Бүген 3Б сыйныфы укучыларының "Тормыш иминлеге нигезләре" буенча МЧС хезмәткәрләре Гафаров Гумар Наилевич, Сираҗетдинов Артур Дамирович, полиция майорлары Мәннәпов Рөстәм Дилшатович һәм Мәннәпова Гүзәл Муллануровна белән очрашулары булып узды. Чакырылган кунаклар үзләренең һөнәрләре белән таныштырдылар, укучыларның сорауларына җавап бирделәр, куркынычсызлык кагыйдәләре турында әңгәмә үткәрделәр. Әлеге очрашуны оештырган өчен сыйныф җитәкчесе Гафарова Илсияр Илгизовнага рәхмәтебезне белдерәбез!

7в сыйныфы укучылары да Халыклар дуслыгы йортында булып кайттылар.

1 нче март көнне барлык сыйныфларда да  «Тормыш иминлеге нигезләре» буенча Бөтенроссия ачык дәресләр уздырылды. Әлеге чара гадәттән тыш хәлләр шартларында үзеңне ничек тотарга, шәхси саклану чаралары белән идарә итә белүгә, беренче медицина ярдәме күрсәтүгә юнәрдерелде.

1 нче А сыйныфы укучысы Шакирова Зилә, "Туган телем - серле тел" дип исемләнгән X нчы Төбәкара шигырь конкурсында катнашып, II дәрәҗә Дипломга лаек булды.
Афәрин, Зилә

Шулай ук 1 нче А сыйныфы укучысы Хайруллин Салих, "Туган телем - серле тел" дигән X нчы Төбәкара шигырь конкурсында катнашып "Иҗади якын килүче" грамотасына лаек булды.

28 нче февраль көнне гимназиябездә төбәкара "Аулак өй- көрәш" бәйгесенең финал ярышлары булып узды. Татар халкының гореф - гадәтләрен яшь буынга җиткерү, татар язучыларының мирасы белән танышу әлеге әдәби чараның төп максаты. «Аулак өй - көрәш» бәйгесе Татарстанның Мәгариф һәм фән, Мәдәният, Яшьләр эшләре министрлыклары, Бөтендөнья татар конгрессы, «Татмедиа» акционерлык җәмгыяте ярдәме белән оештырыла.

Ял дими, бәйрәм дими безнең гимназия укучылары.
Шушы көннәрдә 1б сыйныфы укучысы Замилов Вилдан X нчы Халыкара вокал конкурсында катнашып, Лауреат 1исеменә лаек булды.
Менә бит, булганнан бар да була! Афәрин, Вилдан Алга таба да уңышлар сина!

Ватанны саклаучылар көне - ул көч, түземлелек, мәрхәмәтлелек һәм туган җиреңә карата мәхәббәт бәйрәме. Сезне әлеге бәйрәм белән чын күңелдән котлыйбыз! Сезне Ватанны сакларга, якыннарга, дусларга ярдәм итәргә һәрчак әзер торучы чын ир-егет буларак беләбез һәм хөрмәт итәбез.
Эшегез уңышларга һәм җиңүләргә бай булсын ә йортыгызда тынычлык һәм иминлек хөкем сөрсен. Һәрвакытта да алга барырга рухыгыз һәм тәнегез нык булсын!
Бәйрәмегез котлы булсын!

Бүген гимназиябездә Ватанны саклаучылар көненә карата зур концерт оештырылды.
Кичә дәртле биюләргә, моңлы җырларга, нәфис сүзләргә бай булды һәм сугыш чорын чагылдырган эпизодлар белән үрелеп барды.
Мондый чаралар барышында балаларда хәрби кешегә карата ихтирамлы мөнәсәбәт, Ватанга мәхәббәт тәрбияләнә һәм патриотик хисләр үстерелә, шул рәвешле балалар күңеленә патриотизм, Ватан алдында бурыч хисләре салына.

23 нче февраль- Ватанны саклаучылар көне уңаеннан 2Б сыйныфы укучылары мастер-класста катнашты. Алар үз куллары белән әтиләренә бүләккә открыткалар ясадылар, бәйрәмнең тарихын белделәр, солдатлар турында матур әдәбият әсәрләре белән таныштылар.
Бу чараны оештыруда 6Б сыйныфы кызлары да читтә калмады. Аларга рәхмәтләребезне белдерәбез!