Бүген мәктәбебездә, язның иң күркәм бәйрәмнәреннән берсе
булган Нәүрүз бәйрәме гөрләп үтте. Бу бәйрәмне безгә
борынгы бабаларыбыз биреп калдырган. Урта Идел буенда
яшәгән татар халкы кышлар үтеп, табигать яңара башлагач,
көннең төн белән тигезләшкән бер мәлендә “Нәүрүз”
бәйрәмен билгеләп үткәннәр. Бу көнне балалар өйдән - өйгә
кереп, нәүрүз әйткәннәр һәм бүләк җыйганнар. Алар йорт
хуҗаларына саулык-иминлек, кырларга бай уңыш, мал-туарга мул
үрчем теләгәннәр. Нәүрүз җиткәч, авылның иң чибәр, бар
яктан уңган-булган кызын сайлап “Нәүрүзбикә” дип игълан
иткәннәр.
Бәйрәм, урамда хәрәкәтле күңелле уеннар белән башланып
китте.Уеннар барышында безгә кунакка килгән Нәүрүзбикә
сылуын каршы алдык. Соңыннан укучылар яз, кошлар турында
табышмаклар чиштеләр, мәкальләр әйтештеләр, шигырьләр
укыдылар. “Нәүрүзбикә” сүзеннән яңа сүзләр төзеп ярыштылар,
өстәл артында тәмле коймактан сыйланып чәй эчтеләр.

Мәктәпләрдә 4-8 класс укучыларының Бөтенрәсәй тикшерү эшләре (ВПР) башланды. Һәр укучыга уңышлар, "4" һәм "5" билгеләренә эшләүләрен теләп калабыз!

Балаларны халык гореф-гадәтләренә җәлеп итү, рухи тәрбия бирүнең әхлакый-эстетик һәм гомумкешелек кыйммәтләрен формалаштыруның мөһим аспекты булып тора. Балалар өчен иң яраткан бәйрәмнәрнең берсе-Масленица (май чабу) бәйрәме - кышны күңелле озату, ул якын җылы, табигатьнең язгы яңаруын көтеп тора. Бүген Кушлавыч авылы клубы белән берлектә Масленица узды. Бәйрәмдә балалар рәхәтләнеп күңел ачтылар, биеделәр, җырладылар, төрле уеннар уйнадылар. Бәйрәм ахырында тәмле коймак белән сыйландылар. Әлеге чара һәрберебезнең күңелендә сакланып калырлык булды.

Бүген, бәхетсезлек очракларын кисәтү максатыннан, 1-9 нчы сыйныф укучыларына түбәләрдән кар һәм боз сөңгеләре төшү куркынычсызлыгы буенча чираттан тыш инструктаж үткәрелде. Бина түбәләреннән боз һәм кар төшү нәтиҗәсендә, Россиядә ел саен дистәләгән кешенең гомере өзелә. Мондый күңелсез хәлләргә юлыкмас өчен, игътибарлы булырга чакырдык. Юлны кыскартып, биналарга якын килмәскә, сак булырга өндәдек, куркынычсызлык кагыйдәләре белән таныштырдык.

2024 елның 11 нче мартында, мәктәпләрдә мөһим
сөйләшүләр, класс сәгатләре «Көньяк диңгезләрдән поляр
киңлекләргә кадәр» темасына багышлап үткәрелде.
Россия - бөек ил, 89 төбәкнең һәрберсе табигый ресурслар
белән, икътисади һәм башкалар белән матур һәм уникаль,
без барыбыз да Россиягә булган мәхәббәтебездә бердәм.
Дәреснең максаты: Россиянең, үз төбәгебезнең заманча
казанышлары турында укучыларның белемнәрен,
күзаллауларын киңәйтү, балаларда гражданлык һәм
патриотлылык хисе, кечкенә ватаныңа мәхәббәт һәм хөрмәт
тәрбияләү булды. Шушы уңайдан укучылар белән сыйныф
сәгатьләрендә кызыклы әңгәмәләр үткәрелде,
видеоматериаллар каралды.

Хөрмәтле хатын-кызлар! Сезне язның тәүге бәйрәме – 8 Март Халыкара хатын-кызлар көне белән тәбрик итәбез. Хатын-кыз – ул тулы бер дөнья, аның күңеленә мәхәббәт тә, гүзәллек тә, йомшаклык та, иң көчле Ана хисләре дә, гаилә учагы җылысы да сыйган.
Сезнең тормышыгыз яхшылык һэм яктылык, мәхәббәт, якыннарыгызның күңел җылысы һәм игътибары белән тулып, йөзләрегез елмаюдан яктырып, нурлар чәчеп торса иде!
Котлы булсын бәйрәмегез!!!

Финанс иминлеге.
Бетенроссия “Финанс иминлеге темасы буенча 5-9 сыйныф укучылары өчен дәрес үткәрелде. Анда балалар​ "Финанс иминлеге”төшенчәсе белән таныштылар.Ул дәүләтнең, шәхеснең икъдисади мәнфәгатьләрен яклау чараларын һәм ысулларын үз эченә ала. Балалар шулай ук бу дәрестә финанс өлкәсендә иминлек кагыйдәләрен өйрәнделәр. Укучылар бу чарада финанс тозагынына эләкмәскә һәм виртуаль акчаны ничек дөрес кулланырга кирәклеген ачыкладылар. Финанс алдауның барлык кармакларын карап үттеләр: социаль челтәрдә фишинг, ялган аккаунтлар, онлайн уеннарда финанс алдаулар.
Дәрестә балалар һәр кеше цифрлы шәхес була ала торган ситуацияләрне тикшерделәр.
Дәреснең нәтиҗәсе булып цифрлы гигиена кагыйдәләрен чыгару, алар мошенниклар корбаны булмаска өйрәтә.

Табигатькә ямьле яз килде. Яз җитүгә, һава торышы үзгәрү белән бәйле булган бәхетсезлек очраклары аеруча арта. Сулыклар янында куркынычсызлык кагыйдәләрен үтәмәү кеше тормышында зур бәхетсезлекләр китереп чыгарырга мөмкин. Балалар белән бәхетсезлек очраклары булдырмау йөзеннән балаларга су буйларына төшмәскә, бозның бик калын булуына ышанып, боз өстенә кермәскә кирәклеге турында төшендерү мөһим. Яз көне бозның ныклыгы кими, ул кояш җылысында йомшара, шуңа күрә боз өстенә керү тыела. Язгы чорда елга буйларында үзләре генә йөрмәскә, әти-әниләренең рөхсәтеннән башка өйдән чыгып китмәскә кирәклеге турында да аңлаттык, видеофильм карадык.

1 март Бөтендөнья гражданнар оборонасы көне билгеләп үтелә. Бу датаның
кызыклы тарихы бар. 1931 елда берничә дәүләт инициативасы буенча
француз медицина хезмәте генералы Жорж Сен-Поль Парижда ике яклы һәм
күп яклы килешүләр ярдәмендә барлык илләрдә локаль куркынычсызлык
зоналары булдыру өчен «Женева зоналары Ассоциациясе» н оештыра.
Соңрак Ассоциация Халыкара гражданнар оборонасы оешмасы МОГО итеп
үзгәртелә. 1972 елда МОГО хөкүмәтара оешма статусын ала. ... 1 март көне
очраклы сайланмаган. Нәкъ менә шул көнне 1972 елда МОГО уставы үз
көченә керә. Шушы уңайдан, безнең мәктәбебездәдә бу истәлекле датага
багышлап, төрле чаралар билгеләп үтелде. Укучылар белән сыйныф
сәгатьләрендә кызыклы әңгәмәләр үткәрелде, видеоматериаллар каралды.
Балалар гражданнар обобронасының тарихы, эшчәнлеге, кагыйдәләре һәм
бурычлары белән таныштылар.

Бүген Арчада Фәнил Гәрәфиев истәлегенә чаңгы ярышлары үткәрелде. Әлеге ярышлар ел саен оештырыла. Безнең мәктәп укучылары да әлеге чарада катнашты.