Гимназиям минем гимназиям,
Яшьлегемнең нурлы почмагы.
Син илтәсең безне киләчәккә,
Ышанычның кайнар кочагын!
Менә ниһаять күптән көтелгән яңартылган бинага тәүге аяк бастык. Аякларыбыз җиңел, укуларыбыз нәтиҗәле, бинабыз якты белем учагы булсын дигән теләктә калабыз!

Кадерле 9 нчы чыгарылыш сыйныф укучылары, укытучылар, ата-аналар! Чыгарылыш сыйныф укучылары өчен иң дулкынландыргыч һәм шатлыклы бәйрәм - аттестатлар тапшыру белән ихлас котлауларымны кабул итегез!
Бу ел сезнең һәрберегез өчен үзенчәлекле булды. Сез үз тормышыгыздагы иң мөһим этапларның берсен үттегез - гимназияне тәмамладыгыз. Әмма алда-һөнәр сайлау һәм үз тормыш юлын билгеләү. Чыгарылыш сыйныф укучылары өчен бүген һәркем үз алдына куелган максатларга ирешә, үз потенциалын тулысынча ача алсын өчен барлык шартлар да тудырылган. Ә уңыш бары тик шәхси инициативага, үз көчеңә ышанычка, алга бару теләгенә генә бәйле. Сез – Татарстаныбызның, Россиябезнең киләчәге һәм өмете. Үз көчегезгә ышаныгыз, үз алдыгызга амбициоз максатлар куегыз һәм теләгегезгә ирешегез – ул чакта сезне, һичшиксез, уңыш көтәр!” дип үз теләкләрен җиткерде гимназиябез директоры Равил Хасанович.

Соңгы кыңгырау яңгырый бүген
Яңа юл яра гомер агышы.
Соңгы кыңгырау — әнкәй догасы,
Изге юл тели аның тавышы.
Бүген гимназиябездә тантаналы рәвештә "Соңгы кыңгырау" кичәсе булып узды.
Укытучыларны да, бәйрәмгә килгән кунакларны да, күңелләре белән ерак балачак елларына алып киткән, күзләрне дымландырган бу тантанада күңелле һәм моңсу мизгелләр күп булды.
Вакыт сиздерми генә үтеп киткән. Балачак инде артта калды. Алда беренче сынаулар көтә. Ни генә булмасын, укучыларның имтиханнарны уңышлы тапшыруларын теләп, аларга дөньяның матурлыгын, тормышның асылын, яшәү ямен һәм мәгънәсен аңлап яшәүләрен теләп калабыз!

Җиребезгә якты кояш нуры
Килгән кебек ерак-ерактан,
Изге эш тә җан җылыта ала,
Чыкса әгәр кайнар йөрәктән.
1Б сыйныфы укучысы Галиева Ясминә игелекле эшләр акциясендә.

Бугенге Хәйрия ярминкәсендә 23780 сум акча җыелды. Барлык әти-әниләргә, укучыларга, укытучыларга зур рәхмәт. Эшләгән яхшылыклар меңләтә әйләнеп кайтсын

10 нчы сыйныф укучылары "Вахта Памяти" акциясендә.

4А һәм 4Б сыйныфында 18 нче май көнне "Җиңү дәресе" булып узды. Дәрес вакытында укучыларга патриотизм, геройларга, ветераннарга карата хөрмәт һәм ярату хисләре аңлатылды. Укучылар Бөек Ватан сугышында катнашкан әби-бабайлары турында горурланып сөйләделәр. Шулай ук Бөек Ватан геройлары турында презентация карау балалар күңелендә тирән эз калдырды.

В 5Б классе "Всемирный урок Победы". На этом уроке учащиеся получили и расширили знания о ВОВ, об истории своей страны. Ещё больше стали уважать и чтить защитников Родины. Учащиеся сами рассказали о юных героях Советского союза. В ходе боев дети-герои не щадили собственные жизни и шли с таким же мужеством и отвагой, как взрослые мужчины.

Шәһәр күләмендә уздырылучы "Бергәләп үсәбез" дип исемләнгән акция астында, 2а сыйныф укучылары үзләренең өй яннарына, бакчаларына кечкенә чыршылар, наратлар утырттылар.
"Бу акция ,укучыларда табигатькә сакчыл караш тәрбияләргә ярдәм итәчәк" - дип белдерде сыйныф җитәкчеләре, Рәмзия Ралифовна.

Бүген 8, 10, 11 нче сыйныф укучылары Татар Дәүләт Филармониясенә барып, Айдар Фәйзрахманов җитәкчелегендәге фольклор ансамбль башкаруындагы "Хәрәкәттә, бәрәкәт" дип исемләнгән концертын карап кайттылар.