Кичә гимназия-интернатта янгын яки башка гадәттән тыш хәлләр вакытында мәктәптә үз-үзеңне тоту буенча өйрәнүләр үтте. Мәктәп хезмәткәрләре һәм  укучылар эвакуацияне, тиешле кагыйдәләрне һәм нормаларны үтәп, ыгы-зыгысыз уздырдылар. 

13-15 март көннәрендә Әгерҗе шәһәренең Мәдәният сараенда “Йолдызлык - Созвездие - 2015“ республика  фестиваленең зона турына Актаныш, Минзәлә, Мөслим һәм Әгерҗе районнарыннан җыелган иң сәләтле йолдызчыкларны Казаннан килгән дәрәҗәле жюри иң нечкә иләктән үткәреп сайлады.
Гимназия-интернат укучылары фестивальдә уңышлы чыгыш ясап кайттылар. "Конферанс" номинациясендә Миргаязова Резеда һәм Егорова Аделина 2 нче дәрәҗә диплом, Гарипов Рәдис 3 нче дәрәҗә диплом белән бүләкләнделәр. Гимназия-интернатның "Хәзинә" ансамбле диплом белән бүләкләнде. Актанышның "Тамчы" ансамблендә чыгыш ясаучы кызларыбыз Шагзамова Алисә, Газизова Сөмбел һәм Нургалиева Айзилә 2 нче дәрәҗә дипломга ия. Афәрин!

1998-2000 нче елгы кызлар арасында "Алтын алка" клубы призларына үткән республикакүләм хоккей ярышларында Актаныш командасы алтын медальләр яулады. Команда составында гимназия-интернатның 9 сыйныф укучысы Минһаҗева Резеда да бар. Афәрин, Резеда!

Гимназия-интернатның 11 сыйныф укучысы Шакирова Ләйлә полиатлон (ату, чаңгыда ярышу, гәүдәне күтәрү) буенча республика беренчелеге нәтиҗәләре буенча 2 нче дәрәҗә диплом белән бүләкләнде. 

Бүген гимназия-интернат базасында районның мәктәп директорлары, уку-укыту һәм тәрбия буенча урынбасарлары, балалар бакчалары мөдирләре Яр Чаллы социаль-педагогик технологияләр һәм ресурслар институты мөгаллимнәре оештырган “Мәгарифтә менеджмент” юнәлеше буенча һөнәри әзерлек курсларында укуларын дәвам иттеләр.

10-11 нче март көннәрендә гимназия-интернат укучылары район мәдәният йортында узган "Созвездие-Йолдызлык - 2015" эстрада фестиваленең муниципаль сайлап алу турында катнаштылар.

Бүген гимназия-интернатта "Созвездие-Йолдызлык - 2015" эстрада фестиваленең сайлап алу туры үтте. Жюри әгъзалары укучылар тәкъдим иткән концерт номерларының иң-иңнәрен сайлап алды. Укучыларыбызга муниципаль этапта уңышлар телибез.

Гимназия-интернатның 5 сыйныф укучысы Галиев Алмаз Башкортостан Республикасы Илеш районының Югары Яркәй авылы йөзү буенча ачык беренчелегеннән 1 нче урынны һәм Нефтекама шәһәренең йөзү буенча ачык беренчелегеннән 2 нче урынны алып кайтты. 

Гимназия-интернат укучылары Елжасова Розалия, Миргаязова Резеда һәм Хуҗиева Динара 27 нче февральдән 1 нче мартка Буа шәһәрендә узган татар гимназияләрендә "Сәләт" балалар клубларын оештыру семинарында булып кайттылар.

Кичә Актаныш районы хезмәт ияләренең кышкы спартакиадасы үтте. Гимназия-интернат командасы чаңгы эстафетасында (Сибгатуллин Р.Т., Гарипова Р.И., Басыйров Р.Р.) 1 урын, дартста (Харрасова А.Р.) 1 урын, канатта (Сибгатуллин Р.Т., Миргаязов Р.Р., Гарипов Р.М., Басыйров Р.Р., Әминов Н.Ф.) 2урын, йөзүдә (Хафизова З.М.) 3 урын, турникта күтәрелүдә (Галиәхмәтов А.К.) 3 урын, бадминтонда (Хөсәенов Л.Н.) 3 урынны яулады.