Халыкара туган тел көне уңаеннан, 21 февраль көнне Арчаның 6 нчы номерлы мәктәбендә "Туган телем-серле дөнья" дип аталган районкүләм шигырь укучылар бәйгесе булып үтте. Безнең мәктәпнең 2а сыйныфы укучысы (җитәкчесе Йосыпова Р.К.) уңышлы чыгыш ясап, 3 урынга лаек булды.  Илүзәне бу җиңүе белән котлыйбыз!

В 5 классе проведено очередное внеурочное занятие "Разговоры о важном" по теме "День защитника Отечества"

20 нче февраль көнне Д.Г. Хәкимов исемендәге Түбән Мәтәскә урта мәктәбендә бик матур, истәлекле очрашу булды. 5-10 нчы сыйныф укучылары  янына Арча районында туып үскән, “Каурый каләм” иҗат берләшмәсе әгъзалары - шагыйрәләребез Факия Шәрәфетдинова һәм Адилә Әхмәтҗанова кунакка килде. Алар үзләренең иҗат җимешләрен тәкъдим иттеләр, укучыларның сорауларына җавап бирделәр һәм каләм тибрәтүче укучылар өчен осталык дәресе үткәрделәр. Җылы, якты хисләр калдырган бу очрашу укучылар күңелендә озак сакланыр. Шагыйрәләргә киләчәктә дә иҗади уңышлар телибез!

15 нче февраль көнне илебез Совет гаскәрләренең Әфганстаннан чыгарылган көнен искә ала. 1989 нчы  елдан башлап бу көн илебездә Әфганчылар көне буларак билгеләп үтелә. Шул уңайдан Мөндеш башлангыч мәктәбенең 3 нче сыйныф укучылары өчен “Әфганстан-йөрәк ярасы” исемле информацион сәгать уздырылды. Укучыларга Әфганстан җирендә хәрби бурычын үтәп кайткан авылдашыбыз  Камалиев Фәргать  Шәйхулла  улы турында тирән эчтәлекле мәгълүмат бирелде. Ватанга тугрылык үрнәге күрсәткән авылдашыбыз белән чиксез горурланабыз. Аларың хәрби бурычка тугрылыгы, каһарманлыгы яшь буын өчен  матур өлге булып тора.

Бүген 10 нчы һәм 8 нче сыйныф укучылары Казан арты һәм Әлифба музейларына экскурсия ясадылар.

15 февраль - Герой шагыйрь Муса Җәлилнең туган көне.  Ул – ялкынлы шигырьләр язган шагыйрь дә, илнең азатлыгы өчен көрәшкән курку белмәс көрәшче дә, үлемне ирләрчә батыр каршылаган каһарман да.

15 февраль көнне мәктәбебездә 2 нче сыйныфлар (сыйныф җитәкчесе Роза Кыяметдин кызы) һәм китапханәче Гөлназ Раниф кызы белән берлектә «Муса абый— балаларның якын дусты» исемле мәктәпкүләм әдәби – музыкаль кичә үткәрелде. Китап күргәзмәләре, видеофрагментлар аша балалар аның тормыш юлы, балачак, үсмер еллары,  иҗаты белән таныштылар, шигырьләрен яттан сәнгатьле итеп укыдылар, биеделәр, җырладылар.

Шулай ук 15 февраль көнне илебез Совет гаскәрләренең Әфганстаннан чыгарылган көнен дә искә ала. 1989 елдан башлап бу көн илебездә Әфганчылар көне буларак билгеләп үтелә.

Мәктәбебезгә Әфганстанда хезмәт иткән, Түбән Мәтәскә авылында туып-үскән, хәзергесе вакытта Арча шәһәрендә яшәүче  Галиуллин Зиннур Хәлиулла улы чакырылды. Ул үзенең истәлекләре   белән бүлеште, укучыларның сорауларына җавап бирде. Бәйрәм күңелләрдә матур хатирәләр калдырды.

Дөнья әдәбияты тарихында иҗатлары белән исемнәрен мәңгелек данга күмгән шагыйрьләр бар. Ләкин шагыйрь һәм герой М.Җәлил кебек әсәрләре белән генә түгел, бәлки үлеме белән дә, исемен мәңгеләштергән шагыйрьләр бик аз. 15 нче февраль – шагыйрьнең туган көне. Бүген Д.Г. Хәкимов исемендәге Түбән Мәтәскә урта мәктәбендә М.Җәлилне искә алу көне үткәрелде. Аның тормыш юлы, батырлыгы турында сөйләнде, шигырьләре укылды, аңа багышланган җырлар тыңланды. Татар теле һәм әдәбияты укытучысы Габдрахманова Н.Ш. 5 нче сыйныфта “Алар мәңге үлемсез” дигән темага тәрбия сәгате үткәрде.

Ученики 5 класса просмотрели хроникально-документальный фильм, посвящённый Афганской войне.

В начальных классах прошли уроки мужества, посвященные 34-ой годовщине вывода войск из Демократической Республики Афганистан

Әфганстан. Күпләрне тетрәндергән сүз бу. 1979 елның 25 декабрендә Әфганстанга совет гаскәрләре кертелде. Еллар үтү белән күп вакыйгалар хәтердән җуела. Әмма без тарихтагы бу кайгылы көннәрне онытырга тиеш түгелбез. Безнең Мөндеш авылыннан да шушы сугышта Камалиев Фәргать абый катнашкан. 1 г класс укучылары белән "Әфганстан ярасы меңнәр йөрәгендә" исемле кичә узды. 
     Җир йөзендә сугышлар башка кабатланмасын. Яшь егетләрнең гомере вакытсыз өзелмәсен, ата-аналар кайгы яше түкмәсен иде. Кеше бу дуньяга иҗат итү, җирне матурайту өчен яратылган. Без - тынычлык яклы!