Укучыларның  туган яклары турындагы белемнәрен киңәйтү аша аларда патриотизм һәм кечкенә Ватаннары өчен горурлык хисе формалаштыру максатында оештырылган "Туган ил кайдан башлана?" проекты кысаларында  чираттагы дәрес-лекция Хәкимов Д.Г. исемендәге Түбән Мәтәскә урта  мәктәбендә үтте .  Арча муниципаль районы башкарма комитеты җитәкчесе Гатиятов Ренат Мансур улы районның  авыл хуҗалыгы турында сөйләде, укучыларны кызыксындырган сорауларга җавап бирде.

Дәрес - лекциядән соң 9 нчы сыйныф укучылары Арча районы авыл хуҗалыгы һәм азык-төлек идарәсе җитәкчесе Абдуллин Ленар Илсур улы һәм Арча аграр-сәнәгать һөнәр көллияте директоры Дәүләтбаев Зөлфәт Миннефәр  улы белән очрашты. Очрашуда Лесхоз урта мәктәбе һәм Казанбаш төп гомуми белем мәктәпләренең дә 9 нчы сыйныф укучылары катнашты. Арча аграр-сәнәгать һөнәр көллияте директоры Дәүләтбаев Зөлфәт Миннефәр  улы укучыларга һөнәрләр һәм белгечлекләр турында сөйләде,  район авыл хуҗалыгы һәм азык-төлек идарәсе җитәкчесе Абдуллин Ленар Илсур улы авыл җирлегендә яшәүнең өстенлекләре, грантлар, яшь белгечләргә дәүләт ярдәме белән таныштырды.

Казиле башлангыч мәктәбе укучылары өмәгә чыктылар.Алар мәктәп территориясен чистарттылар.

Сегодня учитель начальных классов Шигабиева Лилия Рафкатовна провела занятие с будущими первоклассниками.

1нче апрель - Бөтендөнья кошларны саклау көне уңаеннан, озынайтылган көн төркемендә тәрбияләнүче укучылар "Канатлы дусларыбыз" дигән темага багышлап рәсем ясадылар. Мәктәп тирәсендәге агачларга эленгэн сыерчык ояларына күзәтү ясадылар һәм сыерчык сайравын тыңладылар.

Сегодня в рамках проекта " Разговоры  о важном" прошёл классный час, посвящённый Дню Земли, который ежегодно отмечается в апреле. Он призван объединять людей планеты в деле защиты окружающей среды.

Сегодня "Разговоры о важном" были посвящены Дню Земли, который отмечается в апреле.

Менә язгы каникуллар да җитте. Каникул булуга карамастан,  9 нчы, 11 нче сыйныф укучылары дәүләт имтиханнарына әзерлекләрен дәвам иттеләр. Мәктәпкә консультацияләргә йөрделәр. 28-31 нче март көннәрендә үзләренең белемнәрен тикшереп, имтихан тапшырып карадылар. Чын имтиханнарда укучыларыбызга уңышлар теләп калабыз.

27 нче март көнне Д.Г. Хәкимов исемендәге Түбән Мәтәскә  урта мәктәбендә башлангыч профсоюз оешмаларының  волейбол буенча зона ярышлары булып узды.  Ярышта Наласа, Арчаның 5 нче гимназиясе, Казанбаш мәктәпләре  профсоюз оешмалары актив катнашты. Ярыш бик күңелле һәм киеренке барды,  чөнки  уенчылар әзерләнеп килгәннәр.  Киеренке ярышта Наласа урта мәктәбе -  беренче, Арчаның 5 нче гимназиясе -  икенче, Д.Г. Хәкимов исемендәге Түбән Мәтәскә  урта мәктәбе – өченче, Казанбаш мәктәбе – дүртенче  урынны яуладылар.  Д.Г. Хәкимов исемендәге Түбән Мәтәскә  урта мәктәбе дирекциясе һәм профсоюз комитеты тарафыннан һәр командага грамота тапшырылды. Зонада беренче урынны яулаган команда районда уйнаячак. Аларга уңышлар телибез.

Бүген Мөндеш башлангыч мәктәбе укучылары проект эшләре якладылар. Һәр укучы билгеле бер темага бай материал туплаган. Балалар, иптәшләре алдында, әзер эшләре буенча чыгыш ясадылар. Укучыларга  өстәмә сораулар бирелде, җаваплар төгәл һәм тулы  булды.

Бүген мәктәп күләмендә укучылар  үзләренең эзләнү проект эшләрен тәкъдим иттеләр, укучылар үз эшләренең нәтиҗәсен күрсәттеләр, төрле проблемалы сорауларга җавап бирделәр, үз фикерләрен әйттеләр.