Бүген мәктәбебез укытучылары профсоюз ярышларында актив катнаштылар.

Һөнәр сайлау – кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Гомерлек юлны сайлау бик авыр.Һөнәр сайлаганда кеше үз язмышын сайлый. Шушы максаттан чыгып 7 нче класс укучылары белән “Һөнәр сайлау-язмыш сайлау” дигән темага класс сәгате үткәрелде. Укучылар һөнәр сайлаганда, һәр кеше үз мөмкинлекләрен исәпкә алырга тиешлегенә төшенделәр. Һөнәр сайлаганда булырга мөмкин ялгышларны ачыкладылар. Класс сәгате бик кызыклы, файдалы үтте.

Тыл ветераннарын котлап, җырлар  җырладылар, шигырьләр сөйләделәр. “Уракчы кызлар”, “Фронттан хат”, “Һәйкәл һәм Ана”күренешләрен сәхнәләштерделәр. Безнең авылыбыз уртасында   Ватан сугышы батырларына салынган  һәйкәл  бар. Без аны кадерләп саклыйбыз. Бу һәйкәлгә веноклар куябыз. Бер кайтмасак, бер кайтырбыз дип китсәләр дә, күпме авылдашларыбыз туган туфрагын күрү бәхетенә ирешә алма­ды. Туган җирләре өчен башларын салган бу батырларны онытырга безнең ха­кыбыз юк.

Әкрен генә җилләр исә,

Ел артыннан еллар үтә,

Ә халыкта тик бер теләк,

Гүя бердәм сулыш:

Мәрмәр һәйкәлләр каршында,

Катгый таләп:

Җирдә кабат

Кабынмасын сугыш!

 7 май көнне, сугышта һәлак булганнар хөрмәтенә салынган һәйкәл янында сугыш ветераннары һәм тыл ветераннары хөрмәтенә митинг-кичә үткәрелде. Биредә мәктәп коллективы, авыл халкы һәм тыл батырлары катнашты. Мәктәбебез укучылары бәйрәмдә катнашучыларга әдәби-музыкаль монтаж тәкъдим иттеләр һәм сугыш кырында ятып калганнар истәлегенә һәйкәлгә веноклар куйдылар.

Илебездә 2015 елдан бирле "Үлемсез полк" акциясе уза. Без дә бу чарадан читтә  калмыйбыз. Шушы хәрәкәткә кушылып, 7 май көнне авылыбыз урамнары буйлап сугышта катнашкан туганнарыбызның фотосурәтләрен тотып уздык.

“Агачларны сындырма – кулың корыр”, – дигән сүзләргә никадәр мәгънә салынган. Тирә - юнебезгә яшеллек бирүче,  сулар һавабызны чистартучы урманнарны саклау, агачлар утырту барыбызның да уртак бурычы. Һәркем үзе яшәгән җирне матурларга, сакларга тиеш. Носы төп мәктәбе укучылары һәм укытучылары  да тирә - юнебезне яшелләндерүгә өлеш керттеләр. Мәктәп тау башына чыршы, нарат үсентеләре утырттылар.

8 класс укучылары бәйрәм концерты куйдылар.

Бар күңеллелек бөтен дөньяда бар бер ямь бүген!

-Нәрсәдән бу ?  - Мин беләм: бәйрәм бүген! бәйрәм бүген!

Татар халкының бөек шагыйре Габдулла Тукайның туган көне уңаеннан Сәрдәбаш башлангыч мәктәбендә бәйрәм чарасы булды. Укучылар шагыйрьнең тормыш юлын, иҗатын тагын бер кат искә төшерделәр. Шигырь бәйрәмендә укучылар барысы да Тукайның әсәрләрен  яттан сөйләделәр.

Җырсыз идек, Тукай безне җырлы итте.

Моңсыз идек, Тукай безне моңлы итте.

Син күрмәгән яңа буын килде

Котлап, Тукай, туган көнеңне.

Киләчәккә барган улларыңнан

Ишетәсең “Туган тел”еңне.

Бүген татар халкы бөек улы Габдулла Тукайның 133 еллыгын билгеләп үтә. Мәктәбебездә иртәдән бәйрәм рухы! Укучылар һәм укытучылар бу көнгә тырышып әзерләнделәр. Башлангыч сыйныф укучылары шагыйрьнең әсәрләрен сәхнәләштерделәр, 5-9 нчы сыйныф укучылары арасында сәнгатьле уку конкурсы үтте. 

Бүген чишмәләрне чистарттык. Укучыларның чишмәләргә уңай карашы сөендерә. Туган як чишмәләрен карап тору, аларны чистарту - безнең төп бурыч.