24 нче гыйнвар көнне инспекторлар Гостев М.С. һәм Ахметшина А. Р. 1-4 сыйныф укучылары белән юл йөрү кагыйдәләрен искә төшереп үттеләр. Укучылар барлык сорауларга да дөрес җавап бирделәр, юл куркынычсызлыгы кагыйдәләрен дөрес үтәргә кирәклегенә тагын бер кат инандылар.

Бүгенге " Мөһим сөйләшүләр" " Медиа грамоталылык" темасына багышланган иде. Укучылар интернет челтәрләрен, санлы ресурсларны куркынычсыз һәм нәтиҗәле куллану ысуллары белән таныштылар.

23нче гыйнвар көнне Үзәк балалар китапханәсе хезмәткәрләре Зөлфия Рафаильевна белән берлектә 8А сыйныфы укучылары белән "Ленинград блокадасы" темасына багышланган чара үткәрделәр. Чараның максаты: Ленинград халкының батырлыгы турында укучыларның күзаллауларын киңәйтү. Укучыларга камап алынган шәһәрнең авыр сынаулары: ачлык һәм салкынлык, шәһәрне саклау һәм саклау өчен заводларда өлкәннәр белән беррәттән эшләгән балалар турында сөйләделәр . Чара презентация белән үрелеп барды. Укучылар архив документлары белән таныштылар, камалышта яшәүчеләрнең тормышы турында сөйләүче документаль видеоролик карадылар. Нәкъ менә шундый очрашулар безгә буыннарны берләштерергә һәм ленинградлыларның бөек батырлыгы турындагы истәлекне сакларга ярдәм итә.

10 нчы сыйныф укучысы Сруров Сәетне Татарстан тарихы фәненнән Республика олимпиадасында җиңүче булуы белән чын күңелдән котлыйбыз. Тарих һәм җәмгыять белеме укытучысы Усманова Эльмира Расыховнага рәхмәтләребезне белдерәбез. Киләчәктә яңадан яңа уңышлар теләп калабыз!!!

Бүген 8 нче сыйныф укучылары белән физика фәне буенча "Чынмы, ялганмы?" дип аталган интеллектуаль уен үткәрелде. Укучылар командаларга бүленеп кызыклы сорауларга җаваплар эзләделәр, үзләренең белемнәрен күрсәттеләр. Әлеге уенда 8А сыйныф укучылары җиңү яуладылар.

19 нчы гыйнвар көнне 11нче сыйныф укучылары сыйныф җитәкчесе Светлана Федоровна белән "В тишине" дип аталган интерактивный музейда булып кайттылар. Шулай ук шоколад ясау буенча мастер- класста катнаштылар. Әлеге экскурсия укучыларга бик ошады.

Күптән түгел 2в сыйныфы укучылары да төркемнәргә бүленеп, "Кошлар безнең канатлы дусларыбыз" дип исемләнгән стенгазета чыгардылар. Ә ни өчен кирәк булды соң бу? - дигән сорауга, укучыларның җаваплары болайрак:
"Бездә күчмә һәм торак кошларны күзәтү, төрләрен билгеләү, алар нәрсәгә мохтаҗ икәнлеген ачыклау. Кошлар турында табышмаклар, шигырьләр, мәкальләр өйрәнү, рәсемнәр ясау, кош оялары ясап элү. Кошларның табигатьтәге ролен ачыклау. “Кошлар ничек очалар?”- соравына җавап эзләү, тәҗрибәләр үткәрү. Кошларга сакчыл караш уяту безнең төп максатыбыз" диделәр алар.
Сыйныф җитәкчеләре Гөлчәчәк Мансуровна да: "Балалар молодцы! Бик тырышып эшләделәр! Эшнең нәтиҗәсе шатлык бирә!" -дип үз сүзен өстәп куйды.

Бүген гимназия укучылары математика фәне буенча белемнәрен тагын да арттырдылар. 3нче сыйныф укучылары белән "Шигъри мәсьәләләр" конкурсы оештырылды. 6нчы сыйныф укучылары "Йомшак буын" уенында үзләренең белемнәрен сынадылар. Әлеге уенда җиңүче итеп 6В сыйныф укучысы Кутлеметов Аяз табылды. Шулай ук 10, 11 сыйныф укучылары белән " Минем уен" дип аталган бәйге үткәрелде. 1 урынны Сафин Алим, 2 урынны Хайретдинова Әминә, 3 урынны Валеев Хәлим яулады. Әфарин укучылар!!!

18 нче гыйнвар көнне "Апуш" балалар театр студиясенә йөрүче укучылар "Чулпан" мәдәният үзәгендә Каюм Насыйриның "Әбүгалисина" әсәрен мюзикл жанрында сәхнәләштерделәр. Әлеге чарада 4А сыйныф укучысы Насыйбуллина Нәсимә һәм 6А сыйныф укучысы Галиев Кәрим катнаштылар. Аларга алга таба да уңышлар теләп калабыз!!!

1б сыйныфы укучыларының "Минем сыйныфым" дип исемләнгән проект эшләре.