Бүген математика атналыгы кысаларында укучылар белән "Математик парк" уены, "Мавыктыргыч фигуралар" конкурсы үткәрелде. Укучылар бик актив катнаштылар.

Гимназиябездә һәр дүшәмбе иртәсе Россия һәм Татарстан гимннарын җырлаудан, дәүләт флагларын күтәрүдән башланып китә. Патриотлык рухы тәрбияләү әлеге чараның төп максаты булып тора.

Бүгенге "Мөһим сөйләшүләрнең" темасы "Ленинград блокадасы- тарихның онытылмас бите" дип аталды. Укучылар Ленинград блокадасы вакыйгалары белән таныштылар, батырларны искә алдылар, сугыш чоры балаларының каһарманлыклары белән таныштылар.

16 нчы гыйнвардан гимназиядә математика, физика һәм информатика атналыгы башланды. Укучылар өчен китап күргәзмәсе, "Саннар кем белән дус?" дип аталган рәсем конкурсы оештырылды.

Якынлашып килүче Яңа ел белән сезне!

Яңа еллар килсен бәхет алып,
Яңа еллар килсен елмаеп,
Күңелләрдә мәңге шатлык булсын,
Яшәмәгез дуслар моңаеп!!!

26 декабрь көнне 5- 11 сыйныфлар белән беренче яртыеллыкка нәтиҗә ясап линейка уздырылды. Төрле конкурсларда, олимпиадаларда, ярышларда катнашкан укучылар бүләкләнде.

23 нче декабрь көнне, башлангыч сыйныфлар буенча беренче яртыеллыкка нәтиҗә ясап, линейка уздырылды. Линейка барышында укучылар истәлекле бүләкләр һәм әлбәттә инде грамоталар белән бүләкләнделәр.

Каршылыйк, дуслар, бергәләп:
Яңа ел килә безгә!
Әнә күпме кунак килгән
Әйләнә – тирәбезгә.

Йолдызлар төшеп кушылган
Чыршыдагы утларга.
Кыш бабай белән Кар кызы
Килгән безне котларга.
Бүген гимназиябездә 1-4 сыйныф укучылары өчен, яңа елга багышланган зур чара булып узды. 

Бүген 5А сыйныфыннан Хасанова Ләйсән, 6Адан Галиев Әмир, Юсупова Камилә, 6Бдан Валеева Алимә Шаян ТВда " Акыл Батл" тапшыруында катнашып кайттылар.

22 нче декабрь  көнне гимназиябездә 5-11 сыйныфлар арасында өстәл теннисы ярышы уздырылды. Әлеге чарада укучылар бик актив катнаштылар. Җиңүчеләр грамота һәм тәм- томнар белән бүләкләнделәр.