Бүген гимназия-интернатның чыгарылыш сыйныф укучыларына аттестат тапшыру тантанасы үтте. Бу уку елында 11 сыйныфны 18 укучы тәмамлады. Анамова Диләфрүз, Гатина Резеда һәм Миниярова Элина мәктәпне кызыл дипломга тәмамладылар.

Бүген гимназия-интернатта чыгарылыш 9 сыйныф укучыларына аттестат тапшыру тантанасы үтте. 

Бүген гимназия-интернат коллективы "Актаныш" агрофирмасына ярдәм йөзеннән яфрак печән әзерләүдә катнаштылар.

Казан шәһәренең “Әкият“ курчак театры бинасында 1 июнь көнне татар халкының бөек шагыйре Габдулла Тукайның тууына 130 ел тулу уңаеннан, “Шүрәле“ әкият-поэмасы язылуына багышланган “Сөйкемле шүрәле“ VII Халыкара иҗат бәйгесенең йомгаклау өлеше тантаналы рәвештә узды.
Үзләренең иҗат эшләре белән гимназия-интернат укучылары да зур өлеш керттеләр, аларның эшләре уңай бәяләнде. Раушания Гыймазова – дипломант, Сөмбел Фазаелова – I дәрәҗә лауреат, Алисә Фәрдиева кызыксындыру бүләгенә лаек булдылар (остазлары – Айрат Сәрваров. Динар Арсланов III дәрәҗә лауреат исеменә лаек булды (остазы Ришат Сибгатуллин).
Җиңүче укучылар диплом һәм истәлекле бүләкләр белән хөрмәтләнделәр.

Татарстан Республикасы Премьер-министры урынбасары - мәгариф һәм фән министры Энгель Фәттахов #подпиширодителей и #подпишиблизких республикакүләм акция кысаларында гимназия-интернат укучыларына "Ялкын", Салават күпере", "Сабантуй" газета-журналларына язылу бүләк итте. Гимназия-интернат коллективы Энгель Нәвап улына чиксез рәхмәтен җиткерә.

3-6 июньдә Казанда  туган теле рус булмаган мәктәп укучылары арасында рус теле буенча III халыкара олимпиада узды. Анда Россия Федерациясе һәм БДБ субъектларында яшәүче быел 8нче һәм 10нчы сыйныфларны тәмәмлаган укучылар катнашты. Рус теле буенча халыкара олимпиада 2 турда үткәрелде. Беренче тур – сайлап алу, ул онлайн тест эшләү режимында уздырылды. Бәйгенең бу өлешендә 3,5 меңләп укучы катнашты. Шулардан 200ләбе сынауны Казанда уздырыла торган йомгаклау өлешендә дәвам итте.
Гимназия-интернат укучылары олимпиадада уңышлы чыгыш ясап кайттылар. Шагзамова Алисә (8 класс), Вафина Альмира (10 класс), Вильданова Адилә (10 класс) призер исемен яуладылар. Кызларны һәм аларның укытучылары Энҗе Фирдәвес кызы Шагзамованы чын күңелдән җиңүләре белән котлыйбыз.

Кичә Татарстан Республикасы Премьер-министры урынбасары - мәгариф һәм фән министры Энгель Фәттахов, Актаныш муниципаль районы башлыгы Фаил Камаев катнашында "Бүләк" ял-сәламәтләндерү лагеренең 1 нче сменасын ачу тантанасы үтте.

28 май көнне 5 класс ата-аналары балаларына күңелле бәйрәм – Сабантуй үткәрделәр. Милли бәйрәмдә уйнала торган бар төр ярышларда да укучылар бик теләп катнаштылар. Ахырда җиңүчеләр бүләкләнделәр.

Бүген "Бүләк" ял-сәламәтләндерү лагерендә 1 нче смена эшен башлады. Ул 1 нче июньнән 21 нче июньгә кадәр дәвам итәчәк. Ял итүче балалар арасында гимназия-интернат укучыларыннан тыш, Башкортостан һәм Удмурт республикаларыннан, Курган, Чиләбе өлкәләреннән дә укучылар бар.

Бүген гимназия-интернатның 9 сыйныф укучылары җәмгыять белеме, информатика һәм рус әдәбиятыннан беренче төп дәүләт имтиханнарын тапшыралар.