Әниләр көне уңаеннан ЗАГС бүлеге тарафыннан оештырылган чарада гуманитар гимназия- интернат  укучылары катнашып, район мөслимәләр берлеге рәисе Зөһрә ханым Закирова белән очраштылар. Чарага кунак буларак чакырылган гуманитар гимназия укучылары бу көнне, шулай ук, гражданнар хәле актларын теркәү бүлеге эшчәнлеге, еллар дәвамында биредә тупланган документларның сакланышы, гаилә корырга ниятләүчеләр өчен тудырылган электрон уңайлы шартлар хакында мәгълүмат алдылар.

Районкүләм  “Бию Мәйдан” биючеләр фестиваль-конкурсында гимназиянең 6 нчы сыйныф укучысы Нәфисә Вәлиева  “Ялгыз “ бию номинациясендә 2 урынга лаек булды. 

Татарстан Республикасы мәгариф һәм фән министрлыгы  “Сәяр” балалар һәм яшүсмерләрнең Республика театр фестивалендә гимназиянең “Милли җәүһәрләр” театр коллективы “Иң яхшы сәхнә бизәлеше “ номинациясендә җиңүче булды (җитәкчесе: Аграпова Миләүшә Рәдис кызы, Хафизова Алсу Мирзамөхәмәт кызы, Шәвәлиев Ленар Зөфәк улы).   

Җәмгыять белеме  буенча Бөтенроссия һәм республикакүләм олимпиадаларының район этабында гимназия-интернатның  7  нче  сыйныф укучылары Хурмаева Р.,   Ибрагимов Р. - призерлар, 8   нче  сыйныф укучысы Хөҗҗәтова С.,  9а     сыйныф укучысы  Хәйдаров Ш.  җиңүче  булдылар. (укытучылары Абдуллина Миләүшә  Мәгъсүм кызы).

5 декабрь  көнне  Актаныш  районына мәртәбәле чит ил кунагы – Иорданиядәге Амман шәһәренең Халыкара ислам университеты профессоры, Мөхәммәд пәйгамбәр с.г.в. нәселенең 41 нче  буын вәкиле Мәхмүд Габдеррәззак Әс-Сәгъди килде. Ул гимназиядә укучылар һәм укытучылар белән очрушада катнашып, үзенең фикерләрен җиткерде.

К.Тинчурин исемендәге Татар дәүләт драма һәм комедия театрында, «Ул кабызган утлар балкышы» гала-концертында  “Сәләтле балалар өчен гуманитар гимназия – интернат” ның “Милли  җәүһәрләр”театр коллективы Гран-при иясе булып, “Бәллүр Кәрим” сыны белән бүләкләнде (җитәкчеләре Аграпова М.Р., Хафизова А.М., Шәвәлиев Л.З.).

“Шома бас”бәйгесенең республика  туры этабында  “Хәзинә” бию ансамбле 2 нче урынга лаек булды(җитәкчесе:А.И.Локманова). 

Биология фәне  буенча Бөтенроссия һәм республика күләм олимпиадаларының район этабында гимназия-интернатның  9  нчы  сыйныф укучысы  Мәрьям Хисматова, 11  нче сыйныф укучысы Диләрә Саттарова  призер булдылар (укытучылары Исламова Зөлфия  Әсхәт кызы). 

Рус теле буенча Бөтенроссия һәм республикакүләм олимпиадаларының район этабында гимназия-интернатның  6 нчы сыйныф укучысы Нәфисә Вәлиева, 7 нче сыйныф укучысы Альбина Вәлиева призер, 5  нче   сыйныф укучысы  Камилә Ирисметова, 9  нчы сыйныф укучысы Алисә Шәгзәмова, 10 нчы сыйныф укучысы Резеда Миргаязова, 11 нче сыйныф укучысы Альмира Вафина җиңүче  булдылар (укытучылары Нурыева И.А., Шагзамова Э.Ф.)

Экономика  фәне  буенча Бөтенроссия һәм республикакүләм олимпиадаларының район этабында гимназия-интернатның  8 нче сыйныф укучысы Сөмбелә Хөҗҗәтова җиңүче булды (укытучысы Абдуллина М.М.)