6 нче декабрь көнне тарих һәм җәмгыять белеме укытучысы Мансурова Г. Ә. 6,7 сыйныф укучылары өчен "Коррупция турында ни беләсең?" дигән темага әңгәмәләр үткәрде.
Укучылар коррупция төшенчәсе һәм аның килеп чыгу тарихы белән таныштылар, ришвәтчелек белән ничек көрәшергә кирәклеген үзләштерделәр. Укучылар әлеге темага кагылышлы язма эшләр башкардылар, рәсемнәр ясадылар.

3 нче декабрь "Билгесез солдат көне" уңаеннан 5-7 сыйныфларда Хәтер дәресләре үткәрелде. Укучылар үзләренең гаиләләрендә хәбәрсез югалган бабалары турында сөйләп үттеләр. " Билгесез солдат" көне безгә үз тарихыбызны онытмаска, бабаларыбызның батырлыкларын искә алырга мөмкинлек бирүче тагын бер истәлекле дата булып тора.

Сез, Кыш бабайга хат яздыгызмы әле? Ә менә 1 А сыйныфы укучылары бүген Кыш бабайга открыткалар ясады.

30 нче ноябрь көнне 5А һәм 7А сыйныфы укучылары өчен ЮХИДИнең профилактика бүлегенең әйдәп баручы белгече Хайруллина Сагдия Салиховна юл йөрү куркынычсызлыгына багышланган дәрес үткәрде. Ул урамда дөрес хәрәкәтләнүгә игътибар итәргә икәнен аңлатты, әңгәмә барышында балаларны кызыксындырган сорауларга җавап бирде.

29 ноябрь көнне рус теле һәм әдәбияты укытучысы Назарова Р. Б. 6 сыйныф укучылары белән И. С. Тургеневның "Бежин луг" әсәре буенча дәрес- проект уздырды.

28 ноябрь көнне "Хокук мәктәбе" проекты тарафыннан гимназиядә " Финанс грамоталылыгы нигезләре" буенча очрашу узды. Әлеге чараны "Яшь юристлар берлеге" вәкилләре, "ТИСБИ" университеты студентлары Мансурова Зилә һәр Демин Глеб оештырдылар. Чара барышында укучылар гаилә бюджеты, керемнәр һәм чыгымнар турында белемнәрен ныгыттылар. Шулай ук акчага сакчыл караш, экономияләү ысулларын эзләү буенча төрле эш алымнары белән таныштылар.

Гимназиябездә һәр дүшәмбе иртәсе гимн җырлаудан һәм "Мөһим сөйләшү"дән башланып китә.
Бүген укучылар белән "Дәүләт символлары" дигән темага сөйләшү алып барылды.
3В сыйныфы укучылары сыйныф җитәкчеләре Егорова Р. Р. белән әлеге темага карата дәүләт символларыннан күргәзмә оештырдылар.

Әни - җирдә иң газиз,иң якын кеше, чөнки ул сине тудырган, күкрәк сөтен имезгән, җыр көйләп бишектә тибрәткән, беренче елмаюыңны күреп куанган, туган телне өйрәткән, халык моңын күңелеңә сеңдергән. Әниләрнең сиңа кылган изгелеген санап бетерү мөмкинме соң?
Көннең яктылыгы - кояшта,
Күкнең матурлыгы - йолдызларда,
Җирнең гүзәллеге - хатын-кызларда.
Сезне бөтен җир йөзен бизәгән Әниләр бәйрәме белән тәбриклибез! 
Кадерлик без әниләрне, олылыйк! Аларның канатлары каерылмасын,тормыш авырлыкларыннан иңнәре сыгылып төшмәсен! Хатын-кыз һәрвакытта да хатын-кыз булып калсын!

Үз осталыкларын сынап, 1б һәм 4б сыйныфы укучылары "Әниемә бүләккә" дип исемләнгән мастер класс оештырды. Һәр бала үз открыткасын, букетын булдырды.
"Бүгенге көндә кулдан ясалган букетлар бик популяр. Мондый бүләкләрнең өстенлеге - аларны озак еллар саклап булуда"-ди, 4б сыйныф җитәкчесе, Рушания Мингазовна.
Чара балаларда әти-әниләргә рәхмәт хисләрен үстерүгә ярдәм итә" - дип өстәп куйды, 1б сыйныф җитәкчесе, Лилия Гансовна.

21- 25 ноябрь көннәрендә гимназиябездә "Сәламәт туклану " атналыгы узды. Атна дәвамында укучылар белән сәламәт яшәү рәвеше һәм дөрес туклану турында уен формасында сыйныф сәгатьләре үткәрелде.