Күптән түгел, 4б сыйныфы укучылары Габдулла Тукай музеенда булдылар. Биредә алар шагыйрьнең тормыш юлы белән таныштылар. Шулай ук Габдулла Тукай әсәрләре буенча әзерләнгән кызыклы һәм шул ук вакытта тәрбияви эчтәлекле мультфильмнар да карап кайттылар.

"Балалар китаплары" атналыгы кысаларында, бүген 1 А сыйныфы, укытучылары Гөлфия Рөстәмовна белән гимназиябезнең китапханәсендә булдылар. Китапханәдә атналык темасына зур күргәзмә оештырылган. Китапханәче, Зөлфия Рафаэльевна балаларны китап дөньясына сәяхәткә алып барды. Сәяхәт вакытында китапның беренче туган көне тарихы сөйләнде, кызыклы истәлекләр күрсәтелде. Сәяхәт бик кызыклы уеннар, җырлар белән үрелеп барды.

Озайтылган көн төркемендә тәрбияләнүчеләр үз әниләрен гаҗәпләндерергә булдылар. Алар чәчәкләрнең искиткеч матурын сайлап алып ясадылар. "Бу букетлар беркайчан да коелмаячак һәм үз кыяфәте белән озак сөендерәчәк" ди, алар.

Бүген 1б сыйныфы укучылары бөек татар шагыйре Габдулла Тукай музеенда сәфәрдә булып кайттылар. "Габдулла Тукай турында тирәнтен өйрәнүгә багышланган бу сәфәр барысына да бик ошады"-ди, сыйныф җитәкчеләре Лилия Гансовна

Бүген 3 нче чирек нәтиҗәләре буенча линейкалар уздырылды. Конкурсларда, олимпиадаларда, фәнни конференцияләрдә актив катнашкан укучылар дипломнар һәм тәм- томнар белән бүләкләнделәр. Афәрин, укучылар!!!
Шулай ук гимназиябез директоры Гөлшат Әбузаровна язгы каникуллар вакытында куркынычсызлык кагыйдәләрен искә төшереп үтте. Барлык укучыларга да ялларны файдалы һәм күңелле үткәрергә язсын дигән теләктә калабыз!

Бүген гимназиябезнең яшь инспекторлар хәрәкәте командасы  “Куркынычсыз тәгәрмәч – 2023” республика конкурсының район этабында катнашып лауреат дипломына лаек булдылар. Укучылар үз көчләрен төрле этапларда сынадылар. Беренче станциядә юл йөрү кагыйдәләрен ни дәрәҗәдә белүләрен күрсәттеләр, теоретик сорауларга җавап бирделәр. Икенче станциядә тиз һәм дөрес итеп беренче ярдәм «күрсәттеләр», өченче станциядә төрле каршылыклар аша үтеп велосипедта йөрделәр, реаль юл шартларына якын булган ситуацияләрдә ориентлаша белүләрен күрсәттеләр. Шулай ук иҗади яктан да көчләрен сынадылар. Афәрин, укучылар!!!

Бүген 5- 6 нчы сыйныф укучылары "Иң акыллы сыйныф" исеме өчен көч сынаштылар. Уен брейн-ринг форматында үтте. Укучылар бик актив катнаштылар, төрле өлкәләргә караган сорауларга җавап табарга тырыштылар. Интеллектуаль уен укучыларның иҗади номерлары белән үрелеп барды. Нәтиҗәдә "Иң акыллы сыйныф" исемен 5А сыйныфы яулады. Котлыйбыз аларны!!!! Әлеге чараны оештырган өчен Гөлназ Мәҗитовнага рәхмәтебезне белдерәбез!

21нче һәм 22нче март көннәрендә гимназиябездә ата- аналар җыелышы булып узды. Җыелыш актлар залында башланып китте, аннан соң сыйныфларда дәвам итте. Башлангыч сыйныфларның әти- әниләре өчен гимназиябезнең уку эшләре буенча директор урынбасары Садыкова З. З. һәм педагог- психолог Гуменюк Л. С. "Нәрсә ул агрессия? Аның белән ничек көрәшергә?" дигән темага карата чыгыш ясадылар. Шулай ук шәфкать туташы Николаева А. С. "Сәламәт тәндә- сәламәт рух" темасы буенча сөйләп үтте.
Ә инде югары сыйныф укучыларының әти- әниләре өчен психолог, «Республика наркология диспансерының» психология лабораториясе мөдире Зайцева Л. Б. чыгыш ясады. Лилия Булатовна зарарлы гадәтләрне кисәтү максатыннан әти- әниләр белән профилактик сөйләшү үткәрде, психологик бәйлелек буенча эш тәҗрибәсеннән мисаллар китерде.

2023 елда балалар китабы атнасына 80 ел тула, ул 21-27 март көннәрендә уза! Балалар китабы атналыгы-чын күңелдән укырга яраткан һәркемне берләштерә торган бәйрәм.
Китапларга багышланган бәйрәм авыр сугыш вакытында барлыкка килә. Беренче «Китапның туган көне» 1943 елда башкалада уздырыла. Инициатор булып Лев Кассиль чыгыш ясый, ул башка авторлар белән бергә балалар белән аралашырга һәм хикәяләрнең ничек язылуы турында сөйли. 1944 елдан китап атналары үткәрелә башлый. Бу бәйрәмнең ныклыгы фантазияне шаккатыра, чөнки бу вакыт эчендә ул актуальлеген югалтмаган гына түгел, ә яңа традицияләр белән дә тулган.
Безнең гимназия китапханәсендә дә бу бәйрәм читтә калмый һәм кызыклы чаралар үткәрелә: китапханә дәресе, викторина, язучылар әсәрләре буенча фильм күрсәтү, мастер-класс.
Буген 6Б сыйныфы «Китап атналыгы» видеоролигын карадылар, анда бу бәйрәмнең кайчан һәм кайда беренче тапкыр үткәрелүе турында белделәр. Шулай ук Марк Твен әсәре буенча «Том Сойер» фильмын карадылар.

21 нче март көнне инспектор Гиниатуллина М. П.1- 4 нче сыйныф укучылары белән юл йөрү кагыйдәләре буенча сөйләшү үткәрде.