Бүген Ашытбаш мәктәбендә "Мәктәпкә җыенырга булыш" акциясе узды. Мәктәбебезнең булачак беренче класс укучыларына мәктәп кирәк-яраклары тутырылган укучы сумкалары тапшырылды. "Бердәм Россия" партиясенең Арча җирле бүлекчәсе җитәкчесе Җәләлетдинов Тәлгать Таһир улына әти-әниләр һәм балалар исеменнән рәхмәтебезне җиткерәбез. Укучыларыбызга зур уңышлар телибез!

     6 класс укучылары  Айгөл һәм Мәрьям  «Сәләтле киләчәк» лагерь сменасында бик ошатып, яңа дуслар табып, проектлар эшләп һәм яклап, һәм тагын әллә ниләргә өйрәнеп, кайтасы килми генә өйләренә кайталар. Молодцы кызлар!  Сез һәрвакыттагыча актив, эзләнүчән һәм тырыш әйдәманнарым минем, диеп куана үз кызларыдай якын күргән класс җитәкчеләре  Рузилә Рафиковна.

Мәктәбебез  коллективының ир –ат  укытучылары һәм техперсоналлары бүген дамба кырларын чүпләрдән чистартып чабып,  җыясын җыеп ялт итеп эшләп кайттылар. Молодцы  дуслар!

          Әйе, бакчаның һәр почмагы зур тырышлык, һәр яшелчә даими үзенә игътибар сорый. Бүген укучылар нык тырышып чөгендер сирәкләделәр, суган төпләрен йомшарттылар, чүпләр утадылар.     

      Шөкер дымны  җылы яңгыр китереп тора. Кечкенә һәм зур дуслары  тырышып тәрбияләгән үсемлекләргә үсәсе дә  үсәсе генә кала. Булган уңышыбыз матур үссен иде, көтелмәгән җил –давыллар, бозлар  булмасын иде  - дигән теләктә калабыз.

    Бу атнада тырышып, чын күңелдән бакчада хезмәт куйган укучыларыма  рәхмәтемне белдерәм, матур, тыныч  яллар телим.

График буенча килгән укучылар атна дәвамында бик тырышып эшлиләр. 4 класс укучылары кыска көн эшләсә, урта класслар ял итә - итә сәгать 12 гә кадәр эшлиләр. Кояшның саранрак каравы, көннең болытлы торуы, җирнең азмы - күпме дымы булу эшләргә бераз булса да җиңеллек китерде. Укучылар сүз тыңлап,җаваплылык тоеп тырышып эшлиләр. Имин хезмәт, тыныч, матур каникуллар булсын алга таба да.

Бакчада укучылар тырышып эшләп сарымсак,  кыяр - кабаклар, кишер -чөгендерләрнең түтәлләрен ялт итеп чүпләрдән арындырдылар

    “Университет талантов” проекты  остазы - укытучыбыз Фирая Салиховна  “Шатлык” лагерының “Сәләтле киләчәк”  профилендә  бик яратып атна дәвамында треннинглар үткәрде.

   Гөлнара Фирдаусовна Шушмабаш мәчетендә оештырылган дини лагерьда  дин сабаклары бирә.

   Уңышлар сезгә ару – талуны белмәс коллегаларыбыз.

Укучылар бик тырышып кишер,чөгендер сирәклиләр, сарымсак түтәлләрен йомшартып чүбен утыйлар,сулар сибәләр.

Яллар итә - итә эшләп көн артыннан көн үтә, матур хезмәтнең нәтиҗәсе күңелләрне сөендерә. Җәйнең җылы ягымлы кояшы, яңгырлары бакчабызны тагын да ямьләндерә

   Шатлык лагерының Сәләтле киләчәк профилендә  6 класс укучылары Фаттахова Айгөл  һәм Ахмадуллина Мәрьям  бик ошатып ял итәләр. Кызларның инде бу лагерьда  беренче еллары гына түгел. Имин, тыныч күңелле яллар булсын һәр укучыбызга!