Кадерле дусларыбыз, укучыларыбыз! Хөрмәтле ата-аналар, дәү әти-дәү әниләр! Яраткан укытучы-тәрбиячеләребез! 20 апрель көнне 15.00 сәгатьтә гимназиябезнең актлар залында Татарстан Республикасы мөселманнарының Диния Нәзарәте башлыгы, мөфти Камил хәзрәт Сәмигуллин белән вәгазь кичәсе була. Рәхим итегез! Сезне көтеп калабыз! Безнең белешмә. Камил Искәндәр улы Сәмигуллин–мөселман дин әһеле, мөфти, Коръән-хафиз, хәнәфи мәзһәбе галиме. Татарстан Республикасы мөселманнары Диния нәзарәте рәисе, Казанның «Мөхәммәдия» мәдрәсәсе директоры, Россия ислам институты мөгаллиме, Әбү Хәнифә һәм әш-Шәфигый аша Мөхәммәд пәйгамбәргә барып тоташа торган белемнәр чылбырына ия. Татарстан тарихындагы иң яшь мөфти. Джиу-джитсу буенча спорт мастерлыгына кандидат, куе кызыл билбау иясе.

Гимназиябез укытучылары Казан шәһәренең "Адымнар" күптелле мәктәбендә узучы II Бөтенроссия фәнни-гамәли конференциясендә катнашалар.

Башлангыч сыйныф укытучылары Миләүшә Рәдис кызы, Ания Хасип кызы «Алтынчәч» балалар бакчасында мәктәпкә әзерлек төркеме балалары, ата-аналары, тәрбиячеләре белән очрашты. Иң элек, тәрбиячеләр тарафыннан ачык шөгыльләр күрсәтелде. Соңыннан түгәрәк өстәл артында фикерләшү, тәҗрибә уртаклашу булды.

14 апрель көнне гимназиябездә янгын куркынычсызлыгы буенча планлы өйрәнүләр үткәрелде. Төш вакытында гимназия бинасы янында гадәти булмаган җанлылык башланды. Тревога сигналы бирелүгә барлык укучылар һәм укытучылар коллективы мәктәп бинасыннан урамга чыкты. Укучылар һәм укытучылар сыйныфлардан бик тиз, шул ук вакытта сак чыкты: берәү дә йөгермәде, этеш-төртеш тә юк, тынычлык сакланылды - бу исә, янгын вакытында иң төп кагыйдә.

Гимназиябезнең 5 сыйныф укучысы Алия Юнысовадан кәрҗин үрү буенча мастер-класс. 

Экология өлкәсендә үз тикшеренүләрең үткәрәсегез киләме? Имтиханнарга әзерләнергә? Яки, ниһаять, һөнәрне билгеләргә? Әгәр сез бер сорауга  булса да «Әйе!" дип җавап бирсәгез, экология буенча май аенда үткәрелә торган «Организмнарның уртача барлыкка китерүче эшчәнлеге» профильле программасына теркәлә аласыз. Анда катнашу өчен Татарстан Республикасы мәктәпләренең 6-8 сыйныф укучылары чакырыла. Программада сез:

- тере һәм тере булмаган әйләнә-тирә мохит ничек хезмәттәшлек итүен беләсез;

- тере системалар төзелешен өйрәнеп, биология буенча конкурсларга һәм конференцияләргә әзерләнә аласыз;

- аерым организмнарның да, системаларның да тормыш эшчәнлеге күрсәткечләрен теркәү һәм анализлау методикасын үзләштерәсез;

- класс җиһазларында кызыклы лаборатория эшләре үткәрәсез.

25 апрельгә кадәр ссылка буенча язылып була:

Безне гимназиябезнең "Хәзинә" бию ансамбле егет-кызлары сәламли бүген. Уңышлы көн һәммәбезгә дә!

Апрель ае - Габдулла Тукай китапларын уку ае. Шул уңайдан китапханәдә "Тукай безнең күңелләрдә" дигән китап күргәзмәсе һәм 8в сыйныфында Габдулла Тукай иҗатына багышланган викторина үткәрелде.

Яр Чаллы дәүләт педагогика университеты үткәргән төбәкара онлайн-олимпиадада катнашып, 8а сыйныф укучылары Рәмилә Әмирханова, Ивилина Фәрдиева, Айнур Хәбиров һәм 8б сыйныф укучысы Нурзилә Минһаҗева призер булдылар. Укытучы Гөлназ Темерзадаевна Шакирҗановага оештыру комитетының Рәхмәт хаты тапшырылды. Котлыйбыз!

Информатика дәресендә 10 класс укучылары Космонавтика көненә багышланган фильм карадылар.