Буген озынайтылган көн төркемендә тәрбияләнүче укучылар өчен 2022-2023нче уку елының соңгы көне. Укучыларыбызга җәйге каникулны хәвеф-хәтәрсез, борчу-мәшәкатьсез, күңелле һәм файдалы итеп үткәрүләрен теләп калабыз!!!

Бүген мәктәбебездә  барлык укучылар өчен 2022-2023 нче уку елының соңгы йомгаклау җыелышы булды. Җыелышны мәктәп директоры Ибраһимова Динә Мансур кызы алып барды. Ул үз чиратында җәйге каникул чорында куркынычсызлык кагыйдәләре  белән таныштырды.Укуда, төрле чараларда, макулатура, каен бөресе җыеп тапшыруда актив катнашкан укучыларга, иң  күп уңышларга ирешкән класска грамоталар һәм күчмә кубок та тапшырды.

Казиле башлангыч мәктәбенең укучылары белән Арча шәһәре паркларына экскурсия оештырылды.

Бүген 4 нче сыйныф укучыларының чыгарылыш кичәләре булып узды. Укучылар шигырьләр сөйләделәр, матур җырлар, биюләр башкардылар. Мәктәп директоры Ибраһимова Динә Мансур кызы, беренче укытучылары Шиһабиева Лилия Рәфкать кызы, әти-әниләр балаларга үзләренең иң изге теләкләрен җиткереп, аларны шушы зур бәйрәмнәре белән котладылар.

             Хуш, башлангыч! Бәлки әле, безне

             Онытмыйча искә алырсың.

             Ә син безнең йөрәк түребездә

             Гүзәл мизгел булып калырсың.

1-2 нче класс укучылары Арча шәһәрендә экскурсиядә булдылар.

Бүгенге мөхим сөйләшүебезнең темасы "Бәхет турында" булды. Укучылар белән бәхет нәрсә икәнен, кешенең нинди очракларда бәхетле булуын ачыкладык.

Последнее занятие "Разговоры о важном" в 5 классе. Сегодня говорили о секрете счастья. Подвели итоги учебного года.

Бүген Мөндеш башлангыч мәктәбе укучылары экскурсиядә булдылар. Язгы табигатьне күзәтү кызыклы да, файдалы да булды. Туган як табигатенең матурлыгы турында әңгәмә үткәрелде, саф һавада  хәкәрәкәтле уеннар уйналды. Укучылар күтәренке кәеф белән өйләргә таралдылар.

19 нчы май - Пионерия туган көне уңаеннан Арча укучылар сарае оештырган зур чара булды. Бу чарада безнең укучылар да бик теләп катнаштылар.

Ниһаять, “Илһам” бөтенроссия яшь язучылар бәйгесенең нәтиҗәләре игълан ителде. Бу бәйгедә 5-11 нче сыйныф укучылары үзләре иҗат иткән әсәрләре белән “Яшь шагыйрь”, “Яшь прозаик”, “Яшь драматург”, “Яшь журналист” номинацияләрендә катнаштылар. 16 нчы май көнне Казанда, Г.Тукайның әдәби музеенда, бәйгенең йомгаклау тантанасы булды. Бәйгедә җиңгән укучыларга Татарстан Республикасы мәгариф һәм фән министрлыгы, Татарстан Республикасы Язучылар берлегенең дипломнары һәм истәлекле бүләкләре тапшырылды. Укучылар, язучылар белән берлектә, осталык дәресләрендә катнаштылар. Д.Г. Хәкимов исемендәге Түбән Мәтәскә урта мәктәбенең 7 нче сыйныф укучысы Габдрахманов Инсаф бу бәйгедә III урын яулады. Аны җиңүе белән котлыйбыз. Алга таба да иҗади уңышлар телибез.