Гимназиябездә Косманавтика көне уңаеннан күргәзмә эшли. Рәхим итегез!

9 апрель көнне III чиректә Тәрбия рейтингында җиңгән 9 А, 9 Б класс укучылары Уфа шәһәренә сәяхәткә бардылар.

- Экскурсовод шәһәрнең иң истәлекле урыннарыннан йөртте, ә кич Уфа "Нур" татар дәүләт театрында "Галиябану" премьерасын карадык. Шундый экскурсия өчен гимназия җитәкчелегенә зур рәхмәтләребезне җиткерәбез! - дип хәбәр итте укучыларыбыз һәм сыйныф җитәкчеләре.

Яр Чаллы дәүләт педагогика университеты үткәргән төбәкара онлайн-олимпиадада катнашып, 8а сыйныф укучысы Рәмилә Руслан кызы Әмирханова призер булды. Укытучы Гөлназ Темерзадаевна Шакирҗановага оештыру комитетының Рәхмәт хаты тапшырылды. Котлыйбыз! 

Актанышка аккошлар кайткан. Күрдегезме әле? Сез табигатьне ничек күзәтәсез? Фото һәм видеолар көтеп калабыз сездән.

Әлеге шигъри юллар Әлфия Авзалованың Актаныш гимназиясендә урнашкан интерактив музее диварына уеп язылган. Музей экспонатларга, тарихи фактларга бай. Үзегезгә килеп карау, мәгълүмат алу өчен дә бик уңайлы эшләнгән.

 Бөтендөнья су ресурсларын саклау көне уңаеннан, егетләр интернатында экологик дәрес узды. "Россия диңгезләре: яналган хәвефләр һәм саклау" темасына эчтәлекле сөйләшү булды. 

Егетләр интернатында узган экологик дәрестән соң, укучылар су үзлеген тикшереп, төрле тәҗрибәләр үткәрделәр.

"Татар кызы нинди була?" - әлеге сорауга җавапны гимназиябез кызлары бергәләп эзләде. Татар кызы-гади кыз түгел. Татар кызы-чибәр һәм сылу. Татар кызын бар да ярата - Татар кызы шатлык тарта. Кызларыбыз татар милли киемнәре, татар халык ашлары, милли бәйрәмнәр буенча белемнәрен тулыландырдылар. Сорауларга җавап эзләделәр. Мәкальләр әйттеләр. Уңган кызларыбыз калфак та эшләделәр. Татар халык ашларын пешерү буенча үз тәҗрибәләре белән уртаклаштылар. Тәрбияче - Исламова Зөлфия Зәет кызы.

10 класс укучылары "Яшьлек" яшьләр үзәгендә "Сайлау хокукы" исемле фильм карадылар. Фильм бүгенге яшьләрнең үзара мөнәсәбәтләре турында булды.