8-9 сыйныф укучылары тәрбияче Зөлфия Хафизова белән татар халык ашлары әзерләүне өйрәнү нигезеннән кабартмалар пешерделәр.

Бүген 7а, 7в сыйныфы укучылары икенче чиректә класслар арасында булган ярышта 2–3 урыннар алган өчен Яр Чаллы шәһәрендә урнашкан балалар өчен "Кванториум"  технопаркында кунакта булдылар. Биредә аларга экскурсия һәм төрле мастер-класслар тәкъдим ителде. Балаларга бик ошады.

Бүген, 25 март көнне, "Батыр" спорт комплексы базасында "Мәктәп волейбол лигасы" республика проекты кысаларында Татарстан Республикасы Актаныш муниципаль районы гомуми белем бирү учреждениеләре укучылары арасында волейбол буенча турнирның муниципаль этабы узды. Мәктәп эчендәге этап нәтиҗәләре буенча муниципаль этапка 7 егетләр командасы үтте. Алар арасында район буенча 3 нче урынны алып безнең гимназия егетләре командасы. Шулай ук беренчелекне яулап, кызлар командасы да алдагы этапка үтә. Афәрин! Киләчәктә дә уңышлар телибез!

Алексей Анатольевич Бабаянц! Аның вакыты шулкадәр тыгыз ки, Россиянең төрле төбәкләреннән чакырулар кабул итеп, һәркайсына җитешү өчен аена 15 әр очыш ясый ул. 

Аның чыгышын тыңлаганнан соң, бала да, ата-ана да, укытучылар да үзләрен яңа яктан ача. Ул – мәртәбәле психолог, лектор, консультант, гештальт-терапевт. 

Алексей Анатольевич белән очрашу гимназиядә 5 апрель көнне булачак. Аңа кадәр интернетта аның видео-лекцияләрен тыңларга, үзеңне кызыксындырган, борчыган сорауларыңны әзерләп куярга вакыт бар әле. Тизрәк, тизрәк! Укырга, өйрәнергә һәм очрашуга җитди әзерлек белән килергә! Мондый бөек шәхесләр белән бер биш минут кына аралашу да, аның киңәшен ишетү дә кешенең тормышын үзгәртергә сәләтле! 

Укучылар, ата-аналар, укытучылар, сезне 5 апрель көнне 11 сәгатьтә гимназиянең актлар залына очрашуга көтәбез.

Театр атналыгы барышында 7А сыйныфы бүген Шәриф Камалның "Әни килде" спектаклен сәхнәгә куйды. Сыйныф җитәкчесе Регина Фәрдиева.

Туфан Миңнуллинның "Әлдермештән Әлмәндәр" спектакле 8А сыйныфы укучылары башкаруында. Сыйныф җитәкчесе Рәмилә Хаҗиева.

Ветеран укытучы, РСФСРның мәгариф отличнигы, ветераннар советы рәисе, "Ел хатын-кызы-2017" республика бәйгесе җиңүчесе Усманова Тәхия апа кызлар интернатында даими, тормыштан мисаллар китереп, әхлак дәресләре үткәрә.

Йөзү - сәламәт тормыш алып баруның нигезе. Су керү организмны тонуста тота. Киеренке күнегүләрдән, эш-укудан соң мускулларны ял иттерә.

Безнең кызларыбыз да  "Дулкын" бассейнына бик яратып  йөриләр.

Рәхәтләнеп суда йөзәләр,чумалар,төрле күнегүләр ясыйлар.

7 сыйныф укучысы Зилә Кирамова укучыларга хуш исле, витаминлы сабын ясау буенча мастер-класс күрсәтте.  Һөнәри осталыкка ирешүдә уңышлар сиңа, Зилә!

8 сыйныф укучылары:"Үзең әзерләгән ризыкка җитәме соң!"