Флүс Латыйфи исемендәге ХI "Сәләткә нур булган йолдызлар" республика ачык әдәби конкурсында катнашып, 8в сыйныф укучысы Айсылу Мортазина "Шигърият" номинациясендә 1 урын яулады! Остазы - Айгөл Ралиф кызы Әхмәтгалиева. 9 а сыйныф кызлары Әдилә Зиязетдинова, Руфинә Гарифуллинаның да ( остазлары - Зөлфия Мәзһар кызы Хафизова) актив катнашулары билгеләп үтелде. Иҗади җиңү белән котлыйбыз, кызларыбыз!

4а сыйныф укучысы Әхмәтгалиев Самирны тәүге җиңүе белән котлыйбыз! Ул «Хикмәтле дә, бизәкле дә туган тел» I республикакүләм фәнни-гамәли конференциясендә уңышлы чыгыш ясап, 2 урынга лаек булды!

Быел Тукай премиясен бирү комиссиясе Татарстан Республикасы дәүләт премиясен ике генә кешегә – язучы Ләбиб Лерон һәм рәссам Анатолий Егоровка бирергә карар иткән. Лауреатларга премияне Җәлил исемендәге Татар дәүләт опера һәм балет сәхнәсеннән Татарстан Республикасы Президенты Рөстәм Миңнеханов тапшырды. Быел Тукай премиясенә унтугыз кандидат тәкъдим ителгән иде.

Габдулла Тукайның тууына 136 ел тулу уңаеннан узучы районкүләм шигырь бәйрәмендә гимназиябезнең 2, 4 сыйныф укучылары "Кәҗә белән сарык" әкиятен уйнадылар.

Гимназиябездә 26 апрель - Габдулла Тукай туган көн уңаеннан укучыларның рәсем һәм шәҗәрәләр күргәзмәсе эшли.

Гимназиябездә Туган тел көне бәйрәм дә, укучыларның, укытучыларның ел дәвамында ирешкән уңышларына нәтиҗә ясап, бурыч-максатлар билгеләү, планнар кору, җыелып фикерләшү көне дә.

2а сыйныфы укучысы Алмазия Закирова "Актаныш информ" филиалы уздырган "Мин Актанышны яратам!" бәйгесендә, үзе язган шигырь белән катнашып, җиңү яулады. Укытучысы - Лилия Васик кызы Галләмова. Киләчәктә дә иҗади уңышлар сиңа, Алмазия!

Бөек шагыйребез Габдулла Тукайның туган көнен искә алу уңаеннан, гимназиябезнең 3а, 3б, 4а сыйныфлары белән китапханәдә "Тукай-сүнмәс йолдыз" исеме астында уен-викторина уздырылды.

Бер-береңне тыңлый һәм аңлый белергә, мәгълүматны тулы, төгәл кабул итәргә, фикерне белдерергә өйрәтүче "Своя игра" уены. Укытучы - Мария Олеговна Фатхиева.