6 нчы май көнне гимназиябездә зур бәйрәм - 2021-2022 уку елы алдынгыларын хөрмәтләү тантанасы узды. Уңыш бәйрәме! Проектлар фестивале - укучыларыбыз проект эшләрен әти-әниләргә тәкъдим итү белән башланып китте. Гимназиябезнең 2021-2022 уку елы алдынгыларын хөрмәтләү - ачылу тантанасын Актаныш районы башлыгы Энгель Нәвап улы Фәттахов ачты.  Хезмәттәшләребез рус теле һәм әдәбияты укытучысы Гыйльфанова Изалия Изаил кызы - Татарстан Республикасы Мәгариф һәм фән министрлыгының Мактау кәгазе, инновацион эшчәнлек буенча директор урынбасары Әюпов Фирзәр Ришат улы - Актаныш муниципаль район башлыгының Мактау кәгазе, инглиз теле укытучысы Мусина Рузилә Айдар кызы, тарих һәм җәмгыять белеме фәне укытучысы Хәсәнов Рәмис Илгиз улы, гарәп теле укытучысы Шәфигуллин Рүзәл Шамил улы Актаныш муниципаль район башлыгының Рәхмәт хаты белән бүләкләнделәр.  "5"легә генә укучыларыбызны директорыбыз Хәева-Хәмитҗанова Венера Хәмәтнәсыйх кызы котлады һәм бәйрәмгә килгән мөхтәрәм кунаклар белән таныштырды. 2021-2022 нче елда мәдәният һәм сәнгать өлкәсендә, спортта уңышка ирешкән укучыларыбызны директорның тәрбия эшләре буенча урынбасары Шәвәлиев Ленар Зөфәк улы тәбрикләде. Бөтенроссия фән олимпиадаларының муниципаль этабында җиңүчеләрне директорның инновацион эшчәнлек буенча урынбасары Юлия Валентиновна Амерзянова котлады. Уку елы дәвамында төрле проект эшчәнлеге алып барган, республикакүләм конференция һәм конкурс-фестивальләрдә уңышлы чыгыш ясаган укучыларыбызны гимназиябезнең даими партнеры “Кванториум – балалар технопаркы” директоры Фукина Юлия Константиновнаны һәм директорның цифрлаштыру технологияләре буенча урынбасары Әюпов Фирзәр Ришат улы бүләкләде. 2021-2022 нче уку елында фән олимпиадаларының республика этабында катнашып, призер һәм җиңүче булган укучыларыбызны гимназия-интернат директоры Хәева Венера Хәмәтнәсыйх кызы һәм “Талантлар университеты” башкарма директоры Акмалов Айдар Фәрит улы тәбрикләде. Фән олимпиадаларында, фәнни-гамәли конференцияләрдә, проект эшчәнлегендә югары нәтиҗәләр күрсәткән укучылар әзерләгән өчен гимназия директорының “Рәхмәт хаты” белән укытучыларыбызны да тәбрикләп үттеләр. Уку елы дәвамында гимназия тормышында актив катнашкан, укыту-тәрбия эшчәнлегендә үзләреннән зур өлеш керткән гаиләләребез - Мусиннар, Гаяновлар, Газизовлар, Гараевлар!  Фән олимпиадаларының регион һәм Бөтенроссия этабында катнашып, призер исеменә лаек булучы укучыларыбыз рәхмәт хаты белән бүләкләнде. 2021-2022 уку елы нәтиҗәләре буенча уку, олимпиада, конкурслар, тәрбиялелек критерийларын үз эченә алган УКУЧЫЛАР РЕЙТИНГЫнда югары балл җыйган укучыларыбыз - Ильясова Энҗе Илнуровна, Шакирова Лиана Илһамовна, Камильянова Динара Рамилевна! Динара – абсолют җиңүче.