Ел саен, көз җиткәч, беренче октябрь көнендә, без "Өлкәннәр көнен" билгеләп үтәбез. Илебезнең төрле почмакларында хөрмәтле өлкән буын вәкилләрен төрле бүләкләр һәм истәлекле чаралар белән искә алалар. Безнен бакчада да бу көнне бик зур бәйрәм булды. Дәү әни, дәү әти, әбекәй, бабыкайларны чакырып һәр төркем үз һөнәрләрен күрсәтте. Бәйрәм белән котлады. Бәйрәмнән өлкәннәребез бик шат булып, сөенеп кайтып киттеләр
Саулык-сәламәтлектә, дөньяга ямь биреп яшәгез, урыннарыгыз өйнең түрендә булсын кадерле өлкәннэребез! Бәйрәмегез белән!

Узган ел безнең балалар бакчасын тәмамлап чыгып киткән балалар, тәрбиячеләрне бәйрәм белән котларга керделәр Изге теләкләрегез өчен, безне матур итеп котларга кергәнегез өчен, истәлекле бүләкләрегез өчен, зур рәхмәт балаларга, укытучы апалары Фәния Дуфаковнага, Алмазия Индусовнага

"Яңа Әлем балалар бакчасының мәктәпә әзерлек төркеме балалары белән «Игътибар, балалар!» акциясенә кушылдык.
«Игътибар, балалар!» акциясе кысаларында балалар белән юл йөрү кагыйдәләрен кабатладык һәм ныгыттык.

Бүген  бездә үзенчәлекле матурлык һәм кабатланмас тойгылар тудыручы елның иң искиткеч вакыты – көз фасылы турында әңгәмә үткәрдек.
Бу ел фасылын тагын да ямьләндереп җибәрү өчен ,көзнең үзенә генә хас төрле билгеләрен чагылдырып балалар белән төркемебездә аеруча матур,көзге атмосфера тудырдык.

 Балалар белән  урамда һәм юлда үзләрен дөрес тоту кагыйдәләрен өйрәнүгә әзерлекне, авылыбыздагы юл билгеләре белән танышып, өйрәнүдән башладык

Без бүген бакчабызда тәрәзә төплэрен матурлау, чәчәкләргә күмү, хезмәт тәрбиясенә өйрәтү, гөлләрне карап тору, су сибү, гөлләрне танырга ойрәнү, күзәтеп тору максатыннан бүлмә гөлләре утырттык.

Педагогларның август конференциясендә тәрбиячебез Мухамадиева Илина Рөстәм кызы «Яшь мөгаллим» күкрәк билгесе белән бүләкләнде!

1ИЮНЬ – ХАЛЫКАРА БАЛАЛАРНЫ ЯКЛАУ КӨНЕ!
⠀Балалар - безнең тормышыбыз чәчкәләре! Балачак – иң бәхетле һәм мәшәкатьсез вакыт ул, күңелдә җылы хисләр генә калдыра. Без һәр баланың әти-әнисе кочагында үсүен, һәр сабыйның үз бәхете белән туып, олыларның игътибарын, кайгыртуын һәм мәхәббәтен тоеп яшәвен телибез. Кадерле балаларыбызның йөзендә һәрвакыт елмаю булсын. Алар безнең киләчәгебез. Без аларны яратабыз, алар белән горурланабыз, киләчәктә балаларыбызга бары бәхет һәм матур тормыш кына телибез.
Бәйрәм белән сезне, кадерле балаларыбыз!

30 нчы май көнендә бакчабызда "Сабантуй" бәйрәме үтте. Балалар бу бәйрәмне түземсезлек белән көтте. Татар халкының милли уеннарын уйнап, матур җырлар җырлап, шигырьләрләр сөйләп, биеп күңел ачтылар .