Кичә гимназия-интернатта "Белем дөньясы" (ТНВ) тапшыруы журналистлары булып китте. Алар тапшыру әзерләр өчен гимназия-интернат тормышыннан сюжетлар төшерделәр, интервьюлар алдылар.

18 гыйнварда гимназиядә “Яңа офык” район мәктәп матбугат чаралары бәйгесенең йомгаклау мәҗлесе үткәрелде. Әлеге бәйге Мәгариф идарәсе, “Актаныш” Мәгълүмати-мөхәррият үзәге һәм гуманитар гимназия-интернат дирекциясе тарафыннан оештырылган иде. Йомгаклау мәҗлесе кысаларында 3 остаханә эшләде, аларда фотожурналистика, газета эшчәнлеге нигезләренә төшенергә һәм робототехника белән танышырга мөмкин иде. Конкурс нәтиҗәләре буенча җиңүчеләр билгеләнде. Алар:

“Иң яхшы урта мәктәп газетасы” юнәлешендә – “Бас!ма” газетасы (Актанышның 1 мәктәбе);

“Иң яхшы төп мәктәп газетасы” юнәлешендә – “Хыял” газетасы (Чалманарат мәктәбе);

“Иң мәгълүмати басма” – “Омтылыш” газетасы (Актанышның 2 мәктәбе);

“Бәйгенең ачышы” – “Балкыш” газетасы (Зөбәер мәктәбе);

“Иң яхшы эшләүче мәктәп радиосы” – Актанышның 1 мәктәбе тапшырулары;

“Өметле тапшыру” юнәлешендә – “Мәктәп сулышы” радиотапшыруы (Актанышның 2 мәктәбе)

“Иң яхшы эшләүче мәктәп телевидениесе” – “Дуслык” студиясе (Югары Яхшый мәктәбе).

Җиңүчеләрне “Актаныш таңнары” газетасының баш мөхәррире Илназ Хөҗҗәтов, Мәгариф идарәсе җитәкчесе Ләйсән Нурлыева һәм гимназия-интернат директоры Артур Галиәхмәтов тәбрикләде.

Биатлон буенча район беренчелегендә Минһаҗев Аяз, Арсланов Динар һәм Тимиров Азаматтан торган гимназия-интернат командасы 3 урынны яулады.

"Җирдә тынычлык хакына" республикакүләм конкурсның район этабы нәтиҗәләре буенча 2 урынны Нургалиева Айзиля (7 сыйныф), 3 нче урынны Шәймухаметова Айзилә (8 сыйныф) яуладылар, ә кызыксындыру бүләге Миргаязова Резедада (8 сыйныф).

Кызлар арасында өстәл теннисы буенча район беренчелегендә гимназия-интернатның 6 нчы сыйныф укучылары Мөхәметдинова Зөлфия 2 нче урынны, Вильданова Чулпан 3 нче урынны яуладылар.

Бүген гимназия-интернатның 11 нче сыйныф укучылары районкүләм физика һәм биология фәннәреннән БДИда катнашалар.

Әфган җиреннән Совет гаскәрләре чыгарылуга 26 ел тулу уңаеннан,  интернационалист-сугышчыларны искә алу митингы 13 февральдә Актанышның Җиңү паркы каршында үтте. Анда гимназия-интернат укучлары да катнашты.

Татар әдәбияты буенча Республика олимпиадасының нәтиҗәләре билгеле булды. Гимназия-интернатның 10 нчы сыйныф укучысы Гаязова Лилия һәм 11 нче сыйныф укучысы Галиева Алинә олимпиадада җиңү яуладылар (укытучысы Хәева-Хәмитҗанова Венера Хаматнасыйх кызы һәм Әгълетдинова Ландыш Филүс кызы). Салахова Айсинә (9 нчы сыйныф), һәм Шәкурова Гөлназ (11 нче сыйныф) призер булдылар (укытучылары Әгълетдинова Ландыш Филүс кызы). Булдырасыз, кызлар!

Бөек Җиңүнең 70 еллыгына багышланган Республика "Безнең таныш йөзләр" тарихи – патриотик акциянең район туры нәтиҗәләре буенча гимназия-интернатның "Ялкын" балалар оешмасы 3 нче урынны яулады.

10-11 нче февраль көннәрендә Актанышта укучыларның кышкы спартакиадасы үтте. Гимназия-интернат укучылары ярышлар нәтиҗәсендә 3 нче урынга лаек булдылар һәм 4 мең сум күләмендә спорт җиһазларына сертификат белән бүләкләнделәр. Өстәл теннисында Солтанов Марат (5 сыйныф) 1 нче, Мухаметдинова Зөлфия (6 сыйныф) 3 нче, шорт-тректа Минһаҗева Резеда (9 сыйныф) 1 нче, Дәүләтов Наил (11 сыйныф) 3 нче, бадминтонда Губаева Динара (8 сыйныф) 3 нче, чаңгы эстафетасында Арсланов Динар (9 сыйныф), Шакирова Ләйлә (11 сыйныф), Минһаҗев Аяз (11 сыйныф), Галимова Айсылудан (11 сыйныф) торган команда 3 нче, аркан тартуда егетләр командасы шулай ук 3 нче урыннарны яуладылар. Афәрин!