"Бүген «ШАЯН ТВ» каналының «Балачак җыры» концерты Казанның 18 нче татар гимназиясендә үтте! Бирегә башкалабызның мәктәп-гимназия укучылары җыелды. Концертта «Сәйлән» фестивале җиңүчеләре «Балачак җыры» бәйгесенең хитларын башкарды. Хөрмәтле кунаклардан Татарстан Республикасы Дәүләт киңәшчесе ярдәмчесе, Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе әгъзасы Нурсөя Нурулла кызы Шәйдуллина һәм Татарстан Республикасы Дәүләт Советының бюджет, салымнар һәм финанслар комитеты рәисе урынбасары, Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе әгъзасы Камил Әсгать улы Ногаев та бар иде. Безнең яраткан персонажларыбыз да нәни дусларыбызны сөендерде: шаярдылар, көлделәр, фотога төштеләр, иң активларга бүләкләр өләштеләр.
Әлеге чара Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә үткәрелде.
Концерт бик эчтәлекле булды, онытылмаслык тәэсирләр калдырды! Нәни дусларыбыз һәр чыгышны бик җылы кабул иттеләр!"- дип яза, ШАЯН ТВ редакциясе.

16 нчы ноябрь көнне 3а, 3б, 3в сыйныфы укучылары "Сабантуй журналы"ннан килгән кунаклар белән очраштылар, мастер класста катнаштылар. Соңыннан истәлекле бүләкләр белән бүләкләнделәр.

Узган атнада гимназиябез китапханәсендә
6 б сыйныфы укучылары өчен "Бер китап мең кешене бәхетле итә"дип исемләнгән китап белән танышу дәресе булып узды. Бу дәрестә аларга, китап белән ничек дөрес эшләргә, аның тарихын һәм бүгенге заманча дөньяда иң кыйммәтле нәрсә булып торганлыгын, нинди материалдан эшләнгәнлеге аңлатылды.

Гимназиябездә төрле түгәрәкләр бик уңышлы әшләп килә. "Галәм киңлекләрендә" дип аталган экология түгәрәгенә йөрүче 3Б сыйныфы укучылары җитәкчеләре Гафарова И. И. белән " Песнәкләр көне" темасына проект эше башкардылар.

Бүген китапханәдә 4а сыйныфы белән "Буратино"ның туган көненә багышланган сыйныфтан тыш чара үткәрелде.

Укучыларда толерантлык тәрбияләү максатыннан 5А сыйныфында Халыклар бердәмлеге көненә багышланган «Без - төрле, ләкин без - бергә!» дип исемләнгән дәрес үтте. Укучылар дәрестә Россия территориясендә яшәүче халыкларның киемнәренә, ризыкларына, гореф-гадәтләренә багышланган проектлар якладылар. «Укучыларны әлеге дәрестә алган җылы хисләр гел озатып йөрсен! Кешеләр шулай, дус, тату, толерантлы булып яшәсеннәр. Илебез тыныч булсын! Бердәм булыйк, бергә булыйк!» - дигән теләген белдерде укытучылары Гөлчәчәк Әсхәтовна.

Бик күптәнге хыялым -

Кидспейска барырга.

Хыялым тормышка ашты

Көзге каникулларда.
Каникулның соңгы көне дә якынлашты. Ләкин 1б сыйныфы укучылары бу көннәрне өйдә ятып кына үткәрми, ә киресенчә, кидспейс күңел ачу үзәгенә барып, көч җыеп кайттылар. Афәрин укучылар!
Шуның белән көзге каникул сәяхәтебез тәмам дисәк тә була!
Киләсе атнадан барыгызны да белем илендә көтеп калабыз!!!

1 А сыйныф укучылары да көзге каникулларын бушка уздырмыйча хайваннар дөньясына сәяхәт итеп кайттылар. "Казаныбыз үзәгендә урнашкан яңа "Зооботаника бакчасы балаларда тирән эз калдырды" - дип өстәп куйды, сыйныф җитәкчеләре Гөлфия Рөстәмовна.
Ә инде зоопаркта булган күңелле мизгелләрен, сезгә дә тәкъдим итәбез.

Ә менә, 2в сыйныфы укучылары, каникул вакытында үзләренең һөнәри осталыкларын сынар өчен "Абый & Сабый" дип исемләнгән иҗади интерактив үзәккә барып, кошларга оя, акча янчыклары эшләп кайттылар.
"Бу шәһәребездә иң яхшы урын, анда кеше һөнәри осталыгын күрсәтә һәм хезмәт матурлыгын күрә алачак" - ди, сыйныф җитәкчеләре Гөлчәчәк Мансуровна.

 Халыкара мәктәп китапханәләре көненә багышланган «Китапка икенче тормыш бүләк ит» акциясе ахырына якынлашты. Акциядә гимназиябезнең 105 укучысы катнашты, алар китапханәгә 499 данә китап тапшырдылар. Бүләк итеп тапшырылган китаплар, китап киштәләрендә үз урыннарын алу белән беррәттән, башка укучыларга да шатлык бүләк итәчәк. 
Ә иң мөһиме, күп китап тапшырган сыйныф укучылары рәхмәт хатлары белән бүләкләнделәр.
1 урын - 6б,
2 урын -5а,
3 урын - 3а сыйныфы дип табылды.
Афәрин укучылар!