10нчы октябрьдән 15нче октябрьгә кадәр гимназиядә математика атналыгы игълан ителде. Бүген линейкада 6а сыйныф укучылары атналыкны бик матур итеп ачып җибәрделәр. Математика укытучысы Регина Равиль кызы Фардиева укучыларны атналык план белән таныштырды.

8а сыйныф укучысы Мухаметдинова Зөлфия Илеш районында үткәрелгән теннис ярышында 2 нче урынга лаек булды. Котлыйбыз.

Безнең гимназия Татарстан Республикасының иң яхшы мәктәпләре арасысында. 

6нчы октябрь көнне актлар залында 10-11нче сыйныф укучылары район пенсион фондының әгъзәләре белән очраштылар. Бик тә кызыклы, шул ук вакытта файдалы киңәшләр алдылар.

5нче октябрь көнне Актаныш мәдәният йортында Укытучылар көне уңаеннан бәйрәм чарасы булып узды. Бу бәйрәмдә гимназия укытучылары алдынгылар рәтендә иде.

Рус теле һәм рус әдәбияты укытучысы Ирина Албин кызы Нурыева Район башлыгынын Мактау грамотасына , педагог-тәрбияче Ленар Наил улы Хөсәенов  район Мәгариф бүлеге җитәкчесенең  Мактау грамотасына ия булдылар. Бөтенрәсәйкүләм “Ел укытучысы-2016” бәйгесенең  район этабында  “Дебют” номинациясендә  җиңүче  география укытучысы Рөстәм Уел улы Файзуллин, зона этабында җиңүче инглиз теле укытучысы Ләйсән Рәшит кызы Әюпова,  “Сыйныф җитәкчесе-2016” бәйгесенең  район  этабында  “Иң шәп сыйныф  җитәкчесе” номинациясендә җиңүче физик культура укытучысы Алсу Рәскәт кызы Харрасова,  Бөтенрәсәйкүләм “Наставник года -2016” бәйгесенең район этабында җиңүче педагог-организатор Алсу Мирзамөхәммәт кызы Хафизоваларның сәхнәгә бүләкләнүгә чыгулары бәйрәмгә тагын да  ямь өстәде. Афәрин!

Укытучыларыбызның көне бик матур башланды бүген. 9а, 9б сыйныф укучылары иртүк килеп,  барлык укытучыларны да чәчәк бәйләме белән каршы алдылар. Шундый матур мизгелләр бүләк иткән укучыларыбызга, оештырган сыйныф җитәкчеләре Регина Равиль кызы, Голнар Дилфас кызларына рәхмәтләребез чиксез.

Бүген гимназиякүләм  рус теленнән 11нче сыйныф укучылары БДИнын биреп карады. Мондый сынаулар ел буена график нигезендә дәвам итәчәк.

Әбиләр чуагының ямьле бер көнендә 6нчы класслар көзге экскурсия оештырып, табигатькә ял итәргә чыктылар. 

  28  нче сентябрь көнне, “Лачын” универсаль спорт комплексында , сәламәт яшәү рәвешен пропагандалау максатыннан, 2002-2003 елны туган район укучылар арасында баскетбол ярышы булып узды. Анда безнең гимназиянең кызлары һәм егетләре   уңышлы чыгыш ясап кайттылар, кызлар командасы III урынны алдылар. Егетләр командасы аздан гына калыштып IV урынны алдылар. Афәрин! “Ак Бүре” командасының тренеры Гумеров Айдар безнең яхшы уенчы кызларны һәм егетләрне узенен Актаныш районы җыелма командасына уенчылар итеп чакырды, һәм “Иң яхшы уенчы”-дигән дипломнар белән бүләкләде. Афәрин!

25 нче сентябрь көнне традицион россиякүләм "Милләтләр кроссы" узды. Гимназия-интернат укытучылары һәм укучылары бу акциядә актив катнаштылар. Рамиль Марат улы Гарипов  VIP йөгерүдә ир-атлар арасында 3 нче урынны, Рузилэ Ильдар кызы Гарипова 2нче урынны уяуладылар. 6а сыйныф укучысы Валиева Нэфисэ, 9 а сыйныф укучысы Шагзамова Алисэлэр мактаулы 4нче урында. Котлыйбыз.