Сәләтле балага-киртәләр юк. Моңа кадәр дә зур-зур бәйгеләрдә Гран-При иясе булган Яңа Әлем балалар бакчасы тәрбияләнүчесе Шәмсегалиева Айсель 13 апрель көнне Удмурт Республикасы Ижау шәһәрендә Г. Тукайның юбилее һәм Рәсәй халыклары бердәмлеге елы уңаеннан уздырылган "Туган телем - иркә гөлем" төбәкара фестивалендә катнашып, 1 дәрәҗә лауреатка ия булды, диплом, истәлекле бүләкләр белән бүләкләнде. Барлыгы 200 катнашучы арасында, шуларның 16 сы гына икенче турга чакырылып, алар арасыннан иң-иңнәрен шәһәрнең Халыклар дуслыгы бинасында билгеләделәр. Кечкенә Айселебезгә үз сәләтен генә күрсәтеп калмыйча, ТНВ, Россия, Ижау шәһәре телевидениеләренә дә интервью бирергә туры килде. Бик сәләтле кызыбыз бакчабызның гына түгел, Актанышыбызның да горурлыгы булып үсеп килә. Балалар бакчасы коллективының балаларыбызны татар телебезне, аның мәдәниятен үстерүдә, гореф-гадәтләребезне саклап калуда, балаларга туган телебезгә мәхәббәт уятуда керткән өлеше шактый зур. Айсельне бәйгегә әзерләгән тәрбиячеләребезгә, әти-әнисенә, гаиләсенә рәхмәтлебез. Аңа киләчәктә дә уңышлар язсын.

Зурлар- уртанчылар төркеме балалары белән рус халык әкияте белән таныштыру, әкият геройларына карата кызыксыну хисе тәрбияләү  максатыннан  рольләргә бүленеп әкият куйдык

Космонавтика көне - илебез тормышында мөһим вакыйга, һәм бу хакта балалар белергә тиеш. Балаларга үз илеңә карата горурлык һәм хөрмәт хисе, аның мәдәниятен, Ватанга шәхси катнашуларын аңлау бик мөһим. Космос темасы һәрвакыт балаларга кызыклы, шуңа күрә тәрбиячеләр аны беркайчан да игътибарсыз калдырмыйлар. Яңа Әлем балалар бакчасында 12 апрельдә Космонавтика көненә багышланган тематик чаралар узды. Балалар кешенең космоска беренче очуы, кояш системасы планеталары, галәм турында мәгълүмат белән таныштылар.

27 март көнне Түбән Кама шәһәрендә узган төбәкара "Сөйкемле бала" бәйгесендә Яңа Әлем балалар бакчасыннан Шәмсегалиева Айсель Марсель кызы 2 турның 15 катанушычы арасында Гран-При иясе булды. Конкурсантлар бик көчле һәм төрле шәһәр: Түбән Кама, Казан, Яр Чаллы, Мамадыш балалар бакчаларыннан булуына карамастан үз көчен сынап һәм җиңүгә ирешеп кайтуы, Актанышыбыз, авылыбыз, безнең бакчабызның данын яклап бердәнбер икенче тур катнашучысы булуы сөендерә, афәрин. Айсельне һәм аның гаиләсен, әзерләүдә көч куйган педагогларыбыз Мөхәметдинова Ландыш Мөхәррәм кызы, Мөхәмәдиева Илина Рөстәм кызын зур җиңүләре белән котлыйбыз. Алда да уңышлар язсын.

Бакчабызда бүген «Кошлар – безнең канатлы дусларыбыз» дип исемләнгән бәйрәм үткәрелде.
Бәйрәм барышында балалар кошлар турында бик күп кызыклы мәгълүмат алдылар. Алар төрле кошларның фотосурәтләрен карадылар, кошлар турында табышмакларга җавап бирделәр, кошларның тавышларын да тыңлап, аларны аера белделәр. Бу чара балаларның табигатькә, ә иң мөһиме, кошлар дөньясына булган кызыксынуларын арттырды.

Бүген без уртанчы-зурлар төркеме балалары белән театр эшчәнлегенең тылсымлы дөньясына чумдык. Башта сәхнә иҗаты нигезләре белән таныштык, аннары практикада үз куллары белән әкият персонажларын ясап, чын тәлинкә театрын оештырдык.
Әдәби нигез итеп без"Сертотмас үрдәк" әкиятен алдык. Балалар сюжетны бик теләп башкардылар һәм гади тәлинкәләрдән ясалган курчаклар ярдәмендә әкиятне җанландырырга тырыштылар. Бу чараның максаты - театр эшчәнлеге аша балаларда иҗади сәләтләрне һәм коммуникатив күнекмәләрне үстерү иде.

Яңа Әлем балалар бакчасының зурлар уртанчылар төркеме балалары һәм әти-әниләре белән бергә "Конструкторлык дөньясына сәяхәт" исеме астында мавыктыргыч конкурс игьлан ителде.Конкурста барлык балалар һәм әти-әнилэр дә актив катнашты

24 март көнне бакчабызда  район тәрбиячеләренең  "Театральләштерелгән эшчәнлек аша мәктәпкәчә яшьтәге балаларның иҗади сәләтләрен үстерү" темасы астында методик утырышы булып узды. Килгән кунаклар төрле эшчәнлекләр карап, бакчабыз эшчәнлегенә үз фикерләрен җиткерделәр

Бакчабызда бүген бик күңелле итеп "Нәүрүз" бәйрәме узды. Ягъни язны каршы алып, кышны озаттык. Бәйрәмдә жырладык та, биедек тә, уеннарда уйнадык. Бәйрәм бик күңелле узды.

10 март бакчабызда районкүләм «Мастер - класс» конкурсы булып узды. Әлеге конкурста  районыбыздан 17 тәрбияче көч сынашты. Һәр тәрбияче үзенең педагогик табышларын коллегаларына күрсәтте, тупланган тәҗрибәсен, алымнарын, балалар белән практикада эшләү ысулларын тапшырды.