Психология атналыгы" кысаларында үз-үзеңне бәяләүне үстерү, анализлау максатыннан башлангыч класс укучылары белән "Мин кем" уены оештырдык. Укучылар уенда бик теләп катнаштылар.

Бу атнада 20нче ноябрьдән традицион Бөтенроссия көзге психология атналыгы башланды. Әлеге уңайдан без укучыларыбызга “Әйдәгез дус булыйк” дигән тема астында психологик уен, тренинг үткәрдек. Психологик тренингта ​ үз-үзеңне аңлау һәм үз-үзеңне бәяләү формалаштыруга, эмоциональ өлкәне үстерүгә һәм хис тәҗрибәсен киңәйтүгә, уен, хәрәкәт һәм коммуникатив күнекмәләрне камилләштерүгә, социаль активлык һәм тирә-юньдәгеләргә карата яхшы караш, иптәшләреңә дустанә мөнәсәбәт тәрбияләүгә ярдәм итә.

Мәктәбебездә 13 -19 ноябрь  юл-транспорт һәлакәтләре корбаннарын искә алу көненә багышланган атналык булды. Бүген укучыларыбызнын белемнәрен тикшеру, ныгыту өчен “Юлда йөрү кагыйдәләре һәм юл билгеләре” дигән викторина үтте.

Балаларда юлда йөрү культурасы тәрбияләү максатыннан дәрестән тыш үткәрелгән чараларның әһәмияте бик зур. Мондый чараларны әзерләгән вакытта да, карап утырганда да укучыларның кызыксынуы арта, өстәмә мәгълүмат алына. ... Максат: юл йөрү кагыйдәләре турындагы белемнәрне ныгыту, урамда йөргәндә игътибарлы булырга өйрәтү, машина йөртүче, юл хәрәкәтен көйләүче хезмәткәр һөнәрләренә кызыксыну тәрбияләү. 

«Көзге мәрхәмәтлелек атнасы» дәвам итә.
Табигать һәм кеше бербөтен.
Пычранмасын сулар, һава һәм җир,
Капламасын Җирне сөрем һәм төтен!
Әлеге язманы менә шундый шигъри юллар белән башлау юкка түгел. Чөнки экология дөньякүләм әһәмиятле, мөһим мәсьәләләрнең берсе булып кала бирә

Бәлигъ булмаганнар катнашында юл-транспорт хәлакәтләрен киметү һәм балалар юл-транспорт травматизмын профилактикалау максатыннан, безнең мәктәптә бердәм юл куркынычсызлыгы көне үткәрелде. Бүген һәр бала юл хәрәкәте кагыйдәләре турында алган белемнәрен искә төшерде, ныгытты, үзенең активлыгын, иҗатын күрсәтте. Башлангыч сыйныф укучылары юл хәрәкәте кагыйдәләре буенча рәсемнәр ясадылар һәм "Мин "Яшь инспекторлар хәрәкәтен" сайлыйм" флешмобында катнаштылар.

Өстәл уеннары вакытны күңелле уздыру гына чарасы түгел, алар баланың хәтерен яхшыртырга, вак моториканы үстерергә, логик фикерләүне үстерергә булыша. "Көзге мәрхәмәтлелек атнасы" кысаларында башлангыч сыйныф укучылары өстәл уеннары уйнадылар.

"Көзге мәрхәмәтлелек атналыгы" - ел саен уздырыла торган Гомумроссия волонтерлык акциясе. Әлеге атналык акциясе кысаларында мәктәбебез укучылары арасында командаларга бүленеп “Куңелле стартлар” дигән ярыш үткәрелде. Балалар ярышта көчләрне сынашып, сәламәтлекне ныгытып, бер-беренә хөрмәт, мәрхәмәтле караш булдырдылар.

5-6 нчы сыйныф укучылары «Көзге мәрхәмәтлелек атнасы” кысаларында “Чиста өй” (“Чистый дом”) акциясенә кушылдылар. Өлкәннәргә өй эшләрендә бик теләп булыштылар. Бергәләп эшләү бик күңелле һәм файдалы!

Мәктәбебездә “Халыклар бердәмлеге” көне уңаеннан, “Могҗизалар кыры” интеллектуаль уены үтте. Уенга сораулар төрле милләт халыкларының ризыкларын уйлап табуга багышланган иде. Укучылар​ үзләрен бик яхшы яктан гына күрсәттеләр, катлаулы сорауларга да тиз генә җавап бирделәр.

Бүген башлангыч сыйныф укучыларын "Орлята России - Рәсәй бөркетләре" оешмасына кабул иттек. Укучыларга таныклыклар бирдек, отрядның эшләре, юнәлешләре турында сөйләдек, шушы оешманың гимнын тыңладык. 1-3 сыйныф укучыларына рюкзак тапшырдык. Уеннар уйнадык, "Кто, если не мы?" дигән нәфис фильм карадык. Бәйрәм бик күңелле үтте. Укучыларга ошады.