9 нчы ноябрь көнне  Сәрдәбаш башлангыч мәктәбенең 2 нче сыйныф  укучыларын карлыгачлар сафына кабул итү тантанасы булды. Сәяхәт рәвешендә узган бу бәйрәмдә укучыларның белемнәрен тикшердек. Алар карлыгач кагыйдәсен, өндәмәсен һәм тантаналы ант әйттеләр. Тантана ахырындаукучыларга карлыгач значоклары тапшырдык.

5 нче сыйныфка күчү  - укучылар өчен бик җаваплы чор. Яңа дусларга, яңа укытучыларга ияләшергә кирәк. Мәктәбебезнең 5 нче класс укучылары бу чорны уңышлы үттеләр. Алар мәктәп күләмендә "Таныш булыгыз: без бишләр" дип исемләнгән кичә үткәрделәр. Кичәне әти - әниләр, укучылар, укытучылар бик җылы кабул иттеләр.

Көзге каникул чорында 7 класс укучылары Арчага экскурсиягә барып күңелле ял итеп кайттылар.  Ростов шәһәреннән килгән “Күбәләкләр” күргәзмәсендә   тропикларда  очрый торган күбәләк төрләре белән таныштылар.   «Казан арты» Арча тарих-этнография  музеенда экспозицияләр карадылар.  Боз сараенда тимераякта шудылар.

Мәктәп дирекциясенә  зур рәхмәтебезне җиткерәбез. 

6 нчы класс укучылары да көзге каникулларын күңелле һәм файдалы үткәрделәр.  Иң күңеллесе Арчага бассейнга бару булды. Укучылар рәхәтләнеп ял итеп, су коенып кайттылар.

9 класс укучылары мәктәптә үткәрелгән “Көз патшабикәсе -2017” бәйрәмендә актив катнашып, оештырылган бәйгеләргә ныклап әзерләнеп, җиңүгә ирештеләр һәм Арчага  экскурсия белән бүләкләнделәр. Көзге каникул чорында аларның теләкләре чынга ашырылды. 9 класс укучылары Арчада рәхәтләнеп ял итеп кайттылар.

Мәктәп дирекциясенә зур рәхмәтебезне җиткерәбез. 

31 нче октябрь көнне Арча Укучылар сараенда мәктәп  укучылары арасында шашка  буенча шәхси һәм команда  беренчелегенә район ярышлары уздырылды. Ярышлар балаларның яшь аермаларын исәпкә алып,  4 төркемгә бүленеп үткәрелде: 1-2 нче сыйныфлар, 3-4 нче сыйныфлар, 5-6 нчы сыйныфлар һәм 7-8 нче сыйныф укучылары арасында иң көчле уенчылар билгеләнде. 5-6 нчы сыйныфлар арасында безнең мәктәптән Абдуллин И.Р. I урынны яулады. Команда беренчелегенә  төп гомуми белем бирү мәктәпләре арасында  Носы мәктәбе 2 нче урынны яулады. 

 4 ноября (22 октября по старому стилю) в России отмечается один из самых молодых государственных праздников – День народного единства.

Наши ученики успешно участвовали на сетевых отборочных соревнованиях по стандартам JuniorSkills в компетенции "Прототипирование" в возрастной категории 10+

Сәрдәбаш башлангыч мәктәбе укучылары Uchi.ru сайтында рус теле фәне буенча “Русский с Пушкиным”  онлайн – олимпиадасында катнаштылар. Биремнәр кызыклы  һәм мавыктыргыч. Иң актив укучыларыбыз  дипломнар  һәм грамоталар белән бүләкләнделәр.

Сәрдәбаш башлангыч мәктәбе укучылары  каникул көннәрендә күңелле ял итәләр. Алга таба тырышып уку өчен көч җыялар. Каникул көннәре бик тиз узып китә шул.