Кәрим Тинчурин исемендәге VII Халыкара милли драматургия театр фестивале кысаларында үткәрелгән, Кәрим Тинчуринның тууына 125 ел тулуга багышланган " Ул кабызган утлар балкышы..." республикакүләм конкурста гимназия-интернатның 11 нче сыйныф укучысы Егорова Аделина "Спектакльдән монолог" номинациясендә К. Тинчуринның "Сүнгән йолдызлар" спекталеннән Сәрвәр монологын оста башкарып III нче дәрәҗә диплом белән бүләкләнде (җитәкчеләре Әминова Ләйсән Галиәкбәр кызы һәм Хөсәенов Ленар Наил улы).

1-3 нче декабрь көннәрендә гимназия-интернат директоры Артур Кәрим улы Галиәхмәтов һәм татар теле һәм әдәбияты укытучысы Ләйсән Галиәкбәр кызы Әминова Уфа шәһәрендә узган "Башкортстан Республикасында татар мәгарифе көннәре" исеме астында узган чарада катнашып кайтталар. Катнашучылар Башкортстанның татар теле укытучылары катнашында "ФДББС шартларында татар теле укыту проблемалары" дигән темага түгәрәк өстәлдә булдылар. Анда Башкортстан һәм Татарстан Республикасы Мәгариф һәм фән министрлыклары вәкилләре, Арча һәм Минзәлә көллияты директорлары, Артур Кәрим улы Галиәхмәтов чыгыш ясады, Ләйсән Галиәкбәр кызы Әминова мастер-класс күрсәтте.
Шулай ук Рәми Гәрипов исемендәге 1 нче санлы Башкортстан республика гимназия-интернаты белән Гуманитар гимназия-интернат арасында хезмәттәшлек турында килешү төзелде.

Бүген гимназия-интернатта Татарстан Республикасында бала хокуклары буенча вәкәләтле вәкил Удачина Гузәл Любис кызы һәм балигъ булмаганнар эше һәм аларның хокукларын яклау буенча комиссия җаваплы сәркатибе Гарифуллина Илсөяр Хәләлетдин кызы булып киттеләр. Алар уку йортының эшчәнлеге, гамәлгә ашырылып килүче проектлар белән таныштылар.

28 нче ноябрь көнне технопаркта яшьләрнең “Саф караш” ачык социаль реклама конкурсында җиңүчеләрне бүләкләү тантанасы булып узды. Аны Татарстан экология һәм табигый байлыклар министры Артем Сидоров ачып җибәрде.
Конкурсны Татарстан Экология һәм табигый байлыклар министрлыгы өченче ел рәттән үткәрә. Быел аңа Россия Федерациясенең 53 субъектыннан 1000ләп эш тәкъдим ителде.

Тормыш иминлеге нигезләре буенча Бөтенроссия олимпиадасының район этабында гимназия-интернатның 9 нчы сыйныф укучысы Арсланов Динар һәм 11 нче сыйныф укучысы Надергулов Марат җиңүче булдылар (укытучылары Сибгатуллин Ришат Тимершәех улы). 

Бүген гимназия-интернат базасында Татарстан Республикасы Мәгариф һәм фән министры Энгель Нәвап улы Фәттахов катнашында "Милли мәгарифне үстерүдә проблемалар һәм перспективалар" исеме астында республикакүләм семинар-киңәшмә үтте.

Тарих буенча Бөтенроссия олимпиадасының район этабында гимназия-интернатның 9 нчы сыйныф укучысы Хәбибуллин Ленар һәм 11 нче сыйныф укучысы Шәйхин Айдар җиңүче булдылар (укытучылары Абдуллина Миляүшә Магъсум кызы һәм Гыйльметдинов Марат Илсур улы). 

Рус теле буенча Бөтенроссия олимпиадасының район этабында гимназия-интернатның 9 нчы сыйныф укучысы Вафина Альмира, 10 нчы сыйныф укучысы Гумирова Аделия һәм 11 нче сыйныф укучысы Шәйхин Айдар (укытучылары Шагзамова Энҗе Фирдәвисовна һәм Нурыева Ирина Альбиновна) җиңүче булдылар.

I Республика "Глаголица" әдәби премия бәйгесендә катнашып, 7 нче сыйныф укучысы Газизова Сөмбел "Проза" номинациясендә 1 нче урынны яулады. Ул бәллүр ябалак, китаплар тупланмасы һәм ноутбук белән бүләкләнде. Уңышларың дәвамлы булсын, Сөмбел!