Туган тел атналыгы кысаларында татар теле укытучысы Кәбирова Г.Р. 5-10 класс укучылары катнашында "Әй, хәтер уяу бул!" дип исемләнгән  әдәби кичә узды. Әлеге чарада укучылар реперессия корбаны булган танылган татар әдипләре белән танышты. Аерым укучылар Х.Туфан, М.Әмир, Г.Ибраһимов, З.Вәлиди кебек шәхесләр турында тәфсилләп сөйләделәр.

     Бүген укучылар мәктәпкә кунакка сугыш һәм тыл ветераннарын, сугыш чорын үз күзләре белән күргән өлкән буын кешеләрен чакырды.  Бәйрәм 5 класс укучыларының чыгышы белән башланып китте. Аннары сүзне килгән кунаклар алды. Сугыш ветераны Хөснетдинов Борһан абый элемтәче булган. Курск дугасында катнашып Берлинга кадәр барып җиткән ул. Яше 90 нан узса да очрашуга килеп әнә шулар турында сөйләде. Ветеран укытучы Алсу апа Фатыйховна әтисе турында сөйләде. Аның әтисе сугыштан кайтмаган. Алсу апа заманында әтисе каберенә бара, аның кабереннән бер уч җир дә алып кайта. Укучылар аның сөйләвен тын да алмый тыңладылар. Башка кунаклар да үз истәлекләре белән уртаклаштылар. Бәйрәмне укучылар үз чыгышлары белән тәмамладылар. Бергәләп фотога төшкәннән соң, хәтирәләр чәй өстәле артында яңартылды.

  4 класс укучылары рус теленнән мониторинг биремнәре эшләделәр. Аларга уңышлар телибез!

   Туган тел атналыгы кысаларында татар теле укытучысы Кәбирова Г.Р. укучыларны бердәм класс сәгатенә җыйнады. Укытучы класс сәгатен Советлар Союзы Герое, Күгәй авылы батыры Хәлил Хәйруллинга багышлады.  Чара 5,9 класс укучылары әзерләгән театраль күренештән башланып китте. Аннан укытучы якташыбыз турында истәлекләр белән таныштырды. Аның сугышта күрсәткән батырлыклары турында сөйләп, гаилә архивындагы фотолардан презентация тәкъдим ителде.

   бүген башлангыч класс укучылары белән "Кызыклы математика" бәйгесе үткәрелде. Укучылар кызыклы математик биремнәр үтәделәр.

 Бәйгене оештырганы өчен башлангыч класслар укытучысы Шигабутдинова Г.Ф. га рәхмәт белдерәбез!

  Бүген  укучыларның гомуми линейкасында физика-математика атналыгына нәтиҗәләр ясалды. Фән укытучылары Замалиева А.Г., Максумов М.М. иң актив укучыларга грамота һәм дипломнар тапшырдылар.

   Бүгеннән башлангыч класслар атналыгы башланып китте. Бү көнне Җиңүнең 70 еллыгына багышланган "Алар даны мәңгелек" дип исемләнгән әдәби-музыкаль монтаж  тәкъдим ителде.

Мәктәптә 20 апрельдән - 27 апрельгә кадәр "Туган тел" атналыгы үткәреләчәк. Атна дәвамында күп төрле кызыклы чаралар, кичәләр булачак. Укучылар шушы чараларда актив катнашырлар дигән ышанычта калабыз.