2 февраль — Россиянең хәрби дан көне буларак билгеләп үтелә. 

Моннан 82 ел элек – 1943 елның 2 февралендә Сталинград янында 200 көн дәвам иткән, тарихта тиңе булмаган сугыш Совет гаскәрләренең зур җиңүе белән тәмамлана. Беренче дүрт ай дәвамында кискен обороналы сугышлар Дон елгасының зур борылышында, аннан соң Сталинград шәһәренең барып керү юлларында һәм шәһәр эчендә дәвам итә. Әлеге вакыт эчендә Совет гаскәрләре Иделгә омтылучы немец-фашистларының төркемнәрен хәлдән тайдырып, оборонага күчeргә мәҗбүр итәләр. Аннан соңгы ике ай ярым дәвамында Кызыл Армия hөҗүмгә күчә hәм дошман гаскәрләрен Сталинградның төньяк-көнбатышкарак hәм көньякка табарак тар-мар итеп, 300 меңлек немец-фашист группировкасын юкка чыгара.

Совет гаскәрләренең Сталинград янында җиңүе Ватан сугышында тамырдан борылышның башлануына китерә. Ул мөhим сугышларның берсе буларак тарих битләренә кереп кала. 

Шул уңайдан башлангыч сыйныфларда “Җиңү юлы буйлап” исемле вертуаль экскурсия узды.

Гимназиябездә пионербол турниры дәвам итә.

Бүген 8А-8Б, 6В-6А, 7А-7В сыйныфлары үзара көч сынаштылар. Җанатарлар плакатлар ярдәмендә көч биреп тордылар.

Турнирда 6А, 7В, 8Б сыйныфлары җиңү яуладылар.

Командаларга финалда уңышлар тилебез!

Ел да, традиция буларак, гимназиябездә “Танцевальный батл” бию бәйгесе уза.

Укучылар кыска вакыт аралыгында төрле стиль биюләр башкаралар.

Һәр сыйныф татар халык, дөнья халыклары биюләре, парлы һәм заманча биюләр тәкъдим иттеләр.

Ялкынлы чыгышлар беркемне дә битараф калдырмады.

Укучыларыбыз тырышып белем алу белән беррәттән, спорт чараларында да актив катнашалар.

Гимназиябезнең 3Б сыйныфы укучылары Хаев Кәрим, Хәкимов Руслан һәм  5В сыйныфы укучысы Федагин Даниил Татарстан Республикасы җыелма командасы составында чыгыш ясадылар. Укучылар 25-26 гыйнвар көннәрендә Саранск шәһәрендә Киокусинкай каратэ буенча Идел буе федераль округы беренчелегендә катнаштылар.

Федагин Даниил төрле дисциплиналарда ике тапкыр 3 нче урынга лаек булды.

Спортчы егетләребезны котлыйбыз, уңышлар телибез!

Илебездә “Россия мәктәпләрендә кинодәресләр” исемле проект  башланып китте.

Һәр ай укучыларда тәрбияви темаларга кинофильмнар күрсәтеләчәк.

Бу айда башлангыч сыйныф укучылары “За руку с богом” (бескорыстие), урта сыйныфлар “Редкий вид” (усердие), югары сыйныфлар “Утраченное полотно” (осознанность) исемле фильмнар карадылар.

Соңыннан бергәләп фильм эчтәлеге буенча фикер алыштылар.

Россия буйлап “Блокада карлыгачы” исемле ватанпәрвәр акция уза. Ул Ленинград камалышы өзелүгә багышланган. 2 нче а сыйныфы укучылары бу масштаблы чарага кушылдылар һәм сыйныф җитәкчесе белән берлектә кәгазьдән карлыгачлар ясадылар.

Карлыгач – өмет символы. Ул яхшы хәбәр буласына ишарәли. Укучылар Ленинградта кошның барлыкка килү тарихын өйрәнделәр. Соңыннан сыйныфларында матур стенд ясадылар.

Бүген Алдынгылар хәрәкәтенең “Ватанпәрвәрлек һәм тарих” юнәлеше Ленинград камалышы өзелүгә һәм Холокост корбаннары азат ителүгә багышланган радиоэфир уздырды. Радиотыңлаучылар ике истәлекле көннең тарихы белән якыннан таныштылар.

Шулай ук укучылар радиотыңлаучыларга 5 сорау яңгыраттылар. Укучылар белемнәрен тикшереп, сорауларга җавапны Алдынгылар советына тапшырдылар.

Бүген, 27 нче гыйнвар көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Ватанны саклаучылар, аларның ил язмышындагы роле, тарихи хәтерне саклау, аны алдагы буыннарга җиткерү турында иде һәм «Ватанны саклаучылар елы” дип аталды.

27 гыйнвар көнне Ленинград блокадасы өзелүгә 81 ел булды. Камалыш 872 көн дәвам итә.

Тулысынча боҗра 1944 елның 27 гыйнварында өзелә.

Шул уңайдан тәрбия эшләре буенча директор киңәшчесе Заляева Г.А.  “Өмет очкыны” исемле сыйныф сәгате уздырды. Чарада Җиңү музееның интерактив материаллары кулланылды.

Укучылар “Тормыш юлы” тарихы белән якыннан таныштылар.

27 гыйнвар – Холокост корбаннарын искә алу көне. Ерткыч сәясәт корбаннары булганнарны һәм бу мәшхәрне туктаткан батыр йөрәкле кешеләрне искә алу көне.

1945 елның 27 гыйнварында совет гаскәрләре Освенцим концлагерен (хәзерге Польша территориясендә) азат итә. Бу көн Халыкара Холокост корбаннарын искә алу көне итеп, 2005 елда Берләшкән Милләтләр Оешмасы Генераль Ассамблеясе резолюциясе белән билгеләнә. Әлеге документны кабул итәргә Израиль, Канада, Австралия, Россия, Украина, АКШ илләре тәкъдим итә, аларга тагын 90нан артык ил кушыла.

Дөнья тарихында “Холокост” дип, 1941-1945 еллардагы Икенче Бөтендөнья сугышында Өченче рейх тарафыннан төрле милләтләргә карата кылынган геноцид фаҗигасен атыйлар. Холокост – инглизчәдән һәм борынгы грек сүзеннән “ут белән юк итү” дигәнне аңлата. Икенче Бөтендөнья сугышына кадәр үк Германиядә кешенең милләтенә карап эзәрлекләүләр башланудан бигрәк тә яһүдләр зур зыян күрә. Аерым бер милләтләрне юкка чыгару сугыш барышында яулап алынган территорияләрдә дә дәвам итә. Освенцим концлагере ул чордагы меңләгән “үлем лагерьләре”нең берсе була.

Бүген гимназиябездә әлеге темага сыйныф сәгатьләре узды.

Тәрбия эшләре буенча директор киңәшчесе Заляева Г.А. укучыларны интерактив күргәзмә белән таныштырды.