Узган уку елында мәктәпне тәмамлаучылар арасында ике укучыбызның  аттестатларында  "5" ле билгеләре генә иде, ягъни алар алтын медаль ияләре булырга тиешләр иде. Әмма медаль бирелү мәсьәләсе ул вакытта дәүләт тарафыннан вакытында хәл ителми калды. Менә ниһаять, әлеге зур бүләкләр үз хуҗаларын таптылар. Мәктәп директоры Максумов М.М. аларны тантаналы төстә, бүгенгесе көндә югары уку йортлары студентлары булган Гайнуллина Илүзә һәм Ганиев Ришатка тапшырды.  

Бүген 1 нче сыйныфлар өчен зур бәйрәм - Әлифба бәйрәме узды. Менә алар торышында да укырга өйрәткән Әлифба дәресе артта калды. Хәзер инде алар әдәби уку һәм татар телен укый башлаячаклар. Укытучылары Җәмәлиева Ф.Г. үз укучылары белән әти-әниләргә һәм бәйрәм кунакларына бик матур кичә әзерләгән иде.

Күпләребез ТНВ каналында "Переведи" дип исемләнгән тапшыруны кызыксынып карыйбыз. Үзебезне күпләр татарча яхшы белә дип санаса да, әлеге тапшыруны караганнан соң моның алай ук булмавына инанабыз. Менә әлеге тапшыру аналогы буларак, бүген, 6-10 класс укучылары биологик атамаларны белүдә үзләрен "Татарча исемнәрен әйт"  дигән уен аша сынап карады. Бер карашка гади генә саналган үсемлек, гөмбә, кош, агач һ.б. исемнәрен татарча белеп бетермибез икән әле. Мәсәлән, лещ - корбан балыгы, филин - байгыш, һ.б. Нәтиҗәдә, финалга 8 класс кызлары Гафиятуллина Илсинә һәм Кашапова Әлфинә узды. Соңгы турда да аларның баллары тигез иде. Соңгы ноктаны жюри куйды, аларның сорауларына җавап биргәннән соң бер балл өстенлек белән Әлфинә җиңү яулады. Әфәрин, дуслар! (Укытучы:Шакиров Р.Ф.)

   Учитель русского языка Гафиятуллина Альфия Абдулсаматовна, сегодня, пригласила своих коллег на открытый урок. Вместе с учениками 5 класса учитель провел мастер-класс по одной из тем в разделе глаголов. Коллеги урок оценили высоко.

Кеше ике аякта хәрәкәт итә. Бу барыбызга да мәгълүм. Ә хайваннар ничек хәрәкәт итәләр соң? Әгәр яхшылап күзәтсәк, уйласак белербез – хайваннар арасында нинди генә хәрәкәт ысулы юк: дүрт яки алты аякта да, шуышып та, сикереп тә, хәтта арт белән алга таба да һ. б. Бүген башлангыч сыйныф укучылары хайваннарның хәрәкәт итү алымнары белән танышырга һәм аларның йөрү алымнарын кабатлап “Зоологик  эстафета”да катнаштырга спортзалга ьыенды. "Арысланнар" һәм "Тиеннәр" командасы бар яктан да үзләрен сынады. Нәтиҗәдә "Тиеннәр" җиңүгә иреште. Командаларга дипломнар һәм истәлекле бүләкләр тапшырылды. Әлеге чара биология атналыгы кысаларында узды. 

  Тиздән илебез зур бәйрәмнәрдән берсе булган - Җиңү бәйрәмен билгеләп узачак. Быелгысы ул бигрәк тә истәлекле, чөнки 70 еллык тарихын барлыячак. Шунлыктан мәктәптә әлеге юнәлештә төрле чаралар уза. Рәсем бәйгеләре, очрашулар, кичәләр, класс сәгатьләре, смотрлар һәр укучыны колачларга тырыша. Һәр класс эшләгән эшләрен альбомга язып, тутырып бара.

   Бүгеннән мәктәптә химия-биология атналыгы башланып китә. Укучылар белән төрле ярыш-бәйгеләр, кичәләр планлаштырылган. Һәр укучы үзен төрле яклап сынап карау мөмкинлеген алачак.

   Бүген мәктәптә зурлап кызларны ярыштырдылар. 6-11 нче класс кызлары ике командага бүленеп "Ягез, әле, кызлар" бәйгесендә катнашты. Кызлар матурлыкта, уңганлыкта, белемлелектә, тырышлыкта көч сынашты. Камыр изделәр, токмач камырын җәеп аны кистеләр, кунак өстәлен сервировать иттеләр, прическа ясадылар, егетләргә галстук тактылар, мода күрсәттеләр, милли аш тәкъдим иттеләр, белемнәрен тикшерделәр һәм башка биремнәрне башкардылар. Кичә бик тә җылы һәм матур узды. 5 класс укучылары бәйрәмне җыр- бию, нәфис сүз белән бизәде. Кичә ахырында кызларның егетләр кулыннан чып-чын чәчәк бәйләмнәре алуы, кызлар өчен көтелмәгән сюрприз һәм бәйрәм бүләге булды. Сүз ахырында кызларыбызга афәрин диясе генә кала!

   Бүген мәктәптә традицион рәвештә "Әтиләр конференциясе" узды. Елга бер мәртәбә әтиләр катнашында узучы әлеге җыелышта күп чыгышлар булды, алар нигездә барысы да бер мәсьәләгә кайтып кала, балага дөрес тәрбия бирү һәм укыту. Әтиләр каршында мәктәп директоры, директор урынбасарлары, авыл җирлеге башлыгы Кадыйров Р.С., физик тәрбия укытучысы ГТО хакында, көрәш түгәрәге җитәкчесе Хайруллин Г. чыгыш ясадылар.

   Татар теле укытучысы Кәбирова Г.Р. 5-11 класс укучылары өчен гомуми класс сәгатен "Муса Җәлил һәм Җәлилчеләр" темасы астында уздырды. Укытучы Муса Җәлилнең кыскача тормыш юлы һәм иҗатына тукталды. 5 класс укучылары шагыйрьнең "Ромашка" исемле шигыренә инсценировка ясадылар, 6 класс укучылары шигырьләрен укыдылар, Җәлилчеләр турында презентация тәкъдим ителде.