәләләребез күтәрелде.Сәламәтлекнең нигезендә чисталыкның да урыны зур булуы күрсәтелде.