Бүгеннән гимназиябездә сәнгать фәннәре атналыгы башланып китте. "Күңел бизәкләре" дип аталган выставка оештырылды.
Җитәкчеләре , Равилә Хәйдәровна.

Гимназиябез укучылары барлык конкурсларда да актив катнашып баралар. Укучыларның рәсемнәре "Сабантуй" журналының гыйнвар ае санында юл йөрү кагыйдәләренә багышланган "Имин йөр" бәйгесендә басылып чыкты. Афәрин, укучылар!

Гимназиябезнең 6-7 сыйныфларында «Без срока давности: Ленинград – непокоренный город» Бөтенроссия ачык дәресләре үткәрелде. Укучылар «Блокада карлыгачы» символы, Ленинград камалышында яшәүчеләрнең авыр сынаулары, блокада укытучыларының язмышы, тарихи фактлар белән таныштылар.
Ленинград 1941 елның 8 сентябреннән 1944 елның 27 гыйнварына кадәр - 872 көнгә камалышта кала. Ленинградның тиңдәшсез батырлыгы тарихка халыкның гаҗәеп кыюлыгы һәм геройлыгы эпопеясы булып кереп калды.

Фәннәр атналыгы кысаларында 5 нче сыйныф укучылары «Тарих вакыты» дип исемләнгән туристлык агентлыгы тарафыннан «Борынгы заман тарихы» илләренә бару өчен самолеттагы бизнес-класска билетлар, сәяхәтләргә юлламалар уйнатуда катнаштылар. Нәтиҗәдә, әлбәттә, дуслык җиңде.

Гимназиябездә фәннәр атналыгы дәвам итә. Югары сыйныф укучылары биология, география, тарих фәннәреннән төрле темаларга багышланган презентацияләр белән таныштылар. Башлангыч сыйныф укучылары белән әйләнә- тирә дөнья фәненнән блиц- турнир оештырылды.

Бүген 6 нчы сыйныфларда туган ягыбыз тарихына багышланган "Ханбикә Сөембикә серләре" дип исемләнгән квест үткәрелде. Квестның авторы - 10 нчы сыйныф укучысы Сруров Сәид. Бу маҗаралы сәяхәтне оештыруда ярдәм иткән 10 нчы сыйныф егетләренә һәм кызларына рәхмәтебезне белдерәбез!

26 нчы гыйнвар көнне китапханәдә Равил Хәсәнович белән 5А сыйныф укучыларының әдәби очрашуы булып узды. Укучылар Равил Хәсәновичның иҗаты белән таныштылар, үзләренең курайда, гармунда уйнау сәләтләрен дә күрсәттеләр. Әлеге чара бик җылы атмосферада үтте.

Тарих атналыгы кысаларында тарих һәм җәмгыять белеме укытучысы Гөлчәчәк Әсхәтовна 7нче сыйныфларда «Җәмгыять белеме» фәненнән хокукый квест үткәрде. Укучылар балалар хокукы өлкәсендә белемнәрен тикшереп кенә калмады, күп яңалыклар да белде. Квест 6 этаптан торды: “Хокуклар һәм бурычлар”, “Әкияти – хокукый”, “Мәкаль җыю”, “Җырлы”, "Хокуклы", “Анаграммалар”. Квест кагыйдәләре белән танышкач укучылар үз тукталышларына юнәлделәр. Беренче станциядә хокукларны һәм бурычларны дөрес бүләргә кирәк иде. “Әкияти-хокукый " да бераз уйларга, әкиятләрне искә төшерергә һәм геройларның нинди хокуклары бозылуын атарга кирәк булды. “Мәкаль җыю" станциясе балаларны бик аптыратса да, алып баручының ярдәме белән "ерып" чыктылар. “Җырлы” станциясенә кадәр җиткәч бик җитди сораулар көтә иде: җырны тыңларга һәм анда нинди хокук турында җырлануын билгеләргә кирәк. “Анаграмма" станциясе балаларны шатландырды, һәм алар “Хокук һәм закон” дигән темага бик тиз сүзләр төзеделәр. Квестта катнашучылар барлык сынауларны да уңышлы үттеләр, зирәклек һәм тапкырлык күрсәттеләр.
Нәтиҗәдә 7Б сыйныфы укучылары беренче урынны яуладылар.
Хокукый квест укучыларга хокуклар турында белемнәрен ныгытырга ярдәм итте.

23 нче гыйнвардан гимназиядә тарих, җәмгыять белеме, биология, география, химия һәм астрономия атналыгы башланып китте. Укучылар өчен китапханәдә күргәзмә оештырылды, тәнәфес вакытында әлеге фәннәр турында кызыклы фактлар яңгырады.

24 нче гыйнвар көнне гимназиябездә бик зур хөрмәткә лаек булган, күп еллар директор вазыйфасын башкарган Равил Хәсәновичның иҗатына багышланган кичә үткәрелде. Әлеге чара матур котлаулар, җырлар, биюләр һәм Равил Хәсәновичның үзе язган шигырьләре белән үрелеп барды. Укучылар әлеге шигырьләрне зур горурлык хисе белән залда утыручы тамашачыларга җиткерделәр. Бәйрәм кичәсе Равил Хәсәнович сүзләренә язылган гимназия гимны белән тәмамланды.
Равил Хәсәнович үзенең гомерен балаларга белем һәм тәрбия бирүгә багышлаган югары категорияле укытучыбыз. Аның эштәге уңышлары һәм ирешкән дәрәҗәләре санап бетергесез. Без дә үз чиратыбызда Равил Хәсәновичка гомернең иң озынын, бәхетнең иң зурысын, шатлыкларның иң олысын юллыйбыз. Алга таба да шатлыкта, куанычта, бәхеттә яшәргә дигән теләктә калабыз!