Бүген мәктәбебездә "Доброгод" акциясе кысаларында "Путь к Победе" исеме астында квест үтте. 8 класс укучылары Бөек Ватан сугышы елларына багышлап төрле станцияләр ("Истәлекле даталар", "Сугыш елы җырлары", "Тынычлык иле") буенча уеннар үткәрделәр. 

    Бүген Шушмабаш урта мәктәбе   язгы өмәдә катнашты. Мәктәбебез коллективы  мәктәп яны, мәктәп бакчасы территориясендә кар тарату белән шөгыльләнде.Матур, кояшлы язны, җылы кояш нурларын без түземсезлек белән көтәбез!

20 апрельдән башланып киткән республикакүләм "Доброгод" акциясенә безнең Шушмабаш урта мәктәбе укучылары да бик теләп кушылды. Башлангыч класс укучылары авылыбызның күрке булган обелискны чистартуда үз көчләрен куйдылар. Әйдәгез, сез дә кушылыгыз!

Ниһаять, ел буе әзерләнгән тикшерү эшләре  башланды. 17, 19 апрельдә 4 класс укучыларына рус теленнән эшләр килде. Беренче көнне укучылар диктант язса, икенче көнне биремнәр эшләделәр. Яхшы нәтиҗәләр көтәбез.

   Бүген Шушмабаш урта мәктәбендә күренекле шагыйрь  Габдулла Тукайның тууына 132 ел тулу  уңаеннан  районкүләм “Тамчы-шоу” интеллектуаль уены үткәрелде. Уенда Ашытбаш һәм Яңа Кырлай урта мәктәбе командалары көч сынашты.”Тукай оныклары” һәм “Тукай варислары “ командалары Габдулла  Тукайның тормыш юлы, биографиясе, иҗаты буенча үзләренең белемнәрен сынадылар. Киеренке көрәштә Ашытбаш урта мәктәбе укучылары җиңү яулады. Җиңүчеләрне Арча мәгариф идарәсенең милли мәгариф өчен җаваплы методисты Мустафина Энҗе  Габдуллаҗановна    котлады, аларга дипломнар һәм истәлекле бүләкләр тапшырды.

Мәктәбебеәнең башлангыч сыйныф укучылары, Казан шәһрендә үткән,  "Инглиз телендәге театрлар конкурсының" Республика турында катнашып кайттылар. Кеченә артистларыбыз бик оста итеп уйнап уңышлы чыгыш ясадылар.

Инглиз теле атналыгы "Своя игра" уены белән тәмамланды.9-11 класс укучылары уенда катнашып инглиз телле илләр, аларның башкалалары, язучылар турында күп информация белүләрен күрсәттеләр. Укучылар диплом һәм истәлекле бүләкләр белән бүләкләнделәр.

Шекә мәктәбе укучылары Ш.Мәрҗани иҗаты белән таныштылар. Аның олугъ мәгърифәтче, философ, дин әһеле икәнен белделәр. Якташыбызның Ташкичүдә, Казанда истәлекле урыннары барлыгына инандылар.

Башлангыч класс укучылары өчен "Час караоке" чарасы үткәрелде. Алар инглиз телендә күңелле җырлар өйрәнеп, караокега кушылып җырладылар.

Бүген укучыларга инглиз телле илләр һәм анда яшәүче халыклар турында кызыклы фактлар хәбәр ителде. Нәтиҗә ясаганнан соң укучыларнаң күп информацияне истә калдырулары билгеле булды.