Рус теле буенча Бөтенроссия олимпиадасының региональ туры призеры, гуманитар гимназия-интернатның 11 нче сыйныф укучысы Шәйхин Айдарны һәм аның укытучысы Энҗе Шагзамованы чын күңелдән котлыйбыз!

Химия буенча Бөтенроссия олимпиадасының региональ туры нәтиҗәләре буенча гуманитар гимназия-интернатның 9 нчы сыйныф укучысы Насертдинова Сөмбел призер булды. Сөмбелне һәм аның укытучысы Гарипова Рүзилә Илдар кызын чын күңелдән котлыйбыз!

17-20 нче гыйнвар көннәрендә Казан шәһәренең "Волга" яшьләр үзәгендә «Junior Startup Intensive» исеме астында укучыларның IT-стартаплар регионара конкурсы узды.
Конкурс нәтиҗәләре буенча гуманитар гимназия-интернат укучылары Әхмәтшин Д. һәм Давлетбердин М. төзегән "Избушка №1" дип аталган ИТ-проект (җитәкчесе Миргаязов Р.Р.) җиңүче дип табылды.

19-22 нче гыйнвар көннәрендә Казан шәһәрендә химия буенча Бөтенроссия олимпиадасының региональ туры үтәчәк. Актаныш данын район этабы җиңүчесе, гимназия-интернатның 9 нчы сыйныф укучысы Насертдинова Сөмбел (укытучысы Гарипова Рүзилә Илдар кызы) яклаячак. Аңа уңышлар телибез.

Бүген 9 нчы сыйныф укучылары математикадан, 11 нче сыйныф укучылары рус теленнән районкүләм имтиханнарда катнаштылар.

18-21 нче гыйнвар көннәрендә Казанда инглиз теле буенча Бөтенроссия олимпиадасының региональ туры үтәчәк. Актаныш районы данын 2014 нче елгы региональ тур призеры, гимназия-интернатның 10 нчы сыйныф укучысы Анамова Диләфрүз (укытучысы Гарипов Рамил Марат улы) яклаячак. Аңа уңышлар телибез.

14-17 нче гыйнвар көннәрендә Казанда астрономия буенча Бөтенроссия олимпиадасының региональ туры үтәчәк. Актаныш районы данын район этабы җиңүчесе, гимназия-интернатның 11 нче сыйныф укучысы  Надергулов Марат (укытучысы Әминов Нияз Фаяз улы) яклаячак. Аңа уңышлар телибез.

10 нчы гыйнвар көнне мәгариф хезмәткәрләренең район спартакиадасы узды. Спартакиада кысаларында чаңгы ярышында Сибгатуллин Р.Т., Хафизова З.М. 2 нче урыннарны, өстәл теннисында Басыров Р.Р. 2 нче урынны, бадминтонда Харрасова А.Р. 1 нче, Хөсәенов Л.Н. 2 нче урынны, гәүдәне күтәрүдә Галиәхмәтов А.К. 2 нче урынны, Әминова И.Ф. 3 нче урынны, кул көрәштерүдә Фазлыева Г.Х. 1 нче урынны, йөзүдә Абдуллина М.М., Гыйльметдинов М.И. 3 нче урыннарны яуладылар, аркан тартуда команда 3 нче булды. Барлык нәтиҗәләр буенча гимназия-интернат командасы 2 нче урынны яулады. Афәрин!

Бүген 9 нчы сыйныф укучылары өчен рус теленнән, 11 нче сыйныф укучылары өчен математикадан районкүләм имтихан биреп караулар үтә.

Бүген, 7 гыйнвар көнне, гуманитар гимназия-интернатның "Бүләк" аланында узган Чыршы бәйрәменә районның сәләтле укучылары чакырулы иде. Муниципаль район башлыгы Фаил Камаев укучыларны бәйрәм белән котлады, Рәхмәт хаты тапшырды. Алар арасында гимназия-интернаттан Нуруллин Нияз, Саррахов Данияр, Миргаязова Резеда, Губаева Динара, Насртдинова Гөлшат, Ваншина Алия, Галләмова Рүзилә,  Гарипов Рәдис, Гаязова Лилия, Фәйрушин Айбулат, Якупова Румия, Исламова Илүзә дә бар. Котлыйбыз!