Мәктәбебездә хәрби-патриотик тәрбия айлыгы дәвам итә. Айлык дәвамында укучылар конкурсларда, спорт ярышларында көчләрен сынадылар. Бүген "Мин солдат булгач" темасына рәсем ясадылар.

"Халык сөйләмендә тел яшәсә, халык үзе яши, халык сөйләмендә тел үлдеме, тел иясе буларак, халык үзе үлә” (К.Ушинский). 

Туган тел айлыгы буларак телебезне зурлап укучылар катнашында татар халык уеннары уйналып утте. Барысы да бу уеннарда бик теләп катнашты һәм рәхәтләнеп күңел ачты.

Бүген - 2 нче февраль, Сталинград өчен барган канкойгыч сугышларда җиңү көне буларак билгеләп үтелә. Бу көн - Бөек Ватан сугышында ирешкән иң зур җиңүләрнең берсе буларак тарих битләренә язылып куелган.
Сталинград өчен сугыш 1942 нче елның 17 нче июлендә башланып китә һәм 1943 нче елның 2 нче февралендә Совет Армиясенең җиңүе белән тәмамлана. 200 көн һәм төн барган хәлиткеч сугыш бик күп гомерләрне өзә.
Шушы уңайдан укучылар белән класс сәгате үткәрдек. Видео, презентация карадык, әңгәмә үткәрдек. Бу бәрелешләрдә һәлак булган совет кешеләрен 1 минут тынлык белән искә алдык.

Хәрби дан көне - Сталинград сугышында алман-фашист гаскәрләренең совет гаскәрләре тарафыннан тар-мар ителү көне (1943 ел) - Русиядә ел саен 2 февральдә билгеләнеп үтелә.
1942 елның 17 июлендә Сталинград сугышының беренче этабы - саклану этабы башлана. Гитлерчыларның төп планнарына түбәндәгеләр керә: Кавказның нефть районнарын, Дон һәм Кубанның бай авыл хуҗалыгы районнарын биләп алу, илнең үзәген Кавказ белән бәйләүче коммуникацияләрне бозу һәм сугышны үз файдасына тәмамлау өчен шартлар булдыру.
Бүген укучыларга Сталинград сугышы турында кыскача мәгълүмат бирелде, үзебез төзегән күргәзмә материаллары белән таныштырылды

Белүебезчә, нэкъ менә физик культура организмны ныгыта һәм иммунитетны арттырырга булыша. “Спортка вакыт бир, алмашка сәламәтлек ал!” дигән мэкальдә әйтелгәнчә без укучыларнын сәламәтлеген яшьтән кайгыртып, кышнын матур коннәрендә физик культура дәресләрендә саф һавада чангыга чыгарга тырышабыз. Дәрестә укучылар чангыда йөрү төрләрен, ничек туктарга, таудан менү һәм төшү тәртибенә өйрәнә, җитезлек, тизлекне арттырып сәламәтлеген ныгыталар

27 гыйнвар - илебез тарихында үзенчәлекле дата. 80 ел элек, 1944 елның 27 гыйнварында, 872 көн дәвам иткән Ленинград блокадасы өзелә. Шушы уңайдан, атналыкны ачып, укучылар өчен «Блокадалы Ленинград битләре буйлап» дигән хәтер сәгате үткәрелде.

Без бүген “Туган телем сагында”акциясендә катнашып, укучыларда туган телгә, татар теленә, әдәбиятны тирәнтен өйрәнүгә кызыксыну уяту; белемнәрен тирәнәйтү, иҗади сәләтләрен үстерү; милли үзаң, милли горурлык хисләре тәрбияләү, халкыбызның бай, рухи мирасын барлауга ихтыяҗ тудыру максатыннан “Тел күрке-сүз” викторинасы уздырдык.
Халкыбыз элек–электән тапкыр, зирәк булган. Телебез турында мәкальләр, әйтемнәр, табышмаклар, мәзәкләр уйлап чыгарган. Хәзер дә бу эш дәвам итә. Викторинада укучыларыбыз актив катнаштылыр. “Кем күбрәк белә?” уенында мәкальләрнең ахырын таптылыр, “Тел чарлау” уенында кызыклы сорауларга җаваплар бирделәр, мәктәп темасына язылган мәзәкләр белән таныштылар. “К” авазына башланган һәм алдан да, арттан да бердәй укыла торган сүзләр язу укучыларга аеруча ошады. Табышмакларга җавапларны да уйлап, бик тиз чиштеләр.

"Туган телем сагында" акциясе атналыгында укучылар нәниләргә милли аяк киемнәре, аларның исемнәре ( ике телдә), тарихы белән таныштырдылар.

Бу көннәрдә кар күп яву һәм бураннар булу сәбәпле, волонтерларга эш күбәеп китте. Сукмакларны, басмаларны кар көртләре күмде. Бүген "Снежный десант" волонтерлары Иске Җөлби һәм Кушлавыч авылларын тоташтырып торучы җәяүлеләр басмасын кардан чистарттылар. Бу басма аша укучыларыбыз мәктәпкә, ә авыл халкы эшкә, кибеткә йөри. Шушындый эшләрдә катнашып, кешеләргә ярдәм итү, күңелләргә ямь, рәхәтлек өсти. Игелекле эшләрегез өчен рәхмәт сезгә, балалар!

Кыш җитүгә грипп үзе турында искә төшерә башлый, шуңа күрә сәламәтлек турында алдан кайгырту кирәк. Салкын тию авырулары (ОРВИ, ОРЗ) һәм грипп – вируслар аркасында килеп чыккан йогышлы авыру. Вирусларның ОРВИ һәм грипп вакытында таралу чыганаклары булып авыру кеше тора. Төп тапшыру юлы-һава тамчысы.
Балаларга тәрбия сәгатендә профилактика өчен нәрсә эшләргә кирәклеге аңлатылды:
- сәламәт һәм витаминга бай ризыклар (суган,???? сарымсак,????карабодай, кишер, лимон) ашау;
- күбрәк яшелчәләр һәм җиләк-җимешләр, ферментланган сөт продуктлары;
- күбрәк сыеклык эчү;
- көн саен тозлы эремә белән борынны юдыру;
- даими рәвештә спорт белән шөгыльләнү;
- авырулар белән элемтәдән саклану;
- һаваны җилләтү һәм дымландыру;
- биналарның чисталыгын күзәтеп тору.
Авырганда мөстәкыйль дәваланырга ярамый!
Балалар грипптан саклану турындагы мәгълүматны зур игътибар белән тыңладылар һәм әңгәмәдә үзләре дә актив катнаштылар.