М.Җәлилнең туган илгә тугрылык хисе белән сугарылган шигырьләренең тарихи әһәмиятен ачыклау,укучыларның эзлекле фикер йөртү сәләтен, бәйләнешле сөйләм телләрен үстерү, укучыларда М.Җәлил иҗатына һәм шәхесенә карата ихтирам, милли үзаң, горурлык хисе тәрбияләү максатыннын Сәрдәбаш башлангыч мәктәбендә әдәби – музыкаль кичә үткәрелде.  Җәлил – татар халкының горурлыгы, йөз аклыгы һәм намусы. Болай гына да түгел, Муса Җәлил исеме бүген татар халкының рухи батырлыгын һәм күңел аклыгын белдерүче символ булып та яши. Ул милләтне бөтен дөньяга танытты.

Әфган. Илебез тарихының әрнүле, кайгылы бер бите. Күкләргә тиеп утырган таулар арасында үлем белән күзгә –күз очрашкан язмышлар. Меңләгән үлемнәр күргән, меңләгән алданган һәм җимерелгән хыяллар иле. Авыр булса да бу тарих битен хәтер саклыгы белән ел да ача торабыз. Чөнки онытырга һәм оныттырырга ярамый. 14 нче февраль көнне мәктәбебездә “Әфганстан-йөрәк ярасы...” кичәсе үткәрелде. Чарада үзләренең хәрби бурычларын Әфганстанда үтәгән авылдашларыбыз Әнис Шәймәрдәнов һәм Рамиль Валиев катнаштылар. Алар укучыларыбызга үзләренең теләкләрен җиткерделәр.

13 февраля объявлен днем проведения итогового собеседования среди учащихся 9 классов. Это устный экзамен, требующий огромной подготовки у учащихся 9 классов, учителей, а также администрации школы. Нусинская основная школа тоже прошла все этапы подготовки. И в объявленный день  с участием завуча, учителя информатики, учителей английского и русского языков было проведено собеседование. Учащиеся достойно выступили на экзамене. Они радовались своим успехам, а где-то задумались над допущенными ошибками. Желаем им удачи в дальнейших экзаменах!

Сәрдәбаш башлангыч мәктәбе укучылары янгын куркынычсызлыгы кагыйдәләрен кабатладылар. Укучылар янгынны булдырмау чаралары турында сөйләделәр. Янгынны кисәтү буенча үзләренең белемнәрен күрсәттеләр.

Ссылка на региональные нормативно-правовые документы по проведению итогового собеседования по русскому языку http://mon.tatarstan.ru/rus/sobesedovanie.htm

Укучыларның сәламәтлеген ныгыту, сәламәт яшәү рәвешен һәм физик культураны пропагандалау максатыннан Носы төп мәктәптәбендә физкультура дәресләрен бик мавыктыргыч һәм кызыклы итеп үткәрергә тырышабыз. Хәзерге чорда яшь буынның сәламәтлеген ныгыту мөһим мәсьәлә булып тора. һәрбер кеше балачактан ук үзенең эчке халәтен яхшы сиземләргә һәм сәламәтлеге турында кайгырта белергә тиеш.  Яшәү шартларыннан чыгып, организмың өчен уңай мөмкинлекләр тудыра белү дә бик мөһим. Бүген безнең педагоглар коллективы балаларда сәламәт булу ихтыяҗы тәрбияләү кебек мөһим мәсьәләне хәл итә. Алар да сәламәт яшәү рәвеше күнекмәләрен үзләштерү бурычын тормышка ашыру юнәлешендә нәтиҗәле эш бара. Мәктәбебездә дә шушы уңайдан төрле чаралар үткәрелә. Күптән түгел "Хоккей безнең йорәкләрдә” дигән ярыш оештырылды.

Хәрби-патриотик айлык кысаларында 7 нче класста "Яшь батырларның исемнәрен онытмыйк!"  дигән темага класс сәгате үтте. Сугышка кадәр алар парта артында утырып белем алган, сикереп-уйнап йөргән, олыларга ярдәм иткән гап-гади кызлар һәм малайлар булган.  Туган җирне илбасарлар басып алуын күргән яшь йөрәкләр түзеп тормый, олылар белән беррәттән дошманга каршы көрәшкә күтәрелә.  Аларның кечкенә иңнәренә ачлык-ялангачлыкны, сугыш елларының ачы кайгысын күтәрергә туры килә. Алар сугышның иң кайнар нокталарында була. Мәсәлән, Боря Кулешин кебек — диңгездә, Аркаша Каманин кебек — һавада, Леня Голиков кебек — партизан отрядында, Валя Зенкин кебек — Брест крепостенда. Шунысы мөһим, ил тарихында тирән эз калдырган кечкенә геройларның исемнәрен без бүген дә белергәтиеш!

Бүген 8 февральдә Берләшкән Милләтләр Оешмасы ассамблеясе карары нигезендә яшь антифашистларны искә алу көне билгеләп үтелә. Бөек Ватан сугышында зур батырлыклар күрсәткән герой-пионерлар турында китаплардан укып та, фильмнар аша да беләбез. Канкойгыч сугышның нәни геройлары әтиләре, абыйлары, комсомол һәм коммунистлар белән бергә, чын мәгънәсендә, геройларча батырлыклар күрсәтә. Алар сугышның иң кайнар нокталарында була. Мәсәлән, Боря Кулешин - диңгездә, Аркаша Каманин - һавада, Леня Голиков - партизан отрядында, Валя Зенкинк - Брест крепостенда. Шунысы мөһим, ил тарихында тирән эз калдырган кечкенә геройларның исемнәрен бүген дә мәктәп укучыларының һәркайсы яттан белергә тиеш. Шул максаттан чыгып хәрби-патриотик айлык кысаларында  2-4 класс укучылары белән  “Яшь антифашистлар. Алар кемнәр?” темасына әңгәмә уздырылды. Әңгәмә барышында «Герой пионерлар» турында альбом буенча күзәтү ясалды, презентация каралды. Соңыннан укучылар, тынычлык кошлары – ак күгәрченнәр ясадылар, анда үзләренең теләк-кичерешләрен яздылар. Укучыларның бердәм теләкләре: Җир йөзендә тынычлык булсын!

Хәрби-патриотик атналык кысаларында 5 нче класста "Үз тарихын белмәгәннәр, белгәннәрнең колы була" исеме астында тәрбия сәгате үтте. Укучылар,  әби-бабайларыннан сорашып, Ишнарат, Носы, Сәрдәбаш авыллары исемнәренең килеп чыгышы, тарихы турында чыгышлар ясадылар. Туган авылларында яшәгән һәнәр ияләре турында тирәнтенрәк белделәр. 

7 нче февраль -  Татарстан Республикасының Дәүләт гербы кабул ителгән көн уңаеннан, Сәрдәбаш башлангыч мәктәбенең 1 нче класс укучыларын    Татарстанның дәүләт символлары белән таныштыру, патриотик рух, символларга сакчыл караш тәрбияләү өчен танып - белү сәгате уздырылды.  Класс җитәкчесе Николаева Р. Ф, герб безнең Республикабызның дәүләт символы булуы һәм 1992 елның 7 февралендә кабул ителүе турында сөйләде.Балалар шулай ук, Республикабызның башка символлары, алардагы төсләрнең нәрсәне аңлатуы турында тагын бер исләренә төшерделәр. Бигрәк тә укучылар, Гербтагы канатлы барс турындагы легенданы зур кызыксыну белән тыңладылар.