Бүген, 13 нче февраль көнне, гимназиябездә татар теле һәм әдәбияты атналыгы башланды. 1-4 нче сыйныф укучылары Габдулла Тукай әсәрләре буенча куелган мультфильмнар карадылар, фикерләр белән алышындылар. Габдулла Тукай турында күп кенә яңа мәгълүмат үзләштерделәр.

Рус теле һәм әдәбияты атналыгын йомгаклап, 1 нче сыйныф укучылары А.С.Пушкин әкиятләрен һәм төп геройларның исемнәрен искә төшереп, иллюстрацияләр ясадылар. Шул иллюстрация буенча, үзләренең Пушкин шигъриятен яхшы белүләрен күрсәтеп, сүзләр һәм фразаларны дәвам иттеләр.
Мондый чаралар балаларда шигърият белән кызыксынуны көчәйтә һәм рус әдәбиятына мәхәббәт тәрбияли.

Бүген бөтен Рәсәй күләмендә "Лыжня России - 2023" булып узды.
Мәккәбез Казан шәһәрендә дә бу массакүләм чарада сәламәт һәм актив ял итүгә битараф булмаган йөзләрчә мең кеше старт алды.
Шул исәптән бу чарада безнең укучыларыбыз да катнашып кайттылар!
"Сәламәт тәндә, сәламәт акыл" -ди халык.
Сәламәт булыйк!

1 нче А сыйныфы укучысы Бадаев Рамазан ШаянТВ тарафыннан уздырылучы *Сәйлән* дип исемләнгән телевизион бәйгедә катнашып кайтты.
Афәрин, Рамазан! Булдырасың да инде үзең

Милләтләр дуслыгы, милләтләр бердәмлеге – зур көч ул!
Гомуми белем бирү оешмаларында төрле милләт балалары белем ала. Аларның дус, тату, бердәм булып яшәвендә сыйныфтан тыш чараларның әһәмияте зур. Гомумән, әлеге чаралар укучыларга күпмилләтле һәм күптөрле мәдәниятле җәмгыятьтә яшәвебезне һәм бер-беребезгә дустанә мөнәсәбәттә, сабыр, ихтирамлы булырга тиешлегебезне тагын бер кат искәртергә ярдәм итә.
Фотосурәттә, 9 нчы сыйныф укучылары. "Милләтләр арасындагы дуслык, бердәмлек" дип исемләнгән дәрестән тыш чарада.

6 нчы сыйныфлар белән уздырылган әдәби әсәрләрнең геройларына багышланган викторинадан берничә фотосурәт.

6 нчы февральдән 10 нчы февральгә кадәр гимназиябездә рус теле hәм әдәбияты атналыгы дәвам итә. Атналыкның максаты—рус теле hәм әдәбияты дәресләренә карата кызыксыну уяту; укучыларның интеллектуаль hәм иҗади потенциалын арттыру; төрле яшьтәге укучылар арасында коммуникатив күнекмәләрне үстерү; китапка hәм укуга мәхәббәт тәрбияләү. Атналыкта 1- 11 нче сыйныф укучылары катнаша ала. Атналык кысаларында төрле конкурслар, кызыклы дәресләр hәм язучыларның әсәрләренә карата иллюстрацияләр дә каралган.

Гимназиябез китапханәсендә "Китапханәгә китап бүләк ит!" акциясе дәвам итә!
Әгәр дә өегездә укылган китаплар – дәреслекләр, мәктәп программалары буенча төрле әдәби китаплар, энциклопедияләр бар икән, сез аны гимназиябез китапханәсенә бүләк итә аласыз! Китапханәчебез сезнең китапларыгызны бик рәхәтләнеп кабул итәр. Киләчәктә сезнең игелекле эшегез уку- укыту процесын нәтиҗәле оештыруда укытучыларга һәм укучыларга зур ярдәм булыр!

Бүгенге "Мөһим сөйләшүләр" Россия фәне көненә" багышланды. Укучылар фән өлкәсенә зур өлеш керткән шәхесләр белән таныштылар, видеофрагментлар карадылар, интерактив биремнәр эшләделәр.

Бүген «Гәүһәр» балалар фестивалендә «Хәрәкәттә - бәрәкәт» һәм «Сөйлә» проектларына йомгак ясадылар. Хисап концерты “Чулпан” мәдәни үзәгендә узды. Анда мәктәп һәм балалар бакчасы укучылары татар биюе һәм сөйләм сәнгате дәресләрендә алган осталыкларын күрсәттеләр. Бу фестивальдә безнең гимназия укучылары да чыгыш ясадылар. 

"Без укучыларыбыз белән бик горурланабыз, киләчәктә дә аларны зур сәхнәләрдә күрергә язсын" дип, үз теләкләрен җиткерде гимназиябез директоры, Гөлшат Әбүзаровна