8 нче апрель көнне мәктәбебездә Арча районы буенча   ПДН инспекторы Усманова Э.С.,  балигъ булмаганнарның хокук бозуларын кисәтү буенча әйдәп баручы белгеч Диярова Р.Г. катнашында чираттан тыш профилактика советы утырышы үткәрелде. Мәктәпнең  хокук бозуларны кисәтү буенча эшчәнлегенә  анализ ясалды. Укучылар белән профилактик әңгәмә үткәрелде.

Сәрдәбаш башлангыч мәктәбе укучылары  мәктәп тирәсендәге карларны тараттылар. Кар астыннан чыккан чүпләрне җыйдылар. Саф һавада эшләү күңелле һәм сәламәтлек өчен дә файдалы.

Юлда үз-үзеңне куркынычсыз тоту кагыйдәләренә өйрәтүне кечкенәдән үк башларга һәм план буенча системалы алып барырга кирәк. Мәктәп яшендәге балага кагыйдәләрне яхшы белү генә аз, аларның мәгънәсен аңларга , ситуациягә дөрес бәя бирә белергә   кирәк. Баланы юлда куркынычсыз йөрергә әзерләү –класс җитәкчесенең көндәлек бурычы.  Ә яктырткычлар    укучыларны хәвеф – хәтәрләрдән саклауда бик кирәкле  элемент. Сәрдәбаш башлангыч мәктәбе укучыларының  барысында  да   яктылыкны кире кайтаручы элементлар бар. 

Мәктәбебездә психолог укучылар белән очрашты.

Апрель җитсә, яз җитәр, эреп –агып кар китәр, ди халык. Апрель язның икенче ае. Апрель – су язы. Барлык болыннарны, тугайларны тутырып су арта. Апрель– кошлар ае. Аларның күпчелеге безгә шушы көннәрдә очып кайта. Кояш астындагы зәңгәр биеклектә тирбәлә – тирбәлә, көн буе кошлар сайрый. Ә без үз чиратында кошларны матур оялар ясап каршы алабыз. Сәрдәбаш башлангыч мәктәбе укучылары быел да сыерчык оялары ясап килеп, мәктәп янындагы агачларга  урнаштырдылар.

Ачылды ак калын юрган,

Исте апрель җилләре.

Кошлар кайта: сагындырган

Туган – үскән җирләре.

Мәктәбебездә укучылар, укытучылар арасында сыерчык ояларына конкурс үткәрелде. Оялар мәктәп янына урнаштырылды. Ояларга сыерчыклар килде. Конкурста катнашучыларга зур рәхмәт.

Язгы каникул чорында да укучылар белән эшләр бара. Бүген 9 класс укучылары математика фәненнән имтиханга әзерләнделәр.

Сәрдәбаш башлангыч мәктәбендә “Баланы ничек китап укырга өйрәтергә?” темасына  әти-әниләр җыелышы булды. Башлангыч класста укучыларны китап укырга өйрәтү зур әһәмияткә ия.

Каникул чоры булуга карамастан, Носы төп мәктәбендә БДИ га әзерлек  консультацияләре үткрәлеп тора. 28 нче март көнне рус теленнән әзерлек булды. Укучылар эш барышында туган сорауларын бирде һәм аларны бергәләп чиштеләр. 

Язгы каникул чорында да укучылар белән эшләр бара. Бүген 9 класс укучылары информатика фәненнән имтиханга әзерләнделәр.