Бүген гимназия-интернатта "2014-15 нче уку елының I яртыеллыгында уку һәм тәрбия эшенең торышы. Дәрескә үзанализ ясау. Милли мәктәп шартларында уку процессының SWOT-анализы" темасы астында педсовет узды. 

Яңа еллар килсен бәхет алып,

Яңа еллар килсен елмаеп,

Күңелләрдә мәңге шатлык булсын,

Яшәмәгез дуслар моңаеп.

Иң үзенчәлекле, зәвыклы итеп территорияне бизәгән өчен гимназия-интернат Актаныш муниципаль район башлыгының Рәхмәт хаты белән бүләкләнде.

Бүген гимназия-интернатта Яңа ел бәйрәмнәре үтте.

Кичә Казанда Татарстан Республикасы мәгариф һәм фән министрлыгында төрле олимпиадалар җиңүчеләрен, мәктәпнең җәмәгатьчелек тормышы лидерларын, уку алдынгыларын, фестиваль һәм спорт ярышлары җиңүчеләрен котладылар. Татарстан Республикасы Премьер-министры урынбасары – Татарстан Республикасы мәгариф һәм фән министры Энгель Нәвап улы Фәттахов катнашындагы чарада тарих буенча Бөтенроссия олимпиадасы призеры, гимназия-интернатның 11 нче сыйныф укучысы Шәйхин Айдар һәм аның укытучысы Миләүшә Магъсум кызы Абдуллина да катнашты.

Рус әдәбияты буенча Республикакүләм олимпиаданың район этабында гимназия-интернатның 9 нчы сыйныф укучысы Габдрахимова Лилия, 10 нчы сыйныф укучысы Минниярова Элина - җиңүче, 8 нче сыйныф укучысы Хуҗиева Динара призер булдылар (укытучылары Шагзамова Энҗе Фирдәвисовна һәм Нурыева Ирина Альбиновна).

Рус теле буенча Республикакүләм олимпиаданың район этабында гимназия-интернатның 9 нчы сыйныф укучылары Ваншина Алия һәм Вафина Альмира, 10 нчы сыйныф укучысы Анамова Диләфрүз призер булдылар, ә 10 нчы сыйныф укучысы Гумирова Аделия җиңүче булды (укытучылары Шагзамова Энҗе Фирдәвисовна һәм Нурыева Ирина Альбиновна).

25 нче декабрь көнне Казан шәһәрендә Татарстан Республикасы мәгариф һәм фән министрлыгында төрле олимпиадалар җиңүчеләрен, мәктәпнең җәмәгатьчелек тормышы лидерларын, уку алдынгыларын, фестиваль һәм спорт ярышлары җиңүчеләрен котлаячаклар. Татарстан Республикасы Премьер-министры урынбасары – Татарстан Республикасы мәгариф һәм фән министры Энгель Нәвап улы Фәттахов катнашындагы чарада тарих буенча Бөтенроссия олимпиадасы призеры, гимназия-интернатның 11 нче сыйныф укучысы Шәйхин Айдар һәм аның укытучысы Миләүшә Магъсум кызы Абдуллина да катнашачак.

Кичә “Татнефть-Арена” боз сараенда Татарстан Республикасы Президенты Рөстәм Миңнеханов катнашында узган бәйрәмдә мәктәпнең җәмәгатьчелек тормышы лидерлары, уку алдынгылары, фестиваль һәм спорт ярышлары җиңүчеләре, балалар йортларында тәрбияләнүчеләр, шул исәптән Татарстанның барлык муниципаль берәмлекләреннән 2 меңләп укучы катнашты. Алар арасында гимназия-интернаттан Солтанов Марат, Габдрахманова Эльвина, Галиева Алинә, Егорова Аделина, Надергулов Марат һәм Шакирова Ләйлә дә бар иде.

Актанышта Яңа ел тамаша-концертларын безнең гимназия-интернат укучылары башлап җибәрде. 19 нчы декабрь көнне узган концертта укучыларыбызның һәм Казан кунакларының күңелле җырлары, дәртле биюләре, "Мандарин" командасының шаян чыгышларыннан соң, бәйрәмчә бизәлгән сәхнәне тагын да нурландырып, Кыш бабай һәм Кар кызы залдагыларны котлады.