Бүгенге профориентациянең максаты буларак абитуриентларны вузга планлаштырылган кабул итү белән танышу аша җәлеп итү, вузда уку шартлары һ.б.
Моннан тыш, һөнәри юнәлеш бирү эшенең мөһим бурычы - укучыларны КДЭУга керү өчен кирәкле предметларны тапшыруга ориентлаштыру.
Бу яшьтә барлык егетләр дә үзләренең кем булырга теләүләрен, аларга нинди һөнәр сайларга теләүләрен белмиләр. Күпләр әти-әниләренең теге яки бу һөнәрнең перспективалары турында фикер йөртә, аларның сәләтләре һәм талантлары беренчел булуын оныта. Теләгегез булмаса, укуыбыз да уңышлы булмас. Җаны ятмаган һөнәрне сайлагач, чыгарылыш сыйныф укучылары еш кына белгечлек буенча эшләмәскә урнашалар. Шуңа күрә һөнәри юнәлеш биргәндә алар кем булдыра алачагын сөйләү, вузны тәмамлаганнан соң эшләү бик мөһим.
ЭХП кафедрасын тәмамлаучылар төп энергетиклар, предприятиеләрне, торак биналарны һәм учреждениеләрне электр белән тәэмин итү системаларын проектлаучылар, кабельле, һава линияләре һәм электр обойлары монтажчылары вазифасына төп кандидатлар булып тора.

Хатын-кыз сез-
Бу дөньянын йөзек кашы.
Бәһа җитмәс
Иң кыйммәтле асылташы.
Горур да сез
Тау кыядай, буй җитмәслек
Гүзәл дә сез
Бер гөлгә дә тиңләшмәслек.

Кадерле хатын-кызлар - әниләр, әбиләр, апалар, сеңелләр! Сезне чын
күңелдән 8 Март бәйрәме белән котлыйбыз. Сезгә иң изге теләкләр телибез, якыннарыгызның игелеген күреп яшәргә язсын сезгә Ходай. Салкын, озын кышлардан соң килгән бу беренче Яз бәйрәме, иң гүзәл бәйрәмнәрнең берсе. Бу бәйрәм сезгә тормыш яме, яшәү көче өстәсен. Бәхет
нурында коенып, назга күмелеп, сөеп - сөелеп яшәгез.
Бәйрәм белән!!!

Бүгенге "Мөһим сөйләшүләр" укытучылар һәм остазлар елына багышланды. Укучылар әлеге хезмәтнең хәзерге дөньяда нинди роль уйнавы турында фикерләрен җиткерделәр. Әлеге "Мөһим сөйләшүләрнең" төп максаты- укытучыларга һәм остазларга карата рәхмәт хисе һәм хөрмәт тәрбияләү.

Җылы кояш нурларына төренеп, йөгерек гөрләвекләре белән йөгереп язның беренче ае — март та килеп җитте.
Барыбызга да билгеле, әлеге айның иң матур иң олы бәйрәме — 8 нче МАРТ — ХАЛЫКАРА ХАТЫН КЫЗЛАР КӨНЕ.
Бу бәйрәмне үткәрмичә калу мөмкин түгелдер. Безнең гимназиябездә бүген шушы бәйрәмгә карата кадерле укытучыларны, хөрмәтле әниләрне, әбиләрне котлап, тантаналы рәвештә бик матур кичә булып узды. Кичә җыр - биюләр белән үрелеп барды. Шулай ук эстрада җырчысы Эльвира Хамматова да бу кичәгә чакырулы иде.
Бәйрәмдә яңгыраган җырлар,башкарылган биюләр, сәхнәләштерелгән күренешләр һәркемнең кәефен күтәрде.
Тамашачылар, алкышлар аркылы, үзләренең никадәр дәрәҗәдә канәгать булуларын һәм рәхмәт хисләрен аңлата алдылар.

Гимназиябездә һәр дүшәмбе иртәсе дәүләт флагларын күтәрүдән һәм гимн җырлаудан башланып китә. Әлеге чаралар аша укучыларда патриотик рух тәрбияләнә.

Бүген кооператив институттан килгән вәкилләр белән очрашу барышында гимназиянең 9-11 сыйныф укучылары белем бирүнең барлык формаларына керүнең шартлары һәм үзенчәлекләре белән таныштылар. Институт вәкилләре бакалаврлар һәм магистрлар әзерләү юнәлешләре һәм профильләре турында сөйләделәр. Укучылар студентлар тормышы, уку һәм укудан тыш чаралар турында актив сораулар бирделәр.
Профориентация эше кысаларында укучылар белән ахырда анкета да үткәрелде.

Тиздән нинди бәйрәм дисезме? Әйе, тиздән 8 март - Халыкара хатын - кызлар көне җитә. Хатын-кыз – җир йөзендә яшәүче гүзәллек алиһәсе дә, иң назлы, иң шәфкатьле йөрәк иясе дә, иң көчле яратуга сәләтле зат та диясе килә.
Шушы форсаттан файдаланып безнең гимназия укучылары һәм рәсем җитәкчеләре Равилә Хәйдәровна сезне киләчәк бәйрәмнәр белән котлап, үзләренең матур рәсемнәрен бүләк итәләр.

Башлангыч сыйныфтан да шәп хәбәр килеп төште бит әле. 1б сыйныфы укучысы Замилов Вилдан үзенә 4б сыйныфында укучы бертуган абыйсын Замилов Тамерланны гармунчы итеп алган ди. Әле бит беренче гастрольләрен дә Шаян ТВдан башлап җибәргәннәр икән. Болай булгач егетләр, киләчәккә юл ачык дигән сүз.
Афәрин! Булдырасыз

Бүген 7,8 нче сыйныфлар "Иң акыллы сыйныф" исеме өчен көч сынаштылар. Уен брейн-ринг форматында үтте. Укучылар бик актив катнаштылар, төрле өлкәләргә караган сорауларга җавап табарга тырыштылар. Нәтиҗәдә "Иң акыллы сыйныф" исемен 7А сыйныфы яулады. Котлыйбыз аларны!!!! ӘФӘРИН!!!Ә инде шушы чараны оештырган өчен, татар теле һәм әдәбияты укытучысы Гөлназ Мәҗитовнага рәхмәтебезне белдерәбез!

Бүген 4а сыйныфы КНИТУ-КАИ ның, эксперементаль технологияләр центрында булып кайтты.
"Балаларга экскурсия hәм мастер-класс уткәрделәр. Барыбызга да бик ошады" - дип җиткерде сыйныф җитәкчеләре Резедә Фатыховна.