Күчкәнме бу залга дөньяның бар яме
Күңелләр түрендә
Әлифба бәйрәме.
Бу матур бәйрәмгә,
кушыл дус, әйдәле.
Дөньяны гөрләтсен
Әлифба бәйрәме!
"Балачак иленең кабатланмас бәйрәмнәренең берсе нинди бәйрәм?" - дип сорасалар, бер дә икеләнмичә "Әлифба бәйрәме" дияр идек. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба китабын алганын искә төшерә. Чөнки һәркемнең дә белем дөньясына беренче адымы Әлифбадан башлана бит.
Безнең гимназиябездә дә бүген "Әлифба бәйрәме" булып узды.
Әлифба бәйрәме - укучылар өчен дә, укытучылары өчен дә һәм инде әти-әниләре өчен дә зур тантана булып тора. Әлифба белән беррәттән укучыларның барысы да укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнделәр. Һәм инде шушындый күркәм сыйфатларга ия булу өчен 1 сыйныф укытучылары Гөлфия Рөстәмовна, Лилия Гансовна, Сиринә Ринатовна, Лилия Наилевнаның да тырышлыклары зур. Бу аларның беренче зур җиңүләре булды. Алдагы көннәрдә дә укучыларыбыз шундый зиһенле һәм тырыш, сау-сәламәт булсыннар, укытучы апаларын, әти-әниләрен тынласыннар һәм әлбәттә инде "4", "5" билгеләренә генә укысыннар дигән теләктә калабыз!????????????????

Идел буе федераль округының укучылар арасында узган " Что? Где? Когда?" интеллектуаль олимпиаданың региональ этабында гимназиябезнең "Галәм" командасы призер булды. Афәрин, укучылар!!! Укучыларны әзерләгән өчен тарих һәм җәмгыять белеме укытучысы Усманова Эльмира Расыховнага зур рәхмәтләребезне белдерәбез!!!

16 нчы февраль көнне 10-11 нче сыйныфлар арасында “Тамчы интеллектуаль уен - бәйге” үткәрелде. Татарстан елгалары, файдалы үсемлекләрен атауга бәйле сораулар, төрле мәкальләрне әйтеп бирүдә ярыштылар. Халык авыз иҗатына кергән биремнәрне үтәделәр, көч сынаштылар. Нәтиҗәдә 11 нче сыйныф укучылары 1 нче урынга лаек булдылар. Котлыйбыз!!!

Бүген Герой-шагыйрь Муса Җәлилнең туган көне уңаеннан “Гомерем минем моңлы бер җыр иде...” дигән әдәби кичә булып узды. Укучылар шагыйрьнең шигырьләрен сәнгатьле итеп сөйләделәр. Барысы бик әйбәт әзерләнгәннәр.Сөйләгән шигырьләре һәрберебезнең йөрәгенә үк үтеп керде. М.Җәлил иҗатына һәм шәхесенә карата ихтирам, милли үзаң, горурлык хисләре тәрбияләнде.

Шулай ук Муса Җәлилне искә алу көне уңаеннан, гимназиябез китапханәсендә "Батырлык дәресе" темасы астында 6Б сыйныфы укучылары белән тарихи сәгать үткәрелде. Тарихи сәгатьне үзәк балалар китапханәсеннән килгән Энҗе Мөхәммәтгалиевна үткәрде. Максат итеп укучыларда тотрыклы патриотик, югары рухи-әхлакый сыйфатлар тәрбияләү куелды. Китапханәче үзенең чыгышында Муса Җәлил турында билгеле булмаган фактларны презентация ярдәмендә сөйләде, тормышы турында видеообзор ясады. Укучылар М.Җәлилнең Моабит дәфтәреннән үзләре өйрәнгән шигырьләрен искә төшерделәр. Чараны уздырган өчен Зөлфия Рафаильевнага зур рәхмәтебезне белдерәбез.

1 нче А сыйныфы укучысы Бадаев Рамазан ШаянТВда "Бергәләп өйрәник" тапшыруында булып кайтты. Тиздән аны ШаянТВ экраннарында күрербез.

Туган тел! Бу сүз һәркем өчен кадерле, газиз! Чөнки тел – тормыш чыганагы, белем чишмәсе. Аңардан да көчле, татлы, назлы, ләззәтле тел бармы икән? Тел – ананың балага зур бүләге. Шушы матур сүзләр белән башланып китте 14 нче февраль, атналыкның 2 нче көнебез. Бүген 5-7 нче сыйныфлар “Туган телем-иркә гөлем” дигән темага иншаларын тәкъдим иттеләр. Иншалар бай эчтәлекле, тулы, күңелләргә үтеп керерлек итеп язылган.

14 февраль – халыкара китап бүләк итү көне буларак билгелэп үтелде.  Ә сез шундый  күркәм бәйрәм бар икәнен белә идегезме?  Шушы бәйрәм хөрмәтенә безнең гимназиядә “Китапны яратып бүләк ит!” дигән бөтенроссия акциясе булып узды. Акциянең максаты - бер – береңә, китапханәгэ китап бүләк итү

Бүгенге "Мөһим сөйләшүләрнең" темасы хәзерге дөньяда Россиянең әһәмиятен һәм ролен ачыкларга юнәлтелгән иде. Укучылар илебезнең төрле сфералары буенча дөньякүләм казанышлары белән таныштылар, үзләренең фикерләре белән уртаклаштылар.

Бүген күренекле опера җырчысы Фёдор Иванович Шаляпинның тууына 150 ел. Бөек җырчының иҗаты һәм мирасы белән танышу максатыннан, музыка укытучысы Фәридә Гайнетдиновна укучылар белән кызыклы әңгәмә үткәрде.