23-30 гыйнвардә Башкортостан Республикасы Салават шәһәрендә VII Россия укучыларының кышкы спартакиадасы кысаларында кызлар арасында хоккей ярышларының 2 нче этабы узды. Бу ярышларда Татарстан командасы 3 нче урынны яулады һәм финалга үтте. Финал уеннары 2-11 нче мартта Саранск шәһәрендә үтәчәк. Командада чыгыш ясаучы гуманитар гимназия-интернат укучысы Минһаҗева Резедага уңышлар телибез.

Гуманитар фәннәр атналыгы кысаларында гимназия-интернатта 5-10 нчы сыйныфлар арасында рус телендә хәрби-патриотик җырлар конкурсы үтте. Конкурс барышында "Катюша", "А закаты алые...", "Три танкиста", "Идет солдат по городу..." һ.б. атаклы җырлар яңгарыды.

Җәмгыять белеме буенча Бөтенроссия олимпиадасының региональ туры призерлары, гуманитар гимназия-интернатның 11 нче сыйныф укучысы Шәйхин Айдарны, 9 нчы сыйныф укучысы Закирова Алинәне һәм аларның укытучылары Миләүшә Магъсум кызы Абдуллинаны һәм Марат Илсур улы Гыйльметдиновны чын күңелдән котлыйбыз!

Тормыш иминлеге нигезләре буенча Бөтенроссия олимпиадасының региональ туры нәтиҗәләре буенча гуманитар гимназия-интернатның 11 нче сыйныф укучысы Надергулов Марат призер булды. Маратны һәм аның укытучысы Сибгатуллин Ришат Тимершәех улын зур җиңүләре белән чын күңелдән котлыйбыз!

28 нче гыйнвар көнне район үзәгендә "Алдынгалар слеты" узды. Гуманитар гимназия-интернат 2014 нче ел нәтиҗәләре буенча 1 нче урынны яулады. 

Гуманитар фәннәр атналыгы кысаларында гимназия-интернатта "Яшь филолог" исеме астында рус һәм инглиз теленнән 7-9 нчы сыйныфларда брэйн-ринг үтте. Ярыш нәтиҗәләре буенча 1 нче урында "Ученые" (9а сыйныфы), 2 нче урында "Филологи" (8б сыйныфы), 3 нче урында - "Мудрецы" (7а сыйныфы). Җиңүчеләрне котлыйбыз!

Районкүләм БДИ форматындагы инглиз теленнән иншалар конкурсында гимназия-интернаның 9 нчы сыйныф укучысы Габдрахимова Л. (җитәкчесе Әюпова Л.Р.) икенче, 11 нче сыйныф укучысы Якупова Р. (җитәкчесе Тимирова Л.Ф.) өченче урыннарны яуладылар.

28-30 нчы гыйнвар көннәрендә Казан шәһәрендә җәмгыять белеме буенча Бөтенроссия олимпиадасының региональ туры үтәчәк. Актаныш районы данын гимназия-интернат укучылары да яклаячак. Алар 9 нчы сыйныф укучылары Галләмова Рүзилә, Закирова Алина һәм 11 нче сыйныф укучысы Шәйхин Айдар. Аларга уңышлар телибез.

"Физикадан иң яхшы дәрес эшкәртмәсе" районкүләм конкурс нәтиҗәләре буенча гимназия-интернатның физика укытучысы Әминов Нияз Фаяз улы "10-11 нче сыйныфлар өчен иң яхшы дәрес эшкәртмәсе" номинациясендә 1 нче урынны яулады.

Кичә гимназия-интернатта 2015 нче елда физика фәнен сайлаучылар арасында БДИ үтте.